Послание апостола Павла к Римлянам, глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1	[Зач. 100.] Истину глаголю о Христѣ, не лгу, послуше­ст­вующей ми совѣсти мо­ей Духомъ Святымъ,
9:2	яко скорбь ми есть велiя и непрестающая болѣзнь сердцу мо­ему:
9:3 См.: 🔗Исх. 32:32	молилъ быхъ ся бо самъ азъ от­лученъ быти от­ Христа по братiи мо­ей, сродницѣхъ мо­ихъ по плоти,
9:4 См.: 🔗Исх. 4:22 🔗Исх. 20:1 🔗1Цар. 4:21	иже суть Израилите, ихже всыновленiе и слава, и завѣти и законоположенiе, и служенiе и обѣтованiя:
9:5 См.: 🔗Мф. 1:1 🔗Лк. 3:23	ихже отцы, и от­ нихже Христосъ по плоти, сый надъ всѣми Богъ благословенъ во вѣки, аминь.
9:6 См.: 🔗Чис. 23:19 🔗Рим. 3:3	[Зач. 101.] Не такоже, яко от­паде слово Божiе: не вси бо сущiи от­ Израиля, сіи Израиль,
9:7 См.: 🔗Быт. 21:12 🔗Евр. 11:18	ни зане суть сѣмя Авраамле, вси чада: но во Исаацѣ, рече, наречет­ся ти сѣмя.
9:8 См.: 🔗Гал. 4:28	Сирѣчь, не чада плотская, сiя чада Божiя: но чада обѣтованiя при­­читают­ся въ сѣмя.
9:9 См.: 🔗Быт. 18:10	Обѣтованiя бо слово сiе: на сiе время прiиду, и будетъ Саррѣ сынъ.
9:10 См.: 🔗Быт. 25:21	Не точiю же, но и Ревекка от­ единаго ложа Исаака отца на­шего имущи:
9:11	еще бо не рождшымся, ни сотворив­шымъ что благо или зло, да по избранiю предложенiе Божiе пребудетъ
9:12 См.: 🔗Быт. 25:23	не от­ дѣлъ, но от­ При­­зывающаго, речеся ей, яко болiй поработаетъ меншему,
9:13 См.: 🔗Мал. 1:2	якоже есть писано: Иакова воз­любихъ, Исава же воз­ненавидѣхъ.
9:14 См.: 🔗Втор. 32:4	Что убо речемъ? Еда неправда у Бога? Да не будетъ.
9:15 См.: 🔗Исх. 33:19	Моисеови бо глаголетъ: помилую, егоже аще помилую, и ущедрю, егоже аще ущедрю.
9:16	Тѣмже убо ни хотящаго, ни текущаго, но милу­ю­щаго Бога.
9:17 См.: 🔗Исх. 9:16 🔗Исх. 14:4	Глаголетъ бо Писанiе фараонови: яко на истое сіе воз­двигохъ тя, яко да покажу тобою силу Мою, и да воз­вѣстит­ся имя Мое по всей земли.
9:18	[Зач. 102.] Тѣмже убо егоже хощетъ, милуетъ: а егоже хощетъ, ожесточаетъ.
9:19 См.: 🔗Ис. 46:10 🔗Иер. 49:19	Речеши убо ми: чесо ради еще укоряетъ, воли бо Его кто противитися можетъ?
9:20 См.: 🔗Ис. 29:16 🔗Ис. 45:9	Тѣмже убо, о, человѣче, ты кто еси, противъ от­вѣщаяй Богови? Еда речетъ зданiе создав­шему е: почто мя сотворилъ еси тако?
9:21 См.: 🔗Иер. 18:4 🔗2Тим. 2:20	Или не имать власти скудельникъ на бренiи, от­ тогожде смѣшенiя сотворити овъ убо сосудъ въ честь, овъ же не въ честь?
9:22 См.: 🔗Рим. 2:4	Аще же хотя Богъ показати гнѣвъ Свой и явити силу Свою, пренесе во мнозѣ долготерпѣнiи сосуды гнѣва совершены въ погибель:
9:23 См.: 🔗Рим. 8:28	и да скажетъ богат­ст­во славы Сво­ея на сосудѣхъ милости, яже предуготова въ славу,
9:24 См.: 🔗Рим. 3:29	ихже и при­­зва насъ не точiю от­ Иудей, но и от­ языкъ:
9:25 См.: 🔗Ос. 2:23 🔗1Пет. 2:10	якоже и во Осіи глаголетъ: нареку не люди Моя люди Моя, и невоз­любленую воз­люблену:
9:26 См.: 🔗Ос. 1:10	и будетъ, на мѣстѣ, идѣже речеся имъ: не людiе Мо­и есте вы, тамо нарекут­ся сынове Бога живаго.
9:27	Исаiа же вопiетъ о Израили: аще будетъ число сыновъ Израилевыхъ яко песокъ морскій, останокъ спасет­ся:
9:28 См.: 🔗Ис. 10:22	слово бо скончавая и сокращая въ правдѣ, яко слово сокращено сотворитъ Господь на земли,
9:29 См.: 🔗Ис. 1:9 🔗Быт. 19:24	и якоже прорече Исаiа: аще не бы Господь Саваоѳъ оставилъ намъ сѣмене, якоже Cодомъ убо были быхомъ, и якоже Гоморру уподобилися быхомъ.
9:30 См.: 🔗Рим. 10:20	Что убо речемъ, яко языцы, не гонящiи правду, постигоша правду, правду же, яже от­ вѣры:
9:31 См.: 🔗Рим. 11:7	Израиль же, гоня законъ правды, въ законъ правды не постиже.
9:32	Чесо ради? Зане не от­ вѣры, но от­ дѣлъ закона: преткнушася бо о камень претыканiя,
9:33 См.: 🔗Ис. 8:14 🔗Ис. 28:16 🔗Пс. 117:22 🔗Мф. 21:44 🔗Мк. 12:10 🔗Лк. 2:34 🔗Лк. 20:17	якоже есть писано: се, полагаю въ Сiонѣ камень претыканiя и камень соблазна: и всякъ вѣруяй въ Онь не постыдит­ся.