Книга пророка Исаии, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗Исх. 24:10 🔗2Пар. 26:23 🔗Ин. 12:41	И бысть въ лѣто, въ неже умре Озіа царь, видѣхъ Господа сѣдяща на престолѣ высоцѣ и превоз­несен­нѣ, и исполнь домъ славы его.
6:2 См.: 🔗Дан. 7:9	И серафими стояху окрестъ его, шесть крилъ единому и шесть крилъ другому: и двѣма убо покрываху лица своя, двѣма же покрываху ноги своя и двѣма летаху.
6:3 См.: 🔗Отк. 3:7 🔗Отк. 4:8 🔗Лк. 1:49	И взываху другъ ко другу и глаголаху: святъ, святъ, святъ Господь Саваоѳъ: исполнь вся земля славы его.
6:4 См.: 🔗Иез. 10:4	И взяся наддверiе от­ гласа, имже вопiяху, и домъ наполнися дыма.
6:5 См.: 🔗Исх. 30:20 🔗Втор. 5:25 🔗Суд. 13:22	И рекохъ: о, окаян­ный азъ, яко умилихся, яко человѣкъ сый и нечисты устнѣ имый, посредѣ людій нечистыя устнѣ имущихъ азъ живу: и Царя Господа Саваоѳа видѣхъ очима мо­има.
6:6 См.: 🔗Евр. 13:10	И посланъ бысть ко мнѣ единъ от­ серафимовъ, и въ руцѣ сво­ей имяше угль горящь, егоже клещами взятъ от­ олтаря,
6:7 См.: 🔗Иер. 1:9 🔗Дан. 10:16	и при­­коснуся устнамъ мо­имъ и рече: се, при­­коснуся сiе устнамъ тво­имъ, и отъ­иметъ беззаконiя твоя и грѣхи твоя очиститъ.
6:8 См.: 🔗1Тим. 3:1	И слышахъ гласъ Господа глаголюща: кого послю, и кто пойдетъ къ людемъ симъ? И рекохъ: се, азъ есмь, посли мя.
6:9 См.: 🔗Иер. 5:21 🔗Мф. 13:14 🔗Мк. 4:12 🔗Лк. 8:10 🔗Ин. 12:40 🔗Деян. 28:26 🔗Рим. 11:8	И рече: иди и рцы людемъ симъ: слухомъ услышите, и не уразумѣете: и видяще узрите, и не увидите:
6:10	одебелѣ бо сердце людій сихъ, и ушима сво­има тяжко слышаша, и очи сво­и смежиша, да не когда узрятъ очима и ушима услышатъ, и сердцемъ уразумѣютъ и обратят­ся, и исцѣлю я.
6:11 См.: 🔗2Пар. 33:11	И рекохъ: доколѣ, Господи? И рече: дондеже опустѣютъ гради, от­ еже ненаселенымъ быти, и домы, от­ еже не быти человѣкомъ, и земля останет­ся пуста.
6:12	И посемъ продолжитъ Богъ человѣки, и умножат­ся оставльшiися на земли.
6:13 См.: 🔗Зах. 8:12 🔗Зах. 13:8 🔗Ис. 53:10 🔗Ос. 2:23	И еще на ней есть десятина, и паки будетъ въ расхищенiе якоже теревинѳъ и яко желудь, егда испадетъ изъ плюски сво­ея: сѣмя свято стоянiе его.