Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗Иов. 1:6 | Бысть же яко день сей, и прiидоша ангели Божiи предстати предъ Господемъ, и дiаволъ прiиде посредѣ ихъ предстати предъ Господемъ. |
2:2 | И рече Господь дiаволу: откуду ты грядеши? тогда рече дiаволъ предъ Господемъ: прошедъ поднебесную и обшедъ всю землю, прiидохъ. |
2:3 См.: 🔗Иов. 1:1 | И рече Господь ко дiаволу: внялъ ли еси убо [мыслiю твоею] рабу моему иову? яко нѣсть такова от сущихъ на земли: человѣкъ незлобивъ, истиненъ, непороченъ, богочестивъ, удаляяся от всякаго зла, еще же придержится незлобiя: ты же реклъ еси имѣнiя его погубити вотще. |
2:4 | Отвѣщавъ же дiаволъ Господеви, рече: кожу за кожу, и вся, елика имать человѣкъ, дастъ за душу свою: |
2:5 См.: 🔗Иов. 1:11 | обаче посли руку твою и коснися костемъ его и плоти его, аще не въ лице тя благословитъ. |
2:6 | Рече же Господь дiаволу: се, предаю ти его, токмо душу его соблюди. |
2:7 См.: 🔗Иов. 7:5 | Изыде же дiаволъ от лица Господня и порази иова гноемъ лютымъ от ногу даже до главы. |
2:8 | И взя [иовъ] чрепъ, да острогаетъ гной свой, и той сѣдяше на гноищи внѣ града. |
2:9 | се, пожду время еще мало, чая надежди спасенiя моего? |
2:10 | но рцы глаголъ нѣкiй ко Господу и умри. |
2:11 | и азъ скитающися и служащи, мѣсто от мѣста преходящи, и домъ от дому, ожидающи солнца, когда зайдетъ, да почію от трудовъ моихъ и от болѣзней, яже мя нынѣ обдержатъ: |
2:12 | ты же самъ въ гнои червей сѣдиши, обнощевая внѣ безъ покрова, |
2:13 | се бо, потребися от земли память твоя, сынове твои и дщери, моего чрева болѣзни и труды, имиже вотще трудихся съ болѣзньми: |
2:14 См.: 🔗Тов. 2:14 | Времени же многу минувшу, рече къ нему жена его: доколѣ терпиши глаголя: |
2:15 См.: 🔗Еккл. 7:14 🔗Иов. 1:22 | Онъ же воззрѣвъ рече къ ней: вскую яко едина от безумныхъ женъ возглаголала еси? аще благая прiяхомъ от руки Господни, злыхъ ли не стерпимъ? во всѣхъ сихъ приключившихся ему, ничимже согрѣши иовъ устнама предъ Богомъ [и не даде безумiя Богу]. |
2:16 См.: 🔗Быт. 25:3 | Услышавше же трiе друзiе его вся злая нашедшая нань, прiидоша кійждо от своея страны къ нему: Елифазъ Ѳеманскiй царь, Валдадъ Савхейскiй властитель, Софаръ Минейскiй царь: и прiидоша къ нему единодушно утѣшити и посѣтити его. |
2:17 | Увидѣвше же его издалеча, не познаша, и возопивше гласомъ велiимъ восплакашася, растерзавше кійждо одежду свою и посыпавше перстiю главы своя: |
2:18 | сѣдѣша при немъ седмь дній и седмь нощей, и никтоже от нихъ возглагола къ нему словесе: видяху бо язву люту сущу и велику зѣло. |