Книга Премудрости Иисуса, сына Сирахова, глава 44 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 44
44:1	Восхвалимъ убо мужы славны и отцы нашя въ бытiи.
44:2	Многу славу созда Господь въ нихъ величiемъ сво­имъ от­ вѣка.
44:3	Господ­ст­ву­ю­ще во цар­ст­вiихъ сво­ихъ и мужiе именити силою, совѣту­ю­ще разумомъ сво­имъ, провѣщав­шiи во пророче­ст­вахъ,
44:4	старѣйшины людій въ совѣтѣхъ и въ разумѣ писанiя людій:
44:5	премудрая словеса въ наказанiи ихъ, ищуще гласа мусикійска и повѣда­ю­ще повѣсти во писанiихъ:
44:6	мужiе богатiи, обдаровани крѣпостiю, мирно живуще въ жилищихъ сво­ихъ.
44:7	Вси сіи въ родѣхъ прославлени быша, и во днехъ ихъ похвала.
44:8	Суть от­ нихъ, иже оставиша имя, еже повѣдати хвалы: *и суть, ихже нѣсть памяти, и погибоша яко не сущiи, и быша яко не быв­ше, и чада ихъ по нихъ.
44:9	Но сіи мужiе милостивiи, ихже правды не забвены быша:
44:10	съ сѣменемъ ихъ пребудетъ доброе наслѣдiе, изчадiя ихъ въ завѣтѣхъ:
44:11 См.: 🔗Исх. 20:6	остася сѣмя ихъ, и чада ихъ по нихъ:
44:12	до вѣка пребудетъ сѣмя ихъ, и слава ихъ не потребит­ся:
44:13 См.: 🔗Прит. 10:7	тѣлеса ихъ въ мирѣ погребена быша, а имена ихъ живутъ въ роды.
44:14	Премудрость ихъ повѣдятъ людiе, и похвалу ихъ исповѣсть церковь.
44:15 См.: 🔗Быт. 5:24 🔗Прем. 4:10 🔗Евр. 11:5	Енохъ угоди Господеви и преложися, образъ покаянiя родомъ.
44:16 См.: 🔗Быт. 6:9 🔗Быт. 7:1 🔗Прем. 10:4 🔗Евр. 11:7	Ное обрѣтеся совершенъ, праведенъ, во время гнѣва бысть при­­миренiе:
44:17	сего ради бысть останокъ земли, егда бяше потопъ.
44:18 См.: 🔗Быт. 9:11	Завѣты вѣчнiи положени быша съ нимъ, да не потребит­ся потопомъ всяка плоть.
44:19 См.: 🔗Быт. 17:4	Авраамъ великiй отецъ множе­ст­ву языковъ, и не обрѣтеся подобный во славѣ его:
44:20 См.: 🔗Быт. 17:10	иже соблюде законъ вышняго и бысть въ завѣтѣ съ нимъ:
44:21 См.: 🔗Быт. 22:16	и на плоти его устави завѣтъ и во искушенiи обрѣтеся вѣренъ:
44:22 См.: 🔗Быт. 12:3 🔗Быт. 22:16	сего ради клятвою постави съ нимъ благословитися языкомъ о сѣмени его,
44:23 См.: 🔗Быт. 13:16 🔗Пс. 71:8	умножити его яко персть земли, и яко звѣзды воз­высити сѣмя его, и наслѣдити имъ от­ моря до моря и от­ рѣки до края земли.
44:24 См.: 🔗Быт. 26:3	И о Исаацѣ утверди сице Авраама ради отца его благословенiе всѣхъ человѣковъ и завѣтъ:
44:25 См.: 🔗Быт. 27:28	и почи на главѣ Иаковли.
44:26 См.: 🔗Втор. 32:9	Позна его благословенiи сво­ими и даде его въ наслѣдiе, и раздѣли части его на колѣнъ два­на­де­сять,
44:27 См.: 🔗Исх. 2:10 🔗Исх. 11:3	и изведе от­ него мужа милости, обрѣтшаго благодать предъ очесы всякiя плоти.