Второзаконие, глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1 См.: 🔗Исх. 23:4	Видѣвъ телца брата тво­его или овцу его заблуждающыя на пути, да не презриши я: но воз­вращенiемъ воз­вратиши я къ брату тво­ему, и да от­даси ему.
22:2	Аще же нѣсть близъ тебе братъ твой, ниже увѣси его, собери я внутрь дому тво­его, и да будутъ у тебе, дондеже взыщетъ ихъ братъ твой, и от­даси ихъ ему.
22:3	Такожь сотвориши осляти его, и тако да сотвориши ризѣ его, и тако да сотвориши всему погубленому брата тво­его: елика аще погибнутъ от­ него, и обрящеши я, да не воз­можеши прене­брещи я.
22:4 См.: 🔗Мф. 12:11 🔗Лк. 14:5	Аще увидиши осля брата тво­его или телца его падшыя на пути, да не презриши я: воз­ставляя да воз­ставиши я съ собою.
22:5	Да не будетъ утварь мужеска на женѣ, ни да облачит­ся мужъ въ ризу женску: яко мерзость есть Господеви Богу тво­ему всякъ творяй сiя.
22:6 См.: 🔗Прит. 12:10	Аще же улучиши гнѣздо птичiе предъ лицемъ тво­имъ на пути, или на древѣ нѣко­емъ, или на земли, и въ немъ птенцы или яица, и мати сѣдитъ на птенцѣхъ или яицѣхъ, да не возмеши матере со птенцы:
22:7	от­пущенiемъ да от­пустиши матерь, птенцы же возмеши себѣ, да благо тебѣ будетъ и долгоден­ственъ будеши.
22:8 См.: 🔗Суд. 16:27	Аще же созиждеши домъ новъ, и сотвориши огражденiе дому тво­ему, и да не сотвориши убій­ст­ва въ дому тво­емъ, аще падетъ падый от­ него.
22:9 См.: 🔗Лев. 19:19	Да не насѣеши винограда тво­его различна, да не освятит­ся плодъ, и сѣмя, еже насѣеши съ плодомъ винограда тво­его.
22:10	Да не ореши юнцемъ и ослятемъ вкупѣ.
22:11 См.: 🔗Лев. 19:19	Ниже да облечешися въ ризу разноличну от­ льна и волны вкупѣ ткану.
22:12 См.: 🔗Чис. 15:38 🔗Мф. 23:5	Тресны да сотвориши себѣ на четырехъ краяхъ одежды сво­ея, въ нюже облечешися.
22:13	Аще же кто пойметъ жену и будетъ съ нею, и воз­ненавидитъ ю,
22:14	и наложитъ на ню обвинителная словеса, и нанесетъ на ню имя злое, и воз­глаголетъ: жену сiю пояхъ, и при­­шедъ къ ней, не обрѣтохъ ю дѣвицею:
22:15	и вземъ отецъ дѣвицы и матерь, да изнесутъ дѣвическая отроковицы предъ старѣйшины ко вратомъ,
22:16	и речетъ отецъ отроковицы ко старѣйшинамъ: дщерь мою сiю дахъ мужу сему въ жену, и нынѣ воз­ненавидѣвъ ю сей,
22:17	воз­лагаетъ ей обвинителная словеса, глаголя: не обрѣтохъ дщере тво­ея дѣвою: и се, дѣвическая дщере мо­ея: и да разгнутъ ризы предъ старѣйшины града онаго,
22:18	и да возмутъ старѣйшины града онаго мужа того и накажутъ его,
22:19	и да обвинятъ его стомъ сиклей, и дадятъ отцу отроковицы, яко изнесе имя зло на дѣвицу Израилтеску, и [паки] да будетъ ему жена: не воз­можетъ от­пустити ю во вся лѣта.
22:20	Аще же будетъ во­истин­ну слово сiе, и не обрящут­ся дѣвическая отроковицѣ,
22:21 См.: 🔗Быт. 34:7 🔗Нав. 7:15 🔗1Кор. 5:13	и да изведутъ дѣвицу предъ врата дому отца ея, и побiютъ ю каменiемъ мужiе градстiи, и да умретъ, яко сотвори безумiе въ сынѣхъ Израилевыхъ, оскверни домъ отца сво­его: и измите злое от­ себе самихъ.
22:22 См.: 🔗Лев. 20:10 🔗Ин. 8:4	Аще же обрящет­ся человѣкъ лежай съ женою мужатою, убійте обо­ихъ, человѣка лежащаго съ женою и жену: и измите злое от­ Израиля.
22:23	Аще же будетъ дѣва обрученая мужу, и обрѣтъ ю человѣкъ [другій] во градѣ, будетъ съ нею,
22:24 См.: 🔗1Кор. 5:13	изведите обо­ихъ предъ врата града ихъ, и побійте [обо­ихъ] каменiемъ, и да умрутъ: отроковицу, понеже не вопила во градѣ, и мужа, понеже обидѣ жену ближняго сво­его: и измите злое от­ себе самихъ.
22:25	Аще же на поли обрящетъ человѣкъ дѣву обрученую, и насиловавъ будетъ съ нею, убійте человѣка единаго быв­шаго съ нею:
22:26 См.: 🔗Втор. 21:22	а отроковицѣ ничтоже сотворите: нѣсть бо дѣвѣ грѣха смертнаго: якоже аще кто бы восталъ на ближняго сво­его, и убилъ бы душу его, тако сiе дѣло:
22:27	понеже на селѣ обрѣте ю, возопи отроковица обрученая, и не бѣ помогаяй ей.
22:28 См.: 🔗Исх. 22:16	Аще же кто обрящетъ отроковицу дѣву, яже нѣсть обручена, и насиловавъ будетъ съ нею, и обличит­ся:
22:29	да дастъ человѣкъ бывый съ нею отцу отроковицы пятьдесятъ дидрахмъ сребра, и тому да будетъ жена, понеже обидѣ ю: не воз­можетъ от­пустити ю во все время.
22:30 См.: 🔗Быт. 35:22 🔗Лев. 18:8 🔗Иез. 22:10	Да не пойметъ человѣкъ жены отца сво­его, и да не от­крыетъ покровенiя отца сво­его.