Книга пророка Осии, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗3Цар. 14:10 🔗3Цар. 16:31 🔗4Цар. 9:7	По словеси Ефремову оправданiя прiя сей во Израили, и положи я Ваалови, и умре.
13:2 См.: 🔗4Цар. 17:17 🔗2Пар. 28:3	И нынѣ при­­ложиша согрѣшати и сотвориша себѣ слiянiе от­ злата и сребра сво­его по образу идоловъ, дѣла художниковъ совершена: имъ сіи глаголютъ: пожрите человѣковъ, оскудѣша бо телцы.
13:3 См.: 🔗Иов. 21:18 🔗Пс. 1:4	Сего ради будутъ яко облакъ утрен­нiй, якоже роса утрен­няя идущи, якоже плевы съ тока [и прахъ съ вѣтвiя] развѣваемый вихромъ, якоже дымъ изъ трубы.
13:4 См.: 🔗Исх. 20:2 🔗Втор. 5:6 🔗Ос. 12:9 🔗Пс. 3:9	Азъ же Господь Богъ твой утверждаяй небо и созидаяй землю, егоже руцѣ создастѣ все воин­ство небесное, и не показахъ ти ихъ, еже ходити вслѣдъ ихъ: и азъ изведохъ тя изъ земли Египетскiя, и Бога развѣ мене да не познаеши, и спасающаго нѣсть развѣ мене.
13:5 См.: 🔗Втор. 8:15	Азъ пасохъ тя въ пустыни на земли ненаселен­нѣй,
13:6 См.: 🔗Втор. 8:11 🔗Втор. 31:20	на пажитехъ ихъ, и насытишася до исполненiя, и воз­несошася сердца ихъ, сего ради забыша мя.
13:7 См.: 🔗Плч. 3:10 🔗Ос. 5:14	И буду имъ яко панѳирь, и яко рысь на пути Ассириевъ:
13:8	и срящу ихъ аки медвѣдица лишаема, и разрушу соключенiе сердецъ ихъ: и поядятъ я скимни дубравнiи, и звѣрiе польстіи расторгнутъ я.
13:9 См.: 🔗Ис. 3:9 🔗Иер. 2:11	Въ погибели тво­ей, Израилю, кто поможетъ тебѣ?
13:10 См.: 🔗1Цар. 8:5	Гдѣ царь твой сей? той да спасетъ тя во всѣхъ градѣхъ тво­ихъ: и да судитъ ти, о немже глаголалъ еси: даждь ми царя и князя.
13:11 См.: 🔗Иов. 34:30 🔗Деян. 13:21	И дахъ тебѣ царя во гнѣвѣ мо­емъ, и утвержахся въ ярости мо­ей.
13:12 См.: 🔗Иов. 14:17 🔗Иер. 17:1	Согромажденiе неправды Ефремъ, сокровенъ грѣхъ его:
13:13 См.: 🔗Быт. 35:18	болѣзни аки раждающiя прiидутъ ему: сей сынъ немудрый, зане нынѣ не усто­итъ въ сокрушенiи чадъ.
13:14 См.: 🔗Пс. 15:10 🔗Пс. 55:14 🔗Деян. 10:42 🔗1Кор. 15:55 🔗Евр. 2:14	От руки адовы избавлю я и от­ смерти искуплю я: гдѣ пря твоя, смерте? гдѣ остенъ твой, аде? утѣшенiе скрыся от­ очiю моею:
13:15 См.: 🔗Иез. 19:12 🔗Ос. 4:19	зане сей между братiями разлучитъ: наведетъ Господь вѣтръ зно­енъ изъ пустыни нань, и изсушитъ жилы его и опустошитъ источники его: сей изсушитъ землю его и вся сосуды его любимыя.