Первая книга Паралипоменон (Первая книга Хроник, Первая Летопись), глава 7

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 7
7:1 См.: 🔗Быт. 46:13	И сіи сынове Иссахаровы: Ѳола и Фуа, и ясувъ и сомврамъ, четыре.
7:2	Сынове же Ѳолы: Озій и Рафеа, и иерiилъ и аминъ, и Иафѳамъ и самуилъ, князи по домомъ отече­ст­въ ихъ, иже от­ колѣна Ѳолина, крѣпцы силою по родомъ ихъ, ихже число во дни давидовы двадесять и двѣ тысящы и шесть сотъ.
7:3	Сынове же Озіины Иезрій, и сынове Иезріины Михаилъ и Авдіа, и Иоиль и Иесіа, пять всѣхъ князей.
7:4	И съ ними по родомъ ихъ, по домомъ отече­ст­въ ихъ, препоясани и сильни ко ополченiю на брань, тридесять и шесть тысящъ: много бо имѣша женъ и сыновъ.
7:5	Братiя же ихъ во всѣхъ племенѣхъ Иссахаровыхъ крѣпцы силою, осмьдесятъ и седмь тысящъ сочтенiе всѣхъ ихъ.
7:6 См.: 🔗1Пар. 8:1 🔗Быт. 46:21	Сынове же Венiаминовы: Валай и Ховоръ и Иедiилъ, три.
7:7	Сынове же вллаевы: есевонъ и Озіа, и Озiилъ и иеримуѳъ и уріа, пять князей домовъ отече­ст­въ ихъ, крѣпцы силою, и число ихъ двадесять и двѣ тысящы и тридесять четыре.
7:8	Сынове же Ховоровы: замiріа и Иоавъ, и Елiезеръ и Елiана, и Амаріа и иеримуѳъ и Авіа и Анаѳоѳъ и Елмеѳемъ: вси сіи сынове Ховоровы.
7:9	Сочтенiе же ихъ по родомъ ихъ, князи домовъ отече­ст­въ ихъ, крѣпцы силою, двадесять тысящъ и двѣсти.
7:10	Сынове же Иедiилевы Валаамъ, и сынове Валаамовы Иеосъ и Венiаминъ, и Аоѳъ и Аханаанъ, и зиѳанъ и Ѳарсисъ и Асаиръ:
7:11	вси сіи сынове Иедiилевы, князи племенъ крѣпчайшiи силою, седмь­на­де­сять тысящъ и двѣсти ко ополченiю съ силою исходящiи.
7:12 См.: 🔗Быт. 46:21 🔗Чис. 26:42	И Сафанъ и ифанъ, сынове иеримуѳовы, есудъ сынъ его,
7:13 См.: 🔗Быт. 46:24	Нефѳалимъ сынъ его, и есiилъ и гоини, и Иесеръ и Селлимъ, сынове его, Валаамъ сынъ его.
7:14 См.: 🔗Чис. 26:29 🔗Нав. 17:1	Сынове Манассіи: езрiилъ, егоже роди наложница его Сира, роди же ему и Махира отца Галаадова.
7:15 См.: 🔗Чис. 26:33 🔗Чис. 27:1	Махиръ же поятъ жену Офирови и Сафинови, и имя сестрѣ его мооха, имя же второму Салпаадъ. Родишажеся Салпааду дщери.
7:16	И роди мооха жена Махирова сына и нарече имя его Фаресъ: и имя брату его сорооръ: и сынове его Уламъ и ракамъ.
7:17	Сынове же Уламовы Валаамъ: сіи сынове Галаада сына Махирова сына Манассіева.
7:18	Сестра же его малехеѳъ роди Иесуда и Авiезера и маалу.
7:19	Бѣху же сынове семiра: Аимъ и Cихемъ, и докiимъ и енiамъ.
7:20 См.: 🔗Чис. 26:35	Сынове же Ефремли Ѳусаламъ, и раамъ сынъ его, и Ѳаамъ сынъ его, и Елаадъ сынъ его, и Ѳаа сынъ его,
7:21	и завадъ сынъ его, и соѳела сынъ его, и езеръ и езлада. Убиша же ихъ мужiе геѳстiи, иже родишася въ земли той: зане изыдоша взяти скоты ихъ.
7:22	И плакася Ефремъ отецъ ихъ многи дни: и прiидоша братiя его, да утѣшатъ его.
7:23	И вниде къ женѣ сво­ей: и зача во чревѣ, и роди сына, и нарече имя его Варiа, яко въ злыхъ дому его рожденъ есть.
7:24	Дщи же его сараа, и бо оныхъ остав­шихся: и созда веѳоронъ нижнiй и вышнiй и садру.
7:25	Рафай же сынъ его, и расефъ и Ѳалай сынове его, и Ѳаанъ сынъ его,
7:26	и ладанъ сынъ его, и Амiудъ сынъ его, Елисама сынъ его,
7:27	рунъ сынъ его, Иосій сынъ его.
7:28 См.: 🔗Нав. 16:1 🔗Быт. 48:22	И одержанiе ихъ и обитанiе ихъ Веѳиль и веси его противу востока Наараня, и къ западнѣй странѣ газера и веси его, и Cихемъ и веси его даже до Газы и веси ея,
7:29 См.: 🔗Нав. 17:11	и даже до предѣлъ сыновъ Манассіиныхъ, веѳсанъ и веси его, Ѳанаахъ и веси его, и Магеддонъ и веси его, доръ и веси его: въ тѣхъ вселишася сынове Иосифа сына Израилева.
7:30 См.: 🔗Быт. 46:17	Сынове Асировы: Иамна и есудъ, и Иесуе и Варiа, и сарреа сестра ихъ.
7:31	Сынове же Вариевы Ховеръ и Мелхiилъ: сей отецъ завеѳовъ.
7:32	И Ховеръ роди Иафлета и сомира, и хоѳана и сулу сестру ихъ.
7:33	И сынове Иафлетовы: фасехъ и Амамааѳъ и Асоаѳъ: сіи сынове Иафлетовы.
7:34	Сынове же сомировы: ихiуръ, равгоа и Иава и Арамъ.
7:35	Сынове же Асуда брата его: Софа и Иамна, и елимъ и аламъ.
7:36	Сынове софовы: суе, Арiаферъ и суанъ, и воринъ и имрамъ,
7:37	и Васаръ и Иудъ, и самма и селимванъ, и Иеѳранъ и веера.
7:38	Сынове же Иеѳеровы: Иеѳонъ и фасфа и Арей.
7:39	Сынове же олани: Орехъ и Анiилъ и расіа.
7:40	Вси сіи сынове Асировы, вси князи домовъ отече­ст­ва избран­нiи и крѣпцы силою, князи, во­еводы: сочтенiе ихъ во время брани на ополченiе двадесять шесть тысящъ мужей.