Третья книга Царств (Первая книга Царей), глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗3Цар. 7:8	Егда же цар­ст­во утвердися въ руцѣ соломона, сватов­ст­во сотвори соломонъ съ фараономъ царемъ Египетскимъ: и поятъ дщерь фараоню и введе ю во градъ давидовъ, дондеже сконча здати домъ свой и домъ Господень и стѣну Иерусалима окрестъ.
3:2 См.: 🔗Лев. 17:4 🔗2Пар. 33:17	Обаче людiе тогда бяху жруще на высокихъ, яко не бѣ созданъ домъ Господеви даже до дне онаго.
3:3	И воз­люби соломонъ Господа, ходити въ заповѣданiихъ давида отца сво­его, токмо на холмѣхъ жряше и кадяше.
3:4 См.: 🔗1Пар. 16:39 🔗2Пар. 1:3	И воста соломонъ, и иде въ гаваонъ пожрети тамо, яко тамо бѣ высота велiя: тысящу всесожженiя воз­несе на жертвен­ницѣ въ гаваонѣ.
3:5 См.: 🔗2Пар. 1:7 🔗3Цар. 9:2	И явися Господь соломону во снѣ нощiю и рече ему: проси что хощеши себѣ.
3:6 См.: 🔗1Пар. 28:5 🔗2Пар. 1:8 🔗Прем. 9:17	И рече соломонъ: ты сотворилъ еси съ рабомъ тво­имъ давидомъ отцемъ мо­имъ милость велiю, якоже ходи предъ тобою истиною и правдою и правымъ сердцемъ съ тобою, и сохранилъ еси ему милость великую сiю, еже дати сыну его сѣдѣти на престолѣ его, якоже днесь:
3:7 См.: 🔗Иер. 10:23	и нынѣ, Господи Боже мой, ты далъ еси раба тво­его вмѣсто давида отца мо­его: и азъ есмь отрочищь малъ, и не вѣмъ исхода мо­его и входа мо­его:
3:8 См.: 🔗2Пар. 1:9	рабъ же твой посредѣ людій тво­ихъ, ихже избралъ еси людій многихъ, иже не изочтут­ся от­ множе­ст­ва:
3:9 См.: 🔗Прем. 6:21	и даси рабу тво­ему сердце смыслено слышати и судити люди твоя въ правдѣ, еже разумѣвати посредѣ добра и зла: яко кто можетъ судити людемъ тво­имъ тяжкимъ симъ?
3:10	И угодно бысть слово сiе предъ Господемъ, яко испроси соломонъ глаголъ сей.
3:11	И рече Господь къ нему: занеже просилъ еси от­ мене глагола сего, и не просилъ еси от­ мене дній многихъ, и не просилъ еси богат­ст­ва, ниже просилъ еси душъ врагъ тво­ихъ, но испросилъ еси себѣ разума, еже слышати судъ:
3:12 См.: 🔗3Цар. 4:29 🔗3Цар. 5:12 🔗3Цар. 10:23	се, сотворихъ по глаголу тво­ему, се, дахъ ти сердце смыслено и мудро: якоже ты, не бысть мужъ прежде тебе и по тебѣ не востанетъ подобенъ тебѣ:
3:13 См.: 🔗Прем. 7:11	и яже не просилъ еси, дахъ тебѣ, и богат­ст­во и славу, якоже ты, не бысть мужъ подобенъ тебѣ въ царехъ во вся дни твоя:
3:14 См.: 🔗Лев. 18:5 🔗Пс. 90:16 🔗Прит. 3:16	и аще пойдеши путемъ мо­имъ сохранити заповѣди моя и повелѣнiя моя, якоже хожда­ше давидъ отецъ твой, и умножу дни твоя.
3:15	И воз­будися соломонъ, и се, сновидѣнiе. И воста, и иде во Иерусалимъ, и ста предъ лицемъ жертвен­ника, предъ лицемъ кивота завѣта Господня въ Сiонѣ, и воз­несе всесожженiя и сотвори мирная, и сотвори пиръ велiй себѣ и всѣмъ отрокомъ сво­имъ.
3:16	Тогда явистѣся двѣ женѣ блудницѣ предъ царемъ и стастѣ предъ нимъ.
3:17	И рече жена едина: во мнѣ, господи мой: азъ и жена сiя жихомѣ въ дому единѣмъ и родихомѣ въ дому:
3:18	и бысть по третiемъ дни рожденiя мо­его, и роди и жена сiя: и бѣхомъ купно, и не бѣ никтоже съ нами, кромѣ обо­ихъ насъ въ дому:
3:19	и умре сынъ жены сея въ нощи, яко лежа на немъ:
3:20	и воста въ полунощи, и взя отроча мое от­ объятiй мо­ихъ, и успи е на лонѣ сво­емъ, а отроча свое умершее положи на лонѣ мо­емъ:
3:21	и востахъ заутра накормити отроча мое, и обрѣтохъ и мертво: и се, разсмотрихъ его рано, и се, не бѣ сынъ мой, егоже родихъ:
3:22	И рече другая жена: ни, но се есть сынъ мой живый, се же есть сынъ твой умерый. И прястѣся предъ царемъ.
3:23	И рече има царь: ты глаголеши, яко сей сынъ мой живый, сынъ же сея мертвый: и ты глаголеши: ни, но живый есть сынъ мой, твой же сынъ умершiй.
3:24	И рече царь: при­­несите ми мечь. И при­­несоша мечь предъ царя.
3:25	И рече царь: разсѣцыте отроча ссущее живое на двое, и дадите половину его сей, и другую половину онѣй.
3:26 См.: 🔗Ис. 49:15	И от­вѣща жена, еяже бѣ сынъ живый, и рече ко царю, понеже смятеся утроба ея о сынѣ ея, и рече: во мнѣ, господи мой, дадите ей отроча живое, смертiю же не умертвите его. И та рече: да не будетъ ни мнѣ, ни тебѣ, но пресѣцыте е.
3:27 См.: 🔗Прит. 16:10	И от­вѣща царь и рече: дадите дѣтище живо женѣ рекшей: дадите сей е, смертiю же не умертвите его: сiя мати его.
3:28 См.: 🔗Прем. 8:4	И слыша весь Израиль судъ сей, имже суди царь, и убояшася от­ лица царева, разумѣша бо, яко разумъ Божiй въ немъ еже творити оправданiя.