Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 7 | |
7:1 | Псаломъ Давиду, егоже воспѣтъ Господеви о словесѣхъ Хусіевыхъ, сына Иеменіина. |
7:2 | Господи Боже мой, на Тя уповахъ, спаси мя от всѣхъ гонящихъ мя и избави мя: |
7:3 | да не когда похититъ яко левъ душу мою, не сущу избавляющу, ниже спасающу. |
7:4 См.: 🔗Иов. 31:7 | Господи Боже мой, аще сотворихъ сiе, аще есть неправда въ руку моею, |
7:5 См.: 🔗1Цар. 24:7 🔗1Цар. 26:9 | аще воздахъ воздающымъ ми зла, да отпаду убо от врагъ моихъ тощъ: |
7:6 | да поженетъ убо врагъ душу мою, и да постигнетъ, и поперетъ въ землю животъ мой, и славу мою въ персть вселитъ. |
7:7 | Воскресни, Господи, гнѣвомъ Твоимъ, вознесися въ концахъ врагъ Твоихъ, и востани, Господи Боже мой, повелѣнiемъ, имже заповѣдалъ еси, |
7:8 | и сонмъ людій обыдетъ Тя: и о томъ на высоту обратися. |
7:9 См.: 🔗Быт. 18:25 🔗Пс. 25:1 | Господь судитъ людемъ: суди ми, Господи, по правдѣ моей и по незлобѣ моей на мя. |
7:10 | Да скончается злоба грѣшныхъ, и исправиши праведнаго, испытаяй сердца и утробы, Боже, праведно. |
7:11 | Помощь моя от Бога, спасающаго правыя сердцемъ. |
7:12 | Богъ судитель праведенъ, и крѣпокъ, и долготерпѣливъ, и не гнѣвъ наводяй на всякъ день. |
7:13 См.: 🔗Плч. 2:4 🔗Плч. 3:12 | Аще не обратитеся, оружiе Свое очиститъ, лукъ Свой напряже, и уготова и, |
7:14 | и въ немъ уготова сосуды смертныя, стрѣлы Своя сгараемымъ содѣла. |
7:15 См.: 🔗Иов. 15:35 🔗Ис. 59:4 | Се, болѣ неправдою, зачатъ болѣзнь и роди беззаконiе: |
7:16 | ровъ изры и ископа и, и падетъ въ яму, юже содѣла. |
7:17 См.: 🔗Неем. 4:5 🔗Пс. 139:10 | Обратится болѣзнь его на главу его, и на верхъ его неправда его снидетъ. |
7:18 | Исповѣмся Господеви по правдѣ Его и пою имени Господа Вышняго. |