Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 | И рече Господь къ Моисею, глаголя: |
17:2 См.: 🔗Лев. 6:25 | глаголи Аарону и сыномъ его и ко всѣмъ сыномъ Израилевымъ, и речеши къ нимъ: сiе слово еже заповѣда Господь, глаголя: |
17:3 | человѣкъ человѣкъ от сыновъ Израилевыхъ или от пришелецъ, иже прилежатъ въ васъ, иже аще заколетъ телца или овцу или козу въ полцѣ, и иже аще заколетъ внѣ полка |
17:4 См.: 🔗Быт. 17:14 | и предъ двери скинiи свидѣнiя не принесетъ, якоже сотворити е во всесожженiе или спасенiе Господу прiятно, въ воню благовонiя: и иже аще заколетъ внѣ и предъ двери скинiи свидѣнiя не принесетъ его, яко принести даръ Господу предъ скинiю Господню: и вмѣнится человѣку тому кровь: кровь пролiялъ, да потребится душа она от людій своихъ: |
17:5 | яко да принесутъ сынове Израилевы жертвы своя, елики аще сіи заколютъ на поли, и да принесутъ я ко Господу къ дверемъ скинiи свидѣнiя къ жерцу, и пожрутъ я въ жертву спасенiя Господу. |
17:6 См.: 🔗Евр. 13:11 🔗Исх. 29:18 | И да возлiетъ жрецъ кровь на олтарь окрестъ предъ Господемъ у дверiй скинiи свидѣнiя: и да вознесетъ тукъ въ воню благоуханiя Господу: |
17:7 См.: 🔗Лев. 20:3 🔗Втор. 32:17 | и да не пожрутъ ктому жертвъ своихъ суетнымъ, имже сами блудодѣйствуютъ вслѣдъ ихъ: законное вѣчное будетъ вамъ въ роды вашя. |
17:8 | И речеши къ нимъ: человѣкъ человѣкъ от сыновъ Израилевыхъ или от сыновъ пришелцовъ прилежащихъ въ васъ, иже аще сотворитъ всесожженiе или жертву, |
17:9 См.: 🔗Нав. 22:16 | и къ дверемъ скинiи свидѣнiя не принесетъ сотворити е Господеви, потребится душа та от людій своихъ. |
17:10 | И человѣкъ человѣкъ от сыновъ Израилевыхъ или от пришелецъ прилежащихъ въ васъ, иже аще ястъ всякую кровь, и утвержу лице Мое на душу ядущую кровь, и погублю ю от людій своихъ: |
17:11 | зане душа всякiя плоти кровь его есть, и Азъ дахъ ю вамъ у олтаря умоляти о душахъ вашихъ: кровь бо его вмѣсто души умолитъ. |
17:12 | Сего ради рекохъ сыномъ Израилевымъ: всяка душа от васъ да не снѣстъ крове, и пришлецъ прилежащiй въ васъ да не снѣстъ крове. |
17:13 | И человѣкъ человѣкъ от сыновъ Израилевыхъ или от пришлецъ прилежащихъ въ васъ, иже аще уловитъ ловитву звѣря или птицу, еже ястся: пролiетъ кровь ея, и покрыетъ ю землею: |
17:14 См.: 🔗Быт. 9:4 🔗Лев. 3:17 | душа бо всякiя плоти кровь его есть. И рекохъ сыномъ Израилевымъ: крове всякiя плоти да не снѣсте, яко душа всякiя плоти кровь его есть: всякъ ядый ю потребится: |
17:15 | и всяка душа яже ястъ мертвечину или звѣроядину, от туземецъ или от пришелецъ, да исперетъ ризы своя и да омыетъ тѣло водою, и нечистъ будетъ до вечера, по семъ же чистъ будетъ: |
17:16 | аще же не исперетъ ризъ своихъ, ни омыетъ тѣла водою, то прiиметъ беззаконiе свое. |