Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 | Въ тыя дни не бяше царя во Израили: и въ тыя дни племя даново искаше себѣ наслѣдiя вселитися, яко не паде ему наслѣдiе до дній оныхъ средѣ племенъ сыновъ Израилевыхъ. |
18:2 См.: 🔗Нав. 19:47 🔗Суд. 17:1 | И послаша сынове Дановы от сонмовъ своихъ пять мужей от части своея, мужы сильны от сараи и есѳаола, соглядати землю и изслѣдити ю, и рекоша къ нимъ: идите и изслѣдите землю. И прiидоша до горы Ефремли, до дому михина, и сташа тамо въ дому михи. |
18:3 | И тіи познаша гласъ юноши Левитина, и уклонишася тамо, и рекоша ему: кто тя приведе сѣмо? и что твориши въ мѣстѣ семъ? и что тебѣ здѣ? |
18:4 См.: 🔗Суд. 17:10 | И рече имъ: сице и сице сотвори мнѣ миха, и ная мя, и быхъ ему жрецъ. |
18:5 См.: 🔗1Цар. 23:10 🔗1Цар. 30:8 | И рекоша ему: вопроси убо Бога, и увѣмы, аще благопоспѣшится путь нашъ, въ оньже мы идемъ. |
18:6 | И рече имъ жрецъ: идите съ миромъ: предъ Господемъ путь вашъ, въ оньже идете. |
18:7 См.: 🔗Нав. 19:47 | И идоша пять мужiе и прiидоша въ лаисъ: и видѣша людій живущихъ въ немъ, сѣдящихъ со упованiемъ по обычаю Сидонянъ, въ тишинѣ и надеждѣ, и не бѣ устрашаяй, или посрамляяй словесе на земли, наслѣдникъ истязуяй сокровища: зане далече бяху от Сидонянъ, и не имяху словесе съ кіимъ либо человѣкомъ. |
18:8 | И прiидоша пять мужей ко братiи своей въ сараю и есѳаолъ и рекоша братiи своей: что вы сѣдите? |
18:9 | И рѣша: востаните, и взыдемъ на ня, зане видѣхомъ землю, и се, блага зѣло, и вы молчите: не облѣнитеся ити и внити еже наслѣдити землю: |
18:10 | и егда прiидете, внидете въ люди живущыя со упованiемъ, а земля пространна: яко предаде ю Богъ въ руки вашя, мѣсто на немже нѣсть скудости во всемъ еже на земли. |
18:11 См.: 🔗Суд. 13:25 | И воздвигошася оттуду от племене данова, от сараи и есѳаола, шесть сотъ мужей препоясани во оружiе ополченiя, |
18:12 См.: 🔗Нав. 15:60 🔗Иер. 26:20 | и взыдоша и ополчишася въ карiаѳiаримѣ во Иудѣ: сего ради наречеся мѣсто то полкъ дановъ и до сего дне: се созади карiаѳiарима. |
18:13 | И преидоша оттуду въ гору Ефремлю и прiидоша до дому михина. |
18:14 См.: 🔗Ис. 10:30 🔗Суд. 17:4 | И отвѣщаша пять мужей ходившiи соглядати землю лаисъ и рекоша ко братiи своей: разумѣсте ли, яко есть въ дому семъ Ефудъ и Ѳерафинъ, и изваяно и слiяно? и нынѣ увѣдите, что сотворите. |
18:15 | И уклонишася тамо и внидоша въ домъ юноши Левитина, въ домъ михинъ, и вопросиша его въ мирѣ. |
18:16 | И шесть сотъ мужей препоясани во оружiе ополченiя своего, стояще у дверiй вратныхъ, иже от сыновъ дановыхъ. |
18:17 | И взыдоша пять мужей ходившихъ соглядати землю: и вшедше тамо взяша изваяно, и Ефудъ и Ѳерафинъ, и слiяное: жрецъ же стояше у дверiй вратныхъ, и шесть сотъ мужей препоясани во оружiе воинско: |
18:18 | и сіи внидоша въ домъ михинъ и взяша Ефудъ и Ѳерафинъ, и слiяно и изваяно. И рече къ нимъ жрецъ: что вы творите? |
18:19 См.: 🔗Суд. 17:10 | И рѣша ему: умолчи, положи руку твою на уста твоя и пойди съ нами, и буди намъ отецъ и жрецъ: еда уне есть тебѣ быти жерцу единаго мужа дому, нежели быти жерцу племени и дому и сонма Израилева? |
18:20 | И возблажа сердце жреческо, и взя Ефудъ и Ѳерафинъ, и изваяное и слiяное, и вниде посредѣ людій. |
18:21 | И возвратишася и отидоша, и пустиша предъ собою чада и притяжанiе свое честное. |
18:22 | Удалившымся же имъ от дому михина, и се, миха и мужiе иже въ жилищахъ, яже съ домомъ михинымъ быша, воззваша и постигоша сыны Дановы, |
18:23 | и возопиша къ сыномъ Дановымъ: и обратиша сынове Дановы лица своя и рѣша къ михѣ: что есть тебѣ, яко воззвалъ еси? |
18:24 См.: 🔗Быт. 31:30 | И рече миха: яко изваяное мое, еже сотворихъ, взясте, и жерца, и поидосте: и что мнѣ еще? и что сiе глаголете мнѣ: что вопiеши? |
18:25 | И рекоша ему сынове Дановы: да не услышится нынѣ гласъ твой вслѣдъ насъ, да не востанутъ на вы мужiе лютою душею, и положиши душу твою и душу дому твоего. |
18:26 | И идоша сынове Дановы въ путь свой. И видѣ миха, яко сильнѣйшiи суть паче его, и возвратися въ домъ свой. |
18:27 | И сынове Дановы взяша, елика сотвори миха, и жерца, иже бяше у него, и прiидоша въ лаисъ, къ людемъ молчащымъ и уповающымъ надеждею, и избиша ихъ острiемъ меча, и градъ сожгоша огнемъ: |
18:28 См.: 🔗2Цар. 10:6 | и не бяше избавляяй, яко далече бяху от Сидонянъ, и словесе не бяше имъ съ человѣкомъ: и сей [градъ бысть] во удолiи дому роовля: и соградиша градъ и вселишася въ немъ, |
18:29 См.: 🔗Быт. 14:14 🔗Нав. 19:47 | и нарекоша граду имя данъ, во имя Дана отца своего, иже родися Израилю: и бяше прежде имя граду лаисъ. |
18:30 | И поставиша себѣ сынове Дановы изваяное: Ионаѳанъ же сынъ Гирсонь сынъ Манассіинъ, той и сынове его бяху жерцы племени данову до дне преселенiя земли: |
18:31 См.: 🔗Иер. 17:12 | и поставиша себѣ изваяное, еже сотвори миха, во вся дни, въ няже бяше домъ Божiй въ Силомѣ. |