Второзаконие, глава 21

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 21
21:1	Аще же обрящет­ся убiеный на земли, юже Господь Богъ даетъ тебѣ наслѣдити, лежащь на поли, и не вѣдятъ убив­шаго и:
21:2	да изыдутъ старцы и судiи тво­и и да измѣрятъ до градовъ, иже окрестъ убiенаго:
21:3	и будетъ градъ при­­ближаяйся убiеному, и да возмутъ старѣйшины града того юницу от­ говядъ, еюже не дѣлано, и яже ярма не понесе:
21:4	и да изведутъ старѣйшины града того юницу въ дебрь суху, яже не оран­на, ниже насѣяна, и да пресѣкутъ жилы юницы въ дебри:
21:5 См.: 🔗Втор. 10:8 🔗Втор. 17:8	и да при­­ступятъ жерцы левити: яко сихъ избра Господь Богъ твой предстояти Ему и благословляти во имя Его: и во устѣхъ ихъ да будетъ всякое прекословiе и всякая язва:
21:6 См.: 🔗Пс. 25:6 🔗Мф. 27:24	и вси старѣйшины града того, при­­ближающiися убiеному, да омыютъ руцѣ надъ главою юницы, ейже пресѣчены суть жилы въ дебри,
21:7	и от­вѣщав­ше да рекутъ: руцѣ наши не пролiяша крове сея, и очи наши не видѣша:
21:8	милостивъ буди людемъ Тво­имъ Израилю, ихже извелъ еси, Господи, изъ земли Египетскiя, да не будетъ кровь неповин­на на людехъ Тво­ихъ Израили: и очистит­ся имъ кровь:
21:9	ты же отъ­имеши кровь неповин­ну от­ среды себе, аще сотвориши доброе и угодное предъ Господемъ Богомъ тво­имъ.
21:10	Аще же изыдеши на брань противу врагомъ тво­имъ, и предастъ я Господь Богъ твой въ руцѣ тво­и, и плѣниши плѣнъ от­ нихъ,
21:11 См.: 🔗Исх. 34:16 🔗Втор. 7:3	и узриши въ плѣнѣ жену добру обличiемъ, и воз­любиши ю, и поймеши ю себѣ въ жену,
21:12	и введеши ю внутрь въ домъ твой, и да обріеши главу ея, и да обрѣжеши ногти ея,
21:13	и да совлечеши ризы плѣн­ныя ея съ нея: и да сядетъ въ дому тво­емъ, и да плачет­ся отца сво­его и матере сво­ея месяцъ дній: и по семъ внидеши къ ней, и совокупишися съ нею, и будетъ тебѣ жена.
21:14 См.: 🔗Мал. 2:16 🔗Мф. 19:8 🔗Втор. 24:1	И будетъ аще не восхощеши ея, да от­пустиши ю свободну, продажею же да не продаси ея на цѣнѣ: да не от­ринеши ея, понеже смирилъ еси ю.
21:15 См.: 🔗Быт. 29:30 🔗1Цар. 1:5	Аще же будутъ мужу двѣ жены, едина от­ нихъ люба, и другая не люба, и породятъ ему любая и нелюбая, и будетъ сынъ перворожден­ный от­ нелюбимыя:
21:16	и будетъ въ оньже день раздѣлитъ сыномъ сво­имъ имѣнiе свое, не воз­можетъ первенцемъ быти сынъ любимыя, презрѣвъ сына нелюбимыя первенца:
21:17 См.: 🔗Быт. 49:3 🔗4Цар. 2:9	но сына нелюбимыя за первенца да при­­знаетъ, и дастъ ему сугубо от­ всего, еже обрящет­ся ему, яко сей есть начало чадъ его, и сему достоитъ первен­ство.
21:18 См.: 🔗Втор. 13:6	Аще же кому будетъ сынъ непокоривъ и грубитель, не послушаяй гласа отца сво­его и гласа матере сво­ея, и накажутъ его, и не послушаетъ ихъ,
21:19	да возмутъ его отецъ его и мати его, и да изведутъ его предъ старѣйшины града сво­его и предъ врата мѣста сво­его,
21:20	и да рекутъ къ мужемъ града сво­его: сынъ нашъ сей непокоривъ есть и грубитель и не слушаетъ рѣчи на­шея, сластолюб­ст­вуя пiян­ствуетъ:
21:21 См.: 🔗Втор. 13:11 🔗Втор. 17:13 🔗Втор. 19:19 🔗1Кор. 5:13	и да побiютъ его мужiе града того каменiемъ, и да умретъ: и измите злое от­ себе самихъ, да и прочiи слышав­ше убоят­ся.
21:22	Аще же будетъ на комъ грѣхъ, судъ смертный, и да умретъ, и повѣсите его на древѣ,
21:23 См.: 🔗Гал. 3:13	да не пренощуетъ тѣло его на древѣ, но во гробѣ погребите его въ тойже день: яко проклятъ есть от­ Бога всякъ висяй на древѣ: и да не оскверните земли, юже Господь Богъ твой даетъ тебѣ во жребiй.