Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 5 | |
5:1 | Слышите сiя, жерцы, и вонмите, доме Израилевъ, и доме царевъ, внушите, понеже къ вамъ есть судъ: яко пругло бысте стражбѣ, и якоже мрежа распростерта на итавиріи, |
5:2 | юже ловящiи ловъ поткнуша, азъ же наказатель вамъ: |
5:3 См.: 🔗Иез. 16:35 | азъ познахъ Ефрема, и Израиль не отступи от мене, зане нынѣ соблуди Ефремъ, и осквернися Израиль: |
5:4 См.: 🔗Лк. 20:12 🔗Ос. 4:12 | не положиша помышленiй своихъ, еже возвратитися къ Богу своему, яко духъ блуженiя есть въ нихъ, и Господа не увѣдѣша. |
5:5 См.: 🔗Ос. 7:10 | И смирится укоризна Израилева въ лице ему, и Израиль и Ефремъ изнемогутъ въ неправдахъ своихъ, изнеможетъ же и Иуда съ ними. |
5:6 См.: 🔗Ос. 6:1 | Со овцами и телцы пойдутъ взыскати Господа и не обрящутъ его, уклонися бо от нихъ. |
5:7 См.: 🔗Ос. 2:4 | Яко Господа оставиша, яко чада чужда породиша себѣ: нынѣ поястъ я ржа, и причастiя ихъ. |
5:8 См.: 🔗Ос. 4:15 | Вострубите трубою на холмѣхъ, возгласите на высокихъ, проповѣдите въ дому оновѣ, ужасеся Венiаминъ, |
5:9 | Ефремъ въ пагубу бысть во дни наказанiя: въ племенѣхъ Израилевыхъ показахъ вѣрная. |
5:10 См.: 🔗Втор. 19:14 🔗Втор. 27:17 | Быша князи Иудины яко прелагающе предѣлы: на ня излiю яко воду гнѣвъ мой. |
5:11 | Соодолѣ Ефремъ соперника своего, попра судъ, яко нача ходити вслѣдъ суетныхъ. |
5:12 | Азъ же яко мятежъ Ефремови и яко остенъ дому Иудину. |
5:13 См.: 🔗Иер. 2:18 🔗Ос. 10:6 | И видѣ Ефремъ немощь свою и Иуда болѣзнь свою: и иде Ефремъ ко Ассириемъ и посла послы ко царю Иариму: и той не возможе изцѣлити васъ, и не престанетъ от васъ болѣзнь. |
5:14 | Зане азъ есмь яко панѳирь Ефремови и яко левъ дому Иудину: и азъ восхищу, и пойду, и возму, и не будетъ изъимаяй: |
5:15 | пойду и возвращуся на мѣсто свое, дондеже погибнутъ, и взыщутъ лица моего. |