Деяния святых Апостолов, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Деян. 11:27	Бяху же нѣцыи во церкви сущей во Антiохіи пророцы и учителiе: Варнава же и Симеонъ нарицаемый Нигеръ, и Лукій Киринеанинъ, и Манаилъ со Иродомъ четвертовласт­никомъ воспитан­ный, и Савлъ.
13:2 См.: 🔗Деян. 9:15 🔗Рим. 1:1 🔗Гал. 1:15 🔗1Тим. 2:7	Служащымъ же имъ Господеви и постящымся, рече Духъ Святый: от­дѣлите Ми Варнаву и Савла на дѣло, на неже при­­звахъ ихъ.
13:3 См.: 🔗Деян. 6:6	Тогда постив­шеся и помолив­шеся и воз­ложше руки на ня, от­пустиша ихъ.
13:4	Сiя убо, послана быв­ша от­ Духа Свята, снидоста въ Селевкію, от­туду же от­плыста въ Кипръ,
13:5 См.: 🔗Деян. 12:25	и быв­ша въ Саламинѣ, воз­вѣщаста слово Божiе въ сонмищихъ Иудейскихъ: имѣяста же и Иоан­на слугу.
13:6	Прошедша же островъ даже до Пафа, обрѣтоста нѣко­его мужа волхва лжепророка Иудеанина, емуже имя Варiисусъ,
13:7	иже бѣ со анѳипатомъ Сергiемъ Павломъ, мужемъ разумнымъ. Сей при­­звавъ Варнаву и Савла, взыска услышати слово Божiе:
13:8 См.: 🔗Деян. 8:9 🔗2Тим. 3:8	сопротивляшеся же има Елима волхвъ, тако бо сказует­ся имя его, искій развратити анѳипата от­ вѣры.
13:9	Савлъ же, иже и Павелъ, исполнися Духа Свята, и воз­зрѣвъ нань,
13:10 См.: 🔗Мф. 13:38 🔗Ин. 8:44 🔗1Ин. 3:8	рече: о, исполнен­не всякiя льсти и всякiя злобы, сыне дiаволь, враже всякiя правды, не престанеши ли развращая пути Господни правыя?
13:11	И нынѣ, се, рука Господня на тя, и будеши слѣпъ, не видя солнца до времене. Внезапу же нападе нань мракъ и тма, и осязая иска­ше вожда.
13:12	Тогда видѣвъ анѳипатъ быв­шее, вѣрова, дивяся о ученiи Господни.
13:13 См.: 🔗Деян. 15:38	[Зач. 32.] Отвезшеся же от­ Пафа Павелъ и сущiи съ нимъ, прiидоша въ Пергію Памфилійскую: Иоан­нъ же, от­лучився от­ нихъ, воз­вратися во Иерусалимъ.
13:14	Они же, прошедше от­ Пергіи, прiидоша во Антiохію Писидійскую, и в­шедше въ сонмище въ день субботный, сѣдоша.
13:15	По чтенiи же закона и пророкъ, послаша началницы сонмища къ нимъ, глаголюще: мужiе братiе, аще есть слово въ васъ утѣшенiя къ людемъ, глаголите.
13:16	Воставъ же Павелъ и помаавъ рукою, рече: мужiе Израилтяне и боящiися Бога, услышите:
13:17 См.: 🔗Исх. 1:1 🔗Исх. 13:16	Богъ людій сихъ избра отцы нашя и люди воз­несе въ при­­шел­ст­вiи въ земли Египетстѣй, и мышцею высокою изведе ихъ изъ нея
13:18 См.: 🔗Исх. 16:35	и до четыредесяти лѣтъ препита ихъ въ пустыни:
13:19 См.: 🔗Нав. 3:10	и низложивъ языкъ седмь въ земли Ханаанстѣй, даде имъ въ наслѣдiе землю ихъ,
13:20 См.: 🔗Суд. 2:16	и по сихъ, яко лѣтъ четыреста и пятьдесятъ, даде имъ судiи до Самуила пророка:
13:21 См.: 🔗1Цар. 8:5 🔗1Цар. 9:16	и от­туду просиша царя, и даде имъ Богъ Саула сына Кисова, мужа от­ колѣна Венiаминова, лѣтъ четыредесять:
13:22 См.: 🔗1Цар. 13:14 🔗Пс. 88:21	и преставль его, воз­движе имъ Давида въ царя, емуже и рече свидѣтел­ст­вовавъ: обрѣтохъ Давида сына Иессеова, мужа по сердцу Мо­ему, иже сотворитъ вся хотѣнiя Моя.
13:23 См.: 🔗2Цар. 7:12 🔗Пс. 131:11 🔗Ис. 11:1	От сего сѣмене Богъ по обѣтованiю воз­движе Израилю Спасенiе Иисуса,
13:24 См.: 🔗Мф. 3:1	проповѣдав­шу Иоан­ну предъ лицемъ внитiя Его крещенiе покаянiя всѣмъ людемъ Израилевымъ.
13:25 См.: 🔗Ин. 1:20 🔗Ин. 3:28	[Зач. 33.] И якоже скончава­ше Иоан­нъ теченiе, глаголаше: кого мя непщуете быти? Нѣсмь азъ, но се, грядетъ по мнѣ, Емуже нѣсмь достоинъ разрѣшити ремень сапогу Его.
13:26 См.: 🔗Мф. 10:6	Мужiе братiе, сынове рода Авраамля, и иже въ васъ боящiися Бога, вамъ слово спасенiя сего послася.
13:27 См.: 🔗Лк. 24:27 🔗1Кор. 2:8	Живущiи бо во Иерусалимѣ и князи ихъ, сего не разумѣв­ше, и гласы пророческiя по вся субботы чтомыя, осудив­ше [Его], исполниша,
13:28 См.: 🔗Мф. 27:20 🔗Лк. 23:23 🔗Деян. 3:14	и ни единыя вины смертныя обрѣтше, просиша у Пилата убити Его:
13:29	якоже скончаша вся, яже о Немъ писана, снемше съ древа, положиша во гробѣ.
13:30 См.: 🔗Мф. 28:6 🔗Мк. 16:6	Богъ же воскреси Его от­ мертвыхъ:
13:31 См.: 🔗Ин. 20:19	иже являшеся во дни многи совоз­шедшымъ съ Нимъ от­ Галилеи во Иерусалимъ, иже нынѣ суть свидѣтелiе Его къ людемъ.
13:32 См.: 🔗Быт. 22:18 🔗2Цар. 7:12 🔗Ис. 4:2 🔗Дан. 9:24	И мы вамъ благовѣ­ст­вуемъ обѣтованiе быв­шее ко отцемъ, яко сiе Богъ исполнилъ есть намъ чадомъ ихъ, воз­двигъ Иисуса,
13:33 См.: 🔗Пс. 2:7 🔗Евр. 1:5	якоже и во псалмѣ вторѣмъ писано есть: Сынъ Мой еси Ты, Азъ днесь родихъ Тя.
13:34 См.: 🔗Ис. 55:3	А якоже воскреси Его от­ мертвыхъ, не ктому хотяща воз­вратитися во истлѣнiе, сице рече: яко дамъ вамъ преподобная Давидова вѣрная.
13:35 См.: 🔗Пс. 15:10 🔗Деян. 2:31	Тѣмже и въ другомъ глаголетъ: не даси Преподобному Тво­ему видѣти истлѣнiя.
13:36 См.: 🔗3Цар. 2:10 🔗Деян. 2:29	Давидъ бо, сво­ему роду послуживъ Божiимъ совѣтомъ, успе, и при­­ложися ко отцемъ сво­имъ, и видѣ истлѣнiе:
13:37 См.: 🔗Деян. 2:31	а Егоже Богъ воз­движе, не видѣ истлѣнiя.
13:38 См.: 🔗Ис. 53:12 🔗Иер. 31:34 🔗Лк. 24:47	Вѣдомо убо да будетъ вамъ, мужiе братiе, яко Его ради вамъ оставленiе грѣховъ проповѣдает­ся:
13:39 См.: 🔗Рим. 3:20	и от­ всѣхъ, от­ нихже не воз­могосте въ законѣ Моисеовѣ оправдитися, о Семъ всякъ вѣруяй оправдает­ся.
13:40	Блюдите убо, да не прiидетъ на васъ рѣчен­ное во пророцѣхъ:
13:41 См.: 🔗Авв. 1:5	видите, нерадивiи, и чудитеся, и узрите и исчезнете: яко дѣло Азъ содѣлаю во дни вашя, емуже не имате вѣровати, аще кто повѣсть вамъ.
13:42	Исходящымъ же имъ от­ сонмища Иудейска, моляху языцы въ другую субботу глаголатися имъ глаголомъ симъ:
13:43 См.: 🔗Деян. 11:23	разшедшуся же собору, послѣдоваша мнози от­ Иудей и честивыхъ при­­шлецъ Павлу и Варнавѣ, иже, глаголюща имъ, увѣщаста ихъ пребывати въ благодати Божiей.
13:44	Во грядущую же субботу мало не весь градъ собрася послушати слова Божiя:
13:45	видѣв­ше же Иудее народы, исполнишася зависти и вопреки глаголаху глаголемымъ от­ Павла, сопротивъ глаголюще и хуляще.
13:46 См.: 🔗Втор. 32:21 🔗Деян. 3:26 🔗Деян. 4:29 🔗Деян. 18:6	Дерзнув­ша же Павелъ и Варнава рекоста: вамъ бѣ лѣпо первѣе глаголати слово Божiе: а понеже от­вергосте е и недостойны творите сами себе вѣчному животу, се, обращаемся во языки:
13:47 См.: 🔗Ис. 49:6 🔗Ис. 42:6 🔗Лк. 2:32	тако бо заповѣда намъ Господь: положихъ Тя во свѣтъ языкомъ, еже быти Тебѣ во спасенiе даже до послѣднихъ земли.
13:48	Слышаще же языцы радовахуся и славляху слово Господне, и вѣроваша, елицы учинени бяху въ жизнь вѣчную:
13:49	проноша­шеся же слово Господне по всей странѣ.
13:50 См.: 🔗2Тим. 3:11	Иудее же наустиша честивыя жены и благообразныя и старѣйшины града, и воз­двигоша гоненiе на Павла и Варнаву, и изгнаша я от­ предѣлъ сво­ихъ.
13:51 См.: 🔗Мф. 10:14 🔗Мк. 6:11 🔗Лк. 9:5	Она же, от­рясша прахъ от­ ногъ сво­ихъ на нихъ, прiидоста во Иконію.
13:52	Ученицы же исполняхуся радости и Духа Свята.