Вторая книга Паралипоменон (Вторая книга Хроник, Вторая Летопись), глава 28

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 28
28:1 См.: 🔗4Цар. 16:2	Сынъ двадесяти и пяти лѣтъ бѣ Ахазъ, егда цар­ст­вовати нача, и шесть­на­де­сять лѣтъ цар­ст­вова во Иерусалимѣ: и не сотвори правое предъ Господемъ, якоже давидъ отецъ его.
28:2 См.: 🔗4Цар. 16:3	И пойде по путемъ царей Израилевыхъ: ибо и изваян­ная сотвори,
28:3 См.: 🔗Втор. 18:9 🔗4Цар. 14:24 🔗Ос. 13:1	и идоломъ ихъ пожре въ земли веен­номли и проведе сыновъ сво­ихъ сквоз­ѣ огнь по мерзостемъ языковъ, ихже потреби Господь от­ лица сыновъ Израилевыхъ:
28:4 См.: 🔗Втор. 12:2	и кадяше на высокихъ и на холмѣхъ и подъ всякимъ древомъ дубравнымъ.
28:5 См.: 🔗4Цар. 16:5	И предаде его Господь Богъ его въ руцѣ царя Сирска и порази его, и плѣни от­ нихъ плѣнъ многъ, и при­­веде въ Дамаскъ, и въ руки царя Израилева предаде его, и порази его язвою великою.
28:6	И уби факей сынъ ромеліевъ царь Израилевъ от­ Иуды во единъ день сто двадесять тысящъ мужей крѣпкихъ силою, егда оставиша Господа Бога отецъ сво­ихъ.
28:7	И уби зехрій мужъ силенъ от­ Ефрема маасію сына царева и езрикама началника дому его и Елкана намѣст­ника царева.
28:8	Плѣниша же сынове Израилевы от­ братiи сво­ихъ триста тысящъ женъ, сыновъ и дщерей: и плѣнъ многъ плѣниша от­ нихъ, и при­­несоша корысти въ самарію.
28:9 См.: 🔗2Пар. 15:1 🔗1Езд. 9:7	И бѣ тамо пророкъ Господень, именемъ одидъ, иже изыде во срѣтенiе воемъ грядущымъ въ самарію и рече имъ: се, гнѣвъ Господа Бога отецъ вашихъ противу Иуды, и предаде ихъ въ руки вашя, и убисте ихъ во гнѣвѣ, и даже до небесе достиже [ва­ше немилосердiе]:
28:10 См.: 🔗Лев. 25:42 🔗Втор. 15:9	и нынѣ сыновъ Иудиныхъ и Иерусалимлихъ вы глаголете покорити въ рабы и рабыни: не се ли, азъ есмь съ вами, свидѣтел­ст­вовати Господу Богу ва­шему?
28:11	и нынѣ послушайте мене и воз­вратите плѣнъ, егоже плѣнисте от­ братiй вашихъ, яко гнѣвъ ярости Господни на васъ.
28:12	И восташа началницы от­ сыновъ Ефремлихъ, азарiа сынъ Иоананъ и Варахіа сынъ Васаллимоѳовъ, и езекіа сынъ Селлумовъ и Амасіа сынъ Елдаевъ на грядущихъ от­ брани,
28:13 См.: 🔗Чис. 18:5 🔗Нав. 22:20	и рекоша имъ: не введите плѣна сѣмо къ намъ, зане согрѣшимъ Господу, вы хощете при­­ложити ко грѣхомъ нашымъ и къ безумiю на­шему, великъ бо грѣхъ нашъ, и гнѣвъ ярости Господни на Израили.
28:14	И оставиша воини плѣнъ и корысти предъ началники и предъ всѣмъ множе­с­т­вомъ.
28:15 См.: 🔗Втор. 15:13 🔗Втор. 34:3	И восташа мужiе речен­нiи по имени и взяша плѣненыхъ, и всѣхъ нагихъ облекоша от­ корыстей, и одѣяша ихъ и обуша ихъ, и даша ясти и пити имъ и помазатися, и всадиша на подъяремника всякаго немощнаго, и от­везоша ихъ во иерихонъ градъ Финическiй ко братiи ихъ, и воз­вратишася въ самарію.
28:16 См.: 🔗4Цар. 16:7	Во время оно посла царь Ахазъ ко царю Ассурску, прося помощи себѣ и въ томъ,
28:17	понеже Идумеане нападоша и поразиша Иуду и плѣниша плѣнъ:
28:18 См.: 🔗4Цар. 18:8	и иноплемен­ницы нападоша на грады напольныя и от­ полуден­ныя Иудеи и взяша веѳсамисъ, и яже въ дому Господни, и яже въ дому царстѣмъ, и князей, и даша царю Аилонъ и гадироѳъ, и сохоѳъ и веси его, и гамзонъ и веси его, и Ѳамну и веси ея, и вселишася тамо.
28:19 См.: 🔗Иер. 15:4 🔗Исх. 32:25	Яко смири Господь Иудею ради Ахаза царя Иудина, понеже от­ступи от­ступленiемъ от­ Господа.
28:20	И прiиде на него Ѳелгафелласаръ царь Ассурскiй, и озлоби его, и пресели, иже бяху въ дамасцѣ, въ мидію, изъ сиріи же пресели въ Дамаскъ пребывати.
28:21 См.: 🔗4Цар. 16:8 🔗Иер. 2:36	И взя Ахазъ сущая въ дому Господни и яже въ дому царстѣмъ и у началниковъ, и даде царю Ассурску: и не бысть на помощь ему, но токмо къ печали его.
28:22	И при­­ложи от­ступити от­ Господа и рече царь Ахазъ:
28:23 См.: 🔗4Цар. 16:10	взышу боговъ Дамасковыхъ бiющихъ мя. И рече: бози царя Сирска, тіи укрѣпляютъ ихъ, симъ убо пожру, и будутъ ми въ помощь. Тіи же быша къ паденiю его и всего Израиля.
28:24 См.: 🔗4Цар. 16:4	И остави Ахазъ сосуды дому Господня и сокруши ихъ, и заключи врата дому Божiя, и сотвори себѣ требища во всѣхъ углѣхъ Иерусалима,
28:25	и во всѣхъ градѣхъ Иудиныхъ сотвори высокая, еже кадити богомъ чуждимъ, и разгнѣва Господа Бога отецъ сво­ихъ.
28:26 См.: 🔗4Цар. 16:1	Прочая же словеса его и дѣянiя его первая и послѣдняя, се, писана суть въ книзѣ царей Иудиныхъ и Израилевыхъ.
28:27 См.: 🔗4Цар. 16:20 🔗Ис. 14:28	И успе Ахазъ со отцы сво­ими, и погребоша его во градѣ давидовѣ, ибо не внесоша его во гробы царей Израилевыхъ. И воцарися езекіа сынъ его вмѣсто его.