Книга Плач Иеремии, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗Иез. 7:10	א Азъ мужъ видя нищету [мою] въ жезлѣ ярости его на мя:
3:2 См.: 🔗Иер. 13:16	поятъ мя и от­веде мя во тму, а не во свѣтъ.
3:3 См.: 🔗Иов. 19:21	Обаче на мя обрати руку свою весь день,
3:4	ב обетши плоть мою и кожу мою, кости моя сокруши:
3:5 См.: 🔗Иер. 9:15	согради на мя и объя главу мою и утруди,
3:6 См.: 🔗Пс. 142:3	въ темныхъ посади мя, якоже мертвыя вѣка:
3:7 См.: 🔗Иов. 19:8	ג согради на мя, и не изыду, отяготи оковы моя,
3:8	и егда воскричу и возопiю, загради молитву мою:
3:9 См.: 🔗Ос. 2:6	воз­гради пути моя, загради стези моя, воз­мяте.
3:10 См.: 🔗Ос. 5:14 🔗Ос. 13:7	ד Бысть яко медвѣдь ловяй, [присѣдяй ми] яко левъ въ сокровен­ныхъ,
3:11	гна от­ступив­шаго, и упокои мя, положи мя погибша:
3:12 См.: 🔗Иов. 16:12	напряже лукъ сво­и, и постави мя яко знаменiе на стрѣлянiе,
3:13	ה пусти въ лядвiя моя стрѣлы тула сво­его.
3:14 См.: 🔗Иов. 30:9	Быхъ въ смѣхъ всѣмъ людемъ мо­имъ, пѣснь ихъ весь день.
3:15 См.: 🔗Иов. 9:18	Насыти мя горести, напо­и мя желчи
3:16 См.: 🔗Прит. 20:17	ו и изъя каменемъ зубы моя, напита мя пепеломъ
3:17	и от­рину от­ мира душу мою. Забыхъ благоты
3:18 См.: 🔗Иер. 17:13	и рѣхъ: погибе побѣда моя и надежда моя от­ Господа.
3:19	ז Помяни нищету мою и гоненiе мое.
3:20 См.: 🔗Мк. 15:23	Горесть и желчь мою помяну, и стужитъ во мнѣ душа моя.
3:21	Сiя положу въ сердцы мо­емъ, сего ради потерплю.
3:22 См.: 🔗Неем. 9:31 🔗Пс. 85:13 🔗Ин. 3:16	ח Милость Господня, яко не остави мене, не скончашася бо щедроты его: пребываяй во утрiихъ, помилуй, Господи, яко не погибохомъ, не скончашася бо щедроты твоя.
3:23 См.: 🔗Пс. 137:8	Новая во утрiихъ, многа есть вѣра твоя.
3:24 См.: 🔗Пс. 15:5 🔗Иер. 10:16	Часть моя Господь, рече душа моя: сего ради пожду его.
3:25 См.: 🔗Пс. 33:9 🔗Авв. 2:3	ט Благъ Господь надѣющымся нань:
3:26	души ищущей его благо [есть], и надѣющейся съ молчанiемъ спасенiя Божiя.
3:27 См.: 🔗Пс. 118:71	Благо есть мужу, егда возметъ яремъ въ юности сво­ей:
3:28 См.: 🔗Пс. 38:10 🔗Пс. 76:11	י сядетъ на единѣ и умолкнетъ, яко воз­двигну на ся:
3:29	положитъ во прахѣ уста своя, негли како будетъ надежда:
3:30 См.: 🔗Мф. 5:39	подастъ ланиту свою бiющему, насытит­ся укоризнъ.
3:31 См.: 🔗Пс. 76:8	כ Яко не во вѣкъ от­ринетъ Господь,
3:32 См.: 🔗Пс. 29:6 🔗Ис. 54:7 🔗Мих. 7:18	яко смиривый помилуетъ по множе­ст­ву милости сво­ея,
3:33	не от­рину от­ сердца сво­его и смири сыны мужескiя.
3:34	ל Еже смирити подъ нозѣ его вся узники земныя,
3:35	еже уклонити судъ мужа предъ лицемъ вышняго,
3:36	осудити человѣка, внегда судитися ему, Господь не рече.
3:37	מ Кто есть той, иже рече, и быти, Господу не повелѣв­шу?
3:38 См.: 🔗Ин. 1:3	Изъ устъ вышняго не изыдетъ зло и добро.
3:39 См.: 🔗Иер. 30:15 🔗Мф. 7:3	Что воз­ропщетъ человѣкъ живущь, мужъ о грѣсѣ сво­емъ?
3:40 См.: 🔗Иер. 3:23 🔗1Кор. 11:28	נ Изыскася путь нашъ и испытася, и обратимся ко Господу.
3:41	Воздвигнемъ сердца наша съ руками къ Богу высокому на небеси.
3:42 См.: 🔗Дан. 9:5	Мы согрѣшихомъ и нече­ст­вовахомъ, сего ради не помиловалъ еси:
3:43	ס покрылъ еси яростiю и от­гналъ еси насъ, убилъ и не пощадѣлъ еси:
3:44	покрыл­ся еси облакомъ, да не дойдетъ къ тебѣ молитва,
3:45 См.: 🔗1Кор. 4:13	сомжити очи мо­и и от­ринути, положилъ еси насъ посредѣ людій.
3:46	פ Отверзоша на ны уста своя вси врази наши.
3:47 См.: 🔗Ис. 24:17	Страхъ и ужасъ бысть намъ, надменiе и сокрушенiе:
3:48 См.: 🔗Иер. 14:17	исходища водная излiетъ око мое о сокрушенiи дщере людій мо­ихъ.
3:49	ע Око мое погрязну: и не умолкну, еже не быти ослабленiю,
3:50 См.: 🔗Пс. 79:15	дондеже при­­клонит­ся и увидитъ Господь съ небесе.
3:51 См.: 🔗Плч. 1:16	Око мое закрывает­ся о души мо­ей, паче всѣхъ дщерей града.
3:52 См.: 🔗Иер. 12:9	צ Ловяще уловиша мя яко врабiя врази мо­и туне:
3:53 См.: 🔗Иер. 37:15	умориша въ ровѣ жизнь мою и воз­ложиша на мя камень.
3:54	Возлiяся вода выше главы мо­ея: рѣхъ: от­риновенъ есмь.
3:55 См.: 🔗Пс. 129:1	ק Призвахъ имя твое, Господи, изъ рова преисподняго:
3:56	гласъ мой услышалъ еси: не покрый ушесъ тво­ихъ на мольбу мою:
3:57	на помощь мою при­­ближил­ся еси, въ день, въ оньже при­­звахъ тя, реклъ ми еси: не бойся.
3:58	ר Судилъ еси, Господи, прю души мо­ея, избавилъ еси жизнь мою:
3:59	видѣлъ еси, Господи, смятенiя моя, разсудилъ еси судъ мой:
3:60	вѣси все от­мщенiе ихъ и вся помышленiя ихъ на мя.
3:61	ש Слышалъ еси укоризны ихъ, вся совѣты ихъ на мя,
3:62	устнѣ востающихъ на мя и по­ученiе ихъ на мя весь день,
3:63	сѣдѣнiе ихъ и востанiе ихъ: призри на очи ихъ.
3:64 См.: 🔗Пс. 27:4	ת Воздаси имъ, Господи, воз­даянiе по дѣломъ руку ихъ:
3:65	воз­даси имъ заступленiе, сердца мо­его трудъ.
3:66 См.: 🔗Пс. 78:6	Ты ихъ проженеши во гнѣвѣ и потребиши ихъ подъ небесемъ, Господи.