Откровение Иоанна Богослова (Апокалипсис), глава 22

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 22
22:1 См.: 🔗Иез. 47:1 🔗Зах. 14:8 🔗Отк. 4:6	И показа ми чисту рѣку воды животныя, свѣтлу яко кристаллъ, исходящу от­ престола Божiя и Агнча.
22:2 См.: 🔗Иез. 47:12 🔗Отк. 2:7	Посредѣ стогны его и по обаполы рѣки древо животное, еже творитъ плодовъ два­на­де­ся­те, на кійждо месяцъ воз­дая плодъ свой: и ли­ст­вiе древа во исцѣленiе языкомъ.
22:3	И всяка анаѳема не будетъ ктому: и престолъ Божiй и Агнечь будетъ въ немъ, и раби Его послужатъ Ему,
22:4 См.: 🔗Мф. 5:8 🔗1Ин. 3:2 🔗1Кор. 13:12	и узрятъ лице Его, и имя Его на челѣхъ ихъ.
22:5 См.: 🔗Ис. 60:19 🔗Отк. 21:23	И нощи не будетъ тамо, и не потребуютъ свѣта от­ свѣтилника, ни свѣта солнечнаго, яко Господь Богъ просвѣщаетъ я: и воцарят­ся во вѣки вѣковъ.
22:6 См.: 🔗Отк. 1:1 🔗Отк. 19:9 🔗Отк. 21:5	И рече ми: сiя словеса вѣрна и истин­на: и Господь Богъ святыхъ пророкъ посла Ангела Сво­его показати рабомъ Сво­имъ, имже подобаетъ быти вскорѣ.
22:7 См.: 🔗Отк. 1:3 🔗Отк. 3:11	Се, гряду скоро: блаженъ соблюдаяй словеса пророче­ст­ва книги сея.
22:8	И азъ Иоан­нъ видѣхъ сiя и слышахъ. И егда слышахъ и видѣхъ, падохъ поклонитися на ногу Ангела показующаго ми сiе:
22:9 См.: 🔗Отк. 19:10	и глагола ми: виждь, ни: клевретъ бо твой есмь и братiи тво­ея пророковъ и соблюдающихъ словеса книги сея: Богу поклонися.
22:10 См.: 🔗Отк. 1:3	И глагола ми: не запечатлѣй словесъ пророче­ст­вiя книги сея: яко время близъ есть.
22:11 См.: 🔗Иез. 3:27 🔗Дан. 12:10 🔗2Тим. 3:13	Обидяй да обидитъ еще, и скверный да осквернит­ся еще: и праведный правду да творитъ еще: и святый да святит­ся еще.
22:12 См.: 🔗Отк. 20:12	И се, гряду скоро, и мзда Моя со Мною, воз­дати ко­емуждо по дѣломъ его.
22:13 См.: 🔗Отк. 1:8	Азъ есмь Алфа и Омега, начатокъ и конецъ, Первый и Послѣднiй.
22:14 См.: 🔗Отк. 2:7	Блажени творящiи заповѣди Его, да будетъ область имъ на древо животное, и враты внидутъ во градъ.
22:15 См.: 🔗Еф. 5:5 🔗Флп. 3:2 🔗Отк. 21:8	Внѣ же пси и чародѣе, и любо­дѣе и убийцы, и идолослужителе и всякъ любяй и творяй лжу.
22:16 См.: 🔗Чис. 24:17 🔗2Пет. 1:19 🔗Рим. 15:12 🔗Отк. 2:28	Азъ Иисусъ послахъ Ангела Мо­его засвидѣтел­ст­вовати вамъ сiя въ церквахъ. Азъ есмь корень и родъ Давидовъ, и звѣзда утрен­няя {свѣтлая} и ден­ница.
22:17 См.: 🔗Ис. 55:1 🔗Ин. 7:37 🔗Отк. 21:6	И Духъ и невѣста глаголютъ: прiиди, и слышяй да глаголетъ: прiиди. И жаждяй да прiидетъ, и хотяй да прiиметъ воду животную туне.
22:18 См.: 🔗Втор. 4:2 🔗Втор. 12:32 🔗Прит. 30:6	Сосвидѣтел­ст­вую бо всякому слышащему словеса пророче­ст­ва книги сея: аще кто при­­ложитъ къ симъ, наложитъ Богъ на него язвъ написан­ныхъ въ книзѣ сей:
22:19	и аще кто отъ­иметъ от­ словесъ книги пророче­ст­вiя сего, отъ­иметъ Богъ часть его от­ книги животныя, и от­ града святаго, и написан­ныхъ въ книзѣ сей.
22:20	Глаголетъ свидѣтел­ст­вуяй сiя: ей, гряду скоро: аминь. Ей, гряди Господи Иисусе.
22:21	Благодать Господа на­шего Иисуса Христа со всѣми вами. Аминь. Конецъ апокалипсису святаго Иоан­на богослова: имать въ себѣ главы 22.