Первая книга Царств (Первая книга Самуила), глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1	Сынъ единаго лѣта Саулъ, егда нача цар­ст­вовати, и два лѣта цар­ст­вова надъ Израилемъ.
13:2 См.: 🔗Ис. 10:28 🔗Суд. 19:12	И избра себѣ Саулъ три тысящы мужей от­ мужей Израилевыхъ, и быша съ Сауломъ двѣ тысящы въ Махмасѣ и въ горѣ Веѳили, и тысяща бѣша со Ионаѳаномъ въ гаваи Венiаминовѣ: и останокъ людій от­пусти ко­егождо во своя селенiя.
13:3 См.: 🔗1Цар. 10:5	И порази Ионаѳанъ насива иноплемен­ника иже въ холмѣ. И услышаша иноплемен­ницы, и Саулъ воструби трубою во всю землю, глаголя: от­вергошася раби.
13:4 См.: 🔗Быт. 34:30 🔗Исх. 5:21	И слыша весь Израиль глаголющихъ, яко порази Саулъ насива иноплемен­ника, и омерзѣ Израиль во иноплемен­ницѣхъ. И собрашася людiе вслѣдъ Саула въ Галгалѣхъ.
13:5	И иноплемен­ницы собрашася на брань на Израиля: и прiидоша на Израиля тридесять тысящъ колесницъ и шесть тысящъ кон­никъ и множе­с­т­во людій, яко песокъ иже при­­ мори: и шедше ополчишася въ Махмасѣ противу веѳорону на югъ.
13:6 См.: 🔗1Цар. 14:22 🔗2Цар. 17:9	И видѣша мужiе Израилевы, яко не могоша противу стати, и скрышася людiе въ вертепѣхъ и въ оградѣхъ и въ каменiихъ и въ пропастехъ и во рвахъ:
13:7	и преходяще преидоша Иорданъ въ землю гадову и Галаадску. И Саулъ бяше еще въ Галгалѣхъ, и вси людiе ужасошася, иже бяху съ нимъ.
13:8 См.: 🔗1Цар. 10:8	И жда­ше седмь дній по свидѣтел­ст­ву, якоже рече самуилъ, и не прiиде самуилъ въ Галгалы: и разсѣяшася людiе его от­ него.
13:9	И рече Саулъ: при­­ведите, яко да сотворю всесожженiе и мирная. И воз­несе всесожженiе.
13:10	И бысть егда соверши воз­нося всесожженiе, и се, самуилъ прiиде: и Саулъ изыде на срѣтенiе ему благословитися имъ.
13:11	И рече самуилъ: что сотворилъ еси? И рече Саулъ: видѣхъ, яко от­идоша людiе от­ мене, и ты не при­­шелъ еси, якоже опредѣлилъ еси свидѣтел­ст­вомъ дній, иноплемен­ницы же собрашася въ Махмасъ,
13:12	и рѣхъ: нынѣ прiидутъ иноплемен­ницы ко мнѣ въ Галгалы, и лица Господня не умолихъ: и не удержахся, и воз­несохъ всесожженiе.
13:13	И рече самуилъ къ Саулу: безумiе бысть тебѣ, понеже не сохранилъ еси заповѣди мо­ея, юже заповѣда ти Господь: яко нынѣ уготовалъ бы Господь цар­ст­во твое во Израили до вѣка:
13:14 См.: 🔗Деян. 13:22	и нынѣ цар­ст­во твое не станетъ тебѣ, и изыщетъ Господь себѣ человѣка по сердцу сво­ему, и повелитъ ему Господь властелину быти надъ людьми сво­ими, яко не сохранилъ еси, елика заповѣда тебѣ Господь.
13:15 См.: 🔗1Цар. 14:2	И воста самуилъ и иде от­ Галгалъ въ путь свой: и останокъ людій идоша вслѣдъ Саула на срѣтенiе людемъ ратнымъ. Имже при­­ходящымъ от­ Галгалъ въ гаваю Венiаминову, и сочте Саулъ люди обрѣтшыяся съ нимъ яко шесть сотъ мужей.
13:16	Саулъ же и Ионаѳанъ сынъ его и людiе обрѣтшiися съ ними сѣдоша въ гаваи Венiаминовѣ и плакашася: иноплемен­ницы же ополчишася въ Махмасѣ.
13:17 См.: 🔗Нав. 18:23	И изыдоша губящiи от­ села иноплемен­никовъ тремя началы: начало едино зрящее путь гофера на землю Совалю:
13:18 См.: 🔗Нав. 16:3	и начало едино зрящее путь веѳоронь: и начало едино зрящее путь гаваи, клонящiйся къ гаисавимъ пустыни.
13:19 См.: 🔗Суд. 5:8 🔗4Цар. 24:14 🔗Иер. 29:2	И ковачь желѣза не обрѣта­шеся во всей земли Израилевѣ, яко рѣша иноплемен­ницы, да не сотворятъ Еврее меча и копiя.
13:20	И хождаху вси сынове Израилевы въ землю иноплемен­ничу ковати кійждо своя косы и орудiя своя, и кійждо сѣкиры своя и серпы своя.
13:21	И при­­тупишася вся орудiя при­­спѣв­шей жатвѣ, сѣкиры и серпы, поправленiя же има не бысть.
13:22 См.: 🔗Суд. 5:8	И бысть во дни брани Махмасскiя, и не обрѣтеся меча и копiя въ рукахъ всѣхъ людій, иже съ Сауломъ и со Ионаѳаномъ: точiю у Саула и Ионаѳана сына его.
13:23	И изыдоша от­ стана иноплемен­нича объ ону страну Махмаса.