Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 6 | |
6:1 См.: 🔗1Пар. 13:5 | И собра давидъ еще всякаго юношу от Израиля, яко седмьдесятъ тысящъ. |
6:2 См.: 🔗Исх. 25:20 | И воста и иде давидъ и вси людiе, иже съ нимъ, и от князей Иудиныхъ, на восходъ, еже вознести оттуду кивотъ Божiй, надъ нимже призвася имя Господа силъ, сѣдящаго на херувимѣхъ надъ нимъ: |
6:3 См.: 🔗1Цар. 7:1 | и возложиша кивотъ Господень на колесницу нову, и отвезоша его изъ дому Аминадавля иже на холмѣ: оза же и братiя его сынове Аминадавли везяху колесницу съ кивотомъ [Господнимъ]: |
6:4 | и братiя его идяху предъ кивотомъ [Божiимъ], |
6:5 | давидъ же и сынове Израилевы [идяху] предъ Господемъ, играюще во органы устроенныя въ крѣпости, и въ пѣнiихъ и въ гуслехъ, и въ свирѣлехъ и въ тимпанѣхъ, и въ кимвалѣхъ и въ цѣвницахъ, |
6:6 См.: 🔗1Пар. 13:9 | и прiидоша до гумна Нахорова. И простре оза руку свою на кивотъ Божiй придержати его, и ятся за него, понеже превращаше его телецъ. |
6:7 См.: 🔗Лев. 10:2 | И разгнѣвася гнѣвомъ Господь на озу и порази его тамо Богъ, и умре тамо у кивота Господня предъ Богомъ. |
6:8 См.: 🔗1Пар. 13:11 | И опечалися давидъ, понеже порази Господь пораженiемъ озу: и наречеся мѣсто то пораженiе озино и до сего дне. |
6:9 См.: 🔗Мф. 8:34 🔗Деян. 5:13 | И убояся Господа давидъ въ день той, глаголя: како внидетъ ко мнѣ кивотъ Господень? |
6:10 См.: 🔗1Пар. 13:13 | И не хотяше давидъ, да прiидетъ къ нему кивотъ завѣта Господня во градъ давидовъ: и уклони его давидъ въ домъ Аведдара геѳеанина. |
6:11 См.: 🔗1Пар. 13:14 | И стояше кивотъ Господень въ дому Аведдара геѳеанина месяцы три, и благослови Господь весь домъ Аведдаровъ и вся, яже его. |
6:12 | И возвѣстиша царю давиду, глаголюще: благослови Господь домъ Аведдаровъ и вся, яже его, кивота ради Божiя. И иде давидъ, и взя кивотъ Божiй изъ дому Аведдарова во градъ давидовъ въ веселiи: |
6:13 | и бѣша съ нимъ несуще кивотъ Господень седмь ликовъ, и жертва телецъ и агнцы: |
6:14 См.: 🔗Пс. 83:3 | и давидъ бряцаше во органы устроены предъ Господемъ, и оболченъ бысть давидъ во одежду изящну: |
6:15 См.: 🔗1Пар. 15:28 | и давидъ и весь домъ Израилевъ несяху кивотъ Господень съ воплемъ и со гласомъ трубнымъ. |
6:16 См.: 🔗1Пар. 15:29 🔗1Кор. 2:14 | И бысть кивоту приносиму ко граду давидову, и Мелхола дщи Саулова приницаше оконцемъ и видѣ царя давида скачуща и играюща предъ Господемъ, и уничижи его въ сердцы своемъ. |
6:17 См.: 🔗1Пар. 16:1 | И внесоша кивотъ Господень, и поставиша его на мѣстѣ его посредѣ скинiи, юже постави ему давидъ: и вознесе давидъ всесожигаемая предъ Господа и мирная, |
6:18 См.: 🔗1Пар. 16:2 🔗Чис. 6:24 | и соверши давидъ возносяй всесожженiя и мирная, и благослови люди о имени Господа силъ, |
6:19 См.: 🔗1Пар. 16:3 | и раздѣли всѣмъ людемъ на всю силу Израилеву от Дана даже до вирсавіи, и от мужа даже до жены, коемуждо по укруху хлѣба, и по части печенаго мяса, и по сковрадному млину. И отидоша вси людiе, кійждо въ домъ свой. |
6:20 | И возвратися давидъ благословити домъ свой, и изыде Мелхола дщи Саулова на срѣтенiе давиду, и благослови его и рече: коль прославися днесь царь Израилевъ, иже открыся днесь предъ очима рабынь рабовъ своихъ, якоже открывается открывшiйся единъ от пляшущихъ? |
6:21 См.: 🔗2Цар. 5:2 | И рече давидъ къ Мелхолѣ: предъ Господемъ плясати буду: и благословенъ Господь, иже избра мя паче отца твоего и паче всего дому его, поставити мя властелина надъ людьми своими надъ Израилемъ, и буду играти и плясати предъ Господемъ: |
6:22 См.: 🔗Пс. 83:11 🔗Пс. 130:1 | и открыюся еще такожде и буду непотребенъ предъ очима твоима, и съ рабынями, о нихже рекла еси, непрославлену быти ми. |
6:23 См.: 🔗1Цар. 2:30 🔗2Цар. 21:8 | И у Мелхолы дщере Саули не бысть дѣтища до дне смерти ея. |