Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 19 | |
19:1 См.: 🔗1Цар. 18:1 🔗1Цар. 20:17 | И глагола Саулъ къ Ионаѳану сыну своему и ко всѣмъ отрокомъ своимъ, да умертвятъ давида. Ионаѳанъ же сынъ Сауловъ любяше давида зѣло. |
19:2 | И возвѣсти Ионаѳанъ давиду, глаголя: отецъ мой Саулъ ищетъ тя убити: сохранися убо заутра рано, и скрыйся, и сяди втайнѣ: |
19:3 | и азъ изыду, и стану при отцѣ моемъ на селѣ, идѣже еси ты: и азъ возглаголю отцу моему о тебѣ, и узрю, что будетъ, и возвѣщу тебѣ. |
19:4 | И глагола Ионаѳанъ о давидѣ благая къ Саулу отцу своему, и рече къ нему: да не согрѣшаетъ царь на раба своего давида, яко не согрѣши предъ тобою, и дѣла его блага суть зѣло: |
19:5 См.: 🔗Суд. 5:18 | и положи душу свою въ руцѣ своей и побѣди иноплеменника, и сотвори Господь спасенiе велико всему Израилю, и вси видѣша и возрадовашася: и почто согрѣшаеши въ кровь неповинну, еже убити давида туне? |
19:6 См.: 🔗1Цар. 14:45 | И послуша Саулъ гласа Ионаѳаня: и клятся Саулъ, глаголя: живъ Господь, яко не умретъ [давидъ]. |
19:7 | И призва Ионаѳанъ давида и возвѣсти ему вся глаголы сiя, и введе Ионаѳанъ давида къ Саулу, и бѣ предъ нимъ яко вчера и третiяго дне. |
19:8 | И приложися брань быти на Саула, и укрѣпися давидъ, и побѣди иноплеменники, и изби язвою великою зѣло, и бѣжаша от лица его. |
19:9 См.: 🔗1Цар. 16:14 | И бысть от Бога духъ лукавый на Саулѣ, и той въ дому своемъ сѣдяше, и копiе въ руцѣ его, давидъ же играше руками своими: |
19:10 См.: 🔗1Цар. 18:11 🔗1Цар. 20:33 | и искаше Саулъ копiемъ поразити давида, и отступи давидъ от лица Сауля, и удари Саулъ копiемъ въ стѣну: давидъ же отшедъ спасеся въ нощь ту. |
19:11 См.: 🔗Пс. 58:1 🔗Евр. 11:34 | И посла Саулъ вѣстники въ домъ давидовъ стрещи его, еже убити его рано. И возвѣсти давиду Мелхола жена его, глаголющи: аще ты не спасеши души твоея въ нощь сiю, заутра умреши. |
19:12 | И свѣси Мелхола давида оконцемъ, и отъиде, и убѣжа, и спасеся: |
19:13 | и прiятъ Мелхола тщепогребалная, и положи на одрѣ, и печень козiю положи на возглавiи его, и покры я ризами. |
19:14 | И посла Саулъ вѣстники, да имутъ давида, и рекоша, яко боленъ есть. |
19:15 | И посла Саулъ, да оглядаютъ давида, глаголя: принесите его на одрѣ ко мнѣ, еже умертвити его. |
19:16 | И прiидоша слуги, и се, тщепогребалная на одрѣ и козiя печень при возглавiи его. |
19:17 | И рече Саулъ къ Мелхолѣ: почто тако обманула мя еси, и отпустила еси врага моего, и гонзе мене? И рече Мелхола Саулу: самъ ми рече: отпусти мя: аще же ни, погублю тя. |
19:18 | И давидъ убѣжа и спасеся, и иде къ самуилу во Армаѳемъ и повѣда ему вся, елика сотвори ему Саулъ. И идоста давидъ и самуилъ и сѣдоста въ наваѳѣ въ рамѣ. |
19:19 | И возвѣстиша Саулу, глаголюще: се, давидъ въ наваѳѣ въ рамѣ. |
19:20 | И посла слуги Саулъ яти давида, и видѣша соборъ пророковъ, и самуилъ стояше настоятель надъ ними: и бысть Духъ Божiй на слугахъ Саулихъ, и начаша прорицати. |
19:21 | И возвѣстиша Саулу, и посла другія слуги, и прорицати начаша и тіи. И приложи Саулъ послати слуги третiя, и начаша и тіи прорицати. |
19:22 См.: 🔗1Цар. 17:1 | И разгнѣвася гнѣвомъ Саулъ, и иде и самъ во Армаѳемъ, и прiиде даже до кладязя гумна, еже есть въ сефѣ, и вопроси и рече: гдѣ есть самуилъ и давидъ? И рѣша: се, въ наваѳѣ въ рамѣ. |
19:23 См.: 🔗Прит. 21:1 🔗1Цар. 18:10 | И иде оттуду въ наваѳъ [иже] въ рамѣ: и бысть и на немъ Духъ Божiй, и идяше идый и прорицая, дондеже прiити ему въ наваѳъ иже въ рамѣ. |
19:24 См.: 🔗1Цар. 10:11 | И совлече ризы своя и прорицаше предъ ними: и паде нагъ весь день той и всю нощь. Того ради глаголаху: еда и Саулъ во пророцѣхъ? |