Послание апостола Павла к Ефесянам, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Флп. 1:27 🔗Кол. 1:10 🔗1Фес. 2:12	[Зач. 224А.] Молю убо васъ азъ юзникъ о Господѣ, достойно ходити званiя, въ неже звани бысте,
4:2	со всякимъ смиреномудрiемъ и кротостiю, съ долготерпѣнiемъ, терпяще другъ другу любо­вiю,
4:3	тщащеся блюсти единенiе духа въ союзѣ мира.
4:4 См.: 🔗Рим. 12:5 🔗1Кор. 12:12	Едино тѣло, единъ духъ, якоже и звани бысте во единѣмъ упованiи званiя ва­шего:
4:5	единъ Господь, едина вѣра, едино крещенiе,
4:6 См.: 🔗Мал. 2:10 🔗Мк. 12:29	единъ Богъ и Отецъ всѣхъ, Иже надъ всѣми и чрезъ всѣхъ и во всѣхъ насъ.
4:7 См.: 🔗Рим. 12:3 🔗1Кор. 12:11 🔗2Кор. 10:13	[Зач. 224Б.] Единому же комуждо насъ дадеся благодать по мѣрѣ дарованiя Христова.
4:8 См.: 🔗Пс. 67:19 🔗Ин. 3:13	Тѣмже глаголетъ: воз­шедъ на высоту, плѣнилъ еси плѣнъ, и даде даянiя человѣкомъ.
4:9	А еже, взыде, что есть, точiю яко и сниде прежде въ долнѣйшыя страны земли?
4:10	Сшедый, Той есть и воз­шедый превыше всѣхъ небесъ, да исполнитъ всяческая.
4:11 См.: 🔗1Кор. 12:28	И Той далъ есть овы убо апостолы, овы же пророки, овы же благовѣст­ники, овы же пастыри и учители,
4:12	къ совершенiю святыхъ, въ дѣло служенiя, въ созиданiе Тѣла Христова,
4:13 См.: 🔗1Кор. 14:20	дондеже достигнемъ вси въ со­единенiе вѣры и познанiя Сына Божiя, въ мужа совершен­на, въ мѣру возраста исполненiя Христова:
4:14	[Зач. 225.] да не бываемъ ктому младенцы, влающеся и скитающеся всякимъ вѣтромъ ученiя, во лжи человѣчестѣй, въ ковар­ст­вѣ козней льщенiя:
4:15 См.: 🔗Рим. 12:9 🔗Еф. 1:22 🔗Кол. 1:18	истин­ству­ю­ще же въ любви, да воз­растимъ въ Него всяческая, Иже есть глава Христосъ,
4:16	изъ Негоже все тѣло, составляемо и счинѣваемо при­­личнѣ всяцѣмъ осязанiемъ подаянiя, по дѣй­ст­ву въ мѣрѣ единыя ко­еяждо части, воз­ращенiе тѣла творитъ въ созданiе самаго себе любо­вiю.
4:17	[Зач. 226.] Сiе убо глаголю и послуше­ст­вую о Господѣ, ктому не ходити вамъ, якоже и прочiи языцы ходятъ въ суетѣ ума ихъ,
4:18	помрачени смысломъ, суще от­чуждени от­ жизни Божiя, за невѣже­с­т­во сущее въ нихъ, за окамененiе сердецъ ихъ:
4:19 См.: 🔗Рим. 1:24	иже въ нечаянiе вложшеся, предаша себе студодѣянiю, въ дѣланiе всякiя нечистоты въ лихо­иманiи.
4:20	Вы же не тако познасте Христа:
4:21	аще убо {понеже} слышасте Его и о Немъ научистеся, якоже есть истина о Иисусѣ:
4:22 См.: 🔗Кол. 3:9 🔗Евр. 12:1	от­ложити вамъ, по первому житiю, ветхаго человѣка, тлѣющаго въ похотехъ прелестныхъ,
4:23 См.: 🔗1Пет. 4:2 🔗Рим. 6:4	обновлятися же духомъ ума ва­шего,
4:24 См.: 🔗Кол. 3:10	и облещися въ новаго человѣка, создан­наго по Богу въ правдѣ и въ преподобiи истины.
4:25 См.: 🔗Зах. 8:16	[Зач. 227.] Тѣмже от­ложше лжу, глаголите истину кійждо ко искрен­нему сво­ему, зане есмы другъ другу удове.
4:26 См.: 🔗Пс. 4:5	Гнѣвайтеся и не согрѣшайте: солнце да не зайдетъ въ гнѣвѣ ва­шемъ:
4:27 См.: 🔗Иак. 4:7	ниже дадите мѣста дiаволу.
4:28	Крадый ктому да не крадетъ, но паче да труждает­ся, дѣлая сво­има рукама благое, да имать подаяти требу­ю­щему.
4:29 См.: 🔗Мф. 12:36 🔗Еф. 5:4	Всяко слово гнило да не исходитъ изъ устъ вашихъ, но точiю еже есть благо къ созданiю вѣры, да дастъ благодать слышащымъ.
4:30 См.: 🔗Ис. 7:13 🔗Еф. 1:13	И не оскорбляйте Духа Святаго Божiя, Имже знаменастеся въ день избавленiя.
4:31	Всяка горесть, и гнѣвъ, и ярость, и кличь, и хула да возмет­ся от­ васъ, со всякою злобою:
4:32 См.: 🔗Мф. 6:14 🔗Мк. 11:25	бывайте же другъ ко другу блази, милосерди, прощающе другъ другу, якоже и Богъ во Христѣ простилъ есть вамъ.