Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 5 | |
5:1 См.: 🔗Втор. 11:25 🔗Нав. 2:9 | И бысть егда услышаша царiе Аморрейстiи, иже бяху объ ону страну Иордана, и царiе финичестiи {Евр.: ханаани.}, иже бяху близъ моря, яко изсуши Господь Богъ Иорданъ рѣку предъ сыны Израилевыми, внегда преходити имъ, и истаяша мысли ихъ, и ужасошася, и не бяше въ нихъ смышленiя ни единаго от лица сыновъ Израилевыхъ. |
5:2 См.: 🔗Исх. 4:25 | Въ сiе же время рече Господь иисусу: сотвори себѣ ножи каменны от камене остраго, и сѣдъ обрѣжи сыны Израилевы второе. |
5:3 | И сотвори иисусъ себѣ ножи каменны остры и обрѣза сыны Израилевы на мѣстѣ нареченнѣмъ холмъ обрѣзанiя. |
5:4 См.: 🔗Чис. 14:23 | И тако обрѣза иисусъ сыны Израилевы: елицы тогда родишася на пути, и елицы тогда не обрѣзани быша от изшедшихъ изъ Египта, всѣхъ сихъ обрѣза иисусъ: вси людiе изшедшiи изъ Египта мужеска полу, вси мужiе ратнiи измроша въ пустыни на пути, внегда изыдоша изъ Египта: |
5:5 | яко обрѣзани быша вси людiе изшедшiи, вси же людiе, иже родишася въ пустыни на пути, егда изыдоша изъ Египта, не обрѣзани быша: |
5:6 См.: 🔗Исх. 3:8 | четыредесять бо и два лѣта хождаше Израиль въ пустыни мавдаритидѣ: сего ради не обрѣзани быша мнози от тѣхъ воиновъ изшедшихъ изъ земли Египетскiя, не послушавшiи заповѣдiй Господнихъ, имже и опредѣли Господь не видѣти земли, еюже клятся Господь отцемъ ихъ дати намъ землю кипящую медомъ и млекомъ: |
5:7 | вмѣсто же сихъ постави сыны ихъ, ихже обрѣза иисусъ, яко скончаныя плоти бяху имъ, яко родишася на пути не обрѣзани: |
5:8 | обрѣзавшеся же покой имяху тамо сѣдяще въ полцѣ, дондеже исцѣлишася. |
5:9 | И рече Господь иисусу: въ днешнiй день отъяхъ поношенiе Египетско от васъ. И нарече имя мѣсту тому галгала, даже до сего дне. |
5:10 См.: 🔗Исх. 12:6 | И ополчишася сынове Израилевы въ Галгалѣхъ и сотвориша пасху въ четвертыйнадесять день месяца от вечера на западѣ на поли иерихонстѣмъ, |
5:11 См.: 🔗Лев. 2:14 | и ядоша от пшеницы земли оноя опрѣсноки и новая: |
5:12 См.: 🔗Неем. 9:20 | въ той день преста манна, повнегда ядоша от пшеницы земли, и ктому не бысть сыномъ Израилевымъ манны: но ядоша от плодовъ земли финическiя {Евр.: ханаанскiя.} въ лѣто оное. |
5:13 См.: 🔗Исх. 23:23 | И бысть егда бяше иисусъ у иерихона, и воззрѣвъ очима своима, видѣ человѣка стояща предъ нимъ, и мечь его обнаженъ въ руцѣ его. И приступивъ иисусъ, рече ему: нашъ ли еси, или от сопостатъ нашихъ? |
5:14 См.: 🔗Дан. 10:13 🔗Дан. 12:1 | Онъ же рече ему: азъ архистратигъ силы Господни, нынѣ прiидохъ [сѣмо]. И иисусъ паде лицемъ своимъ на землю и поклонися ему, и рече: Господи, что повелѣваеши рабу твоему? |
5:15 См.: 🔗Исх. 3:5 | И рече архистратигъ Господень ко иисусу: иззуй сапогъ съ ногу твоею: мѣсто бо, на немже ты стоиши, свято есть. И сотвори иисусъ тако. |
5:16 | Иерихонъ же заключенъ и огражденъ бысть от лица сыновъ Израилевыхъ: и никтоже изъ него исхождаше, ниже вхождаше. |