Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 19 | |
19:1 | Сiя рече Господь ко мнѣ: иди и стяжи сосудъ скудельничь жженъ, и приведи от старецъ людскихъ и от старецъ священническихъ: |
19:2 См.: 🔗Иер. 7:31 | и изыди въ мѣсто многогробищное сыновъ еннонихъ, еже есть близъ придверiя вратъ харсиѳскихъ {солнечныхъ}, и прочти тамо вся словеса, яже азъ возглаголю тебѣ, |
19:3 См.: 🔗1Цар. 3:11 | и речеши имъ: слышите слово Господне, царiе Иудины и мужiе Иудины, и обитателiе Иерусалима и входящiи вратами сими: сiя глаголетъ Господь силъ, Богъ Израилевъ: се, азъ наведу злая на мѣсто сiе, яко всякому слышащему сiя зазвучитъ во ушiю его: |
19:4 См.: 🔗Иер. 2:13 🔗Иер. 15:6 | понеже оставиша мя, и чужде сотвориша мѣсто сiе, и пожроша на немъ богомъ чуждимъ, ихже не вѣдѣша тіи и отцы ихъ: и царiе Иудины наполниша мѣсто сiе крове неповинныхъ |
19:5 | и создаша высокая Ваалу на сожженiе сыновъ своихъ огнемъ, во всесожженiе Ваалу, яже не заповѣдахъ, ни глаголахъ, ниже взыдоша на сердце мое. |
19:6 См.: 🔗Иер. 7:32 | Сего ради, се, дніе грядутъ, глаголетъ Господь, и не прозовется ктому мѣсто сiе паденiе и мѣсто многогробищное сыновъ еннонихъ, но мѣсто многогробищное закланiя: |
19:7 См.: 🔗Иер. 7:33 | и расточу совѣтъ Иудинъ и совѣтъ Иерусалима въ мѣстѣ семъ, и превращу ихъ мечемъ предъ враги ихъ и въ руку ищущихъ душъ ихъ: и дамъ трупiе ихъ въ ядь птицамъ небеснымъ и звѣремъ земнымъ: |
19:8 См.: 🔗Иер. 18:16 🔗Иер. 50:13 | и поставлю градъ сей въ разоренiе и во звизданiе: всякъ, иже мимоидетъ, о немъ почудится и позвиждетъ о всей язвѣ его: |
19:9 См.: 🔗Втор. 28:53 🔗Плч. 4:10 | и снѣдятъ плоти сыновъ своихъ и плоти дщерей своихъ, и кійждо плоти подруга своего снѣсть во обстоянiи и въ тѣснотѣ, въ нейже запрутъ ихъ врази ихъ, ищущiи души ихъ. |
19:10 | И да сокрушиши сосудъ предъ очима мужей исходящихъ съ тобою |
19:11 См.: 🔗Иер. 7:32 | и речеши къ нимъ: сiя глаголетъ Господь силъ: тако сокрушу люди сiя и градъ сей, якоже сокрушается сосудъ скудельный, иже не можетъ ктому исцѣлитися: и въ тофеѳѣ погребутся того ради, яко не будетъ иного мѣста на погребенiе. |
19:12 | Тако сотворю мѣсту сему, глаголетъ Господь, и обитателемъ его, да поставлю градъ той яко падающь. |
19:13 См.: 🔗4Цар. 23:12 | И будутъ домы Иерусалима и домы царей Иудиныхъ, якоже мѣсто падающее, от нечистотъ своихъ во всѣхъ домѣхъ, въ нихже жряху на кровѣхъ своихъ всему воинству небесному и приношаху возлiянiя богомъ чуждимъ. |
19:14 | И прiиде иереміа от [мѣста] паденiя, аможе посла его Господь пророчествовати, и ста во дворѣ дому Господня и рече ко всѣмъ людемъ: |
19:15 | сiя глаголетъ Господь силъ, Богъ Израилевъ: се, азъ наведу на градъ сей и на вся грады его и на вся села его вся злая, яже глаголалъ есмь нань: яко ожесточиша выи своя, еже не слышати заповѣдiй моихъ. |