Деяния святых Апостолов, глава 18

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 18
18:1	[Зач. 40В.] По сихъ же от­лучився Павелъ от­ Аѳинъ, прiиде въ Коринѳъ:
18:2 См.: 🔗Рим. 16:3 🔗2Тим. 4:19	и обрѣтъ нѣко­его Иудеанина именемъ Акилу, Понтянина родомъ, ново при­­шедша от­ Италіи, и Прискиллу жену его: зане повелѣлъ бяше Клавдій от­лучитися всѣмъ Иудеемъ от­ Рима: прiиде къ нимъ,
18:3 См.: 🔗Деян. 20:34 🔗1Кор. 4:12 🔗1Фес. 2:9 🔗2Фес. 3:8	и зане единохудожникомъ быти имъ, пребысть у нихъ и дѣлаше: бяху бо скинотворцы хитростiю.
18:4	Стяза­шеся же на сонмищахъ по вся субботы и препира­ше Иудеи и Еллины.
18:5 См.: 🔗Деян. 17:14	И егда снидоста от­ Македонiи Сила же и Тимоѳей, тужа­ше духомъ Павелъ, свидѣтел­ст­вуя Иудеомъ Иисуса быти Христа.
18:6 См.: 🔗Иез. 3:19 🔗Мф. 10:14 🔗Деян. 13:46 🔗Деян. 20:26	Противящымся же имъ и хулящымъ, отрясъ ризы своя, рече къ нимъ: кровь ваша на главахъ вашихъ: чистъ азъ, от­нынѣ во языки иду.
18:7	И прешедъ от­туду, прiиде въ домъ нѣко­его именемъ Иуста, чтуща Бога, емуже храмина бѣ вскрай сонмища.
18:8 См.: 🔗1Кор. 1:14	Криспъ же началникъ собора вѣрова Господеви со всѣмъ домомъ сво­имъ, и мнози от­ Коринѳянъ слышав­ше вѣроваху и крещахуся.
18:9 См.: 🔗Ис. 62:1 🔗Деян. 23:11	Рече же Господь въ видѣнiи нощнѣмъ Павлу: не бойся, но глаголи и да не умолкнеши,
18:10 См.: 🔗Иер. 1:19 🔗Мф. 28:20	зане Азъ есмь съ тобою, и никтоже при­­ложитъ озлобити тя: зане людiе суть Ми мнози во градѣ семъ.
18:11	Пребысть же тамо лѣто и месяцъ шесть, учя въ нихъ слову Божiю.
18:12	Галлiону же анѳипату сущу во Ахаiи, нападоша единодушно Иудее на Павла и при­­ведоша его на судилище,
18:13	глаголюще, яко противу закону сей увѣщаваетъ человѣки чтити Бога.
18:14	Хотящу же Павлу от­версти уста, рече Галлiонъ ко Иудеемъ: аще убо неправда была бы кая или дѣло злое, о, Иудее, по слову послушалъ быхъ васъ:
18:15 См.: 🔗Деян. 23:29	аще ли же стязанiя суть о словеси и о именѣхъ и о законѣ ва­шемъ, вѣдите сами: судiя бо азъ симъ не хощу быти.
18:16	И изгна ихъ от­ судилища.
18:17 См.: 🔗1Кор. 1:1	Емше же вси Еллини Сосѳена началника собора, бiяху предъ судилищемъ: и ни едино о сихъ Галлiону радѣнiе бысть.
18:18 См.: 🔗Чис. 6:18 🔗Деян. 21:24	Павелъ же, еще пребывъ дни доволны и цѣловавъ братiю, от­плы въ Сирію, и съ нимъ Акила и Прискилла, остригъ главу въ Кегхреихъ: обрекся бо бѣ.
18:19	Приста же во Ефесѣ и тѣхъ остави тамо, самъ же в­шедъ въ сонмище, стяза­шеся со Иудеи.
18:20	Молящымъ же имъ его на много время пребыти у нихъ, не изволи,
18:21 См.: 🔗Иак. 4:15 🔗1Кор. 4:19	но от­речеся имъ, глаголя, яко подобаетъ ми всяко праздникъ грядущiй сотворити во Иерусалимѣ: паки же воз­вращуся къ вамъ, Богу хотящу. И от­везеся от­ Ефеса: Акила же и Прискилла остаста во Ефесѣ.
18:22	[Зач. 41.] И сошедъ въ Кесарію, воз­шедъ и цѣловавъ церковь, сниде во Антiохію,
18:23	и сотворь время нѣкое, изыде, проходя поряду Галатійскую страну и Фригію, утверждая вся ученики.
18:24 См.: 🔗1Кор. 1:12 🔗1Кор. 16:12	Иудеанинъ же нѣкто, Аполлосъ именемъ, Александрянинъ родомъ, мужъ словесенъ, прiиде во Ефесъ, силенъ сый въ книгахъ.
18:25 См.: 🔗Деян. 19:3 🔗Рим. 12:11	Сей бѣ оглашенъ пути Господню, и горя духомъ, глаголаше и уча­ше извѣстно яже о Господѣ, вѣдый токмо крещенiе Иоан­ново.
18:26	Сей же начатъ дерзати на сонмищихъ. Слышав­ша же его Акила и Прискилла, прiяста его и извѣстнѣе тому сказаста путь Господень.
18:27	Хотящу же ему преити во Ахаiю, предпослав­ше братiя написаша ученикомъ прiяти его: иже при­­шедъ тамо пособ­ст­вова много вѣровав­шымъ благодатiю:
18:28	твердо бо Иудеи не престая облича­ше предъ людьми, сказуя Писаньми, Иисуса быти Христа.