Книга пророка Исаии, глава 58

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 58
58:1 См.: 🔗Иез. 33:7 🔗2Тим. 4:2	Возопій крѣпостiю и не пощади: яко трубу воз­выси гласъ твой и воз­вѣсти людемъ мо­имъ грѣхи ихъ и дому Иаковлю беззаконiя ихъ.
58:2 См.: 🔗Ис. 1:18 🔗Иез. 33:17 🔗Мал. 3:7	Мене день от­ дне ищутъ и разумѣти пути моя желаютъ, яко людiе правду сотворив­шiи и суда Бога сво­его не оставив­шiи: просятъ нынѣ у мене суда праведна и при­­ближитися ко Господу желаютъ, глаголюще:
58:3 См.: 🔗Мф. 6:16 🔗Лк. 5:33 🔗Лк. 18:12	что яко постихомся, и не увидѣлъ еси? смирихомъ душы нашя, и не увѣдѣлъ еси? Во дни бо пощенiй вашихъ обрѣтаете воли вашя, и вся подручныя вашя томите:
58:4 См.: 🔗Лк. 6:35	аще въ судѣхъ и сварѣхъ поститеся и бiете пястьми смирен­наго, вскую мнѣ поститеся якоже днесь, еже услышану быти съ воплемъ гласу ва­шему?
58:5 См.: 🔗Зах. 7:5	Не сицеваго поста азъ избрахъ, и дне, еже смирити человѣку душу свою: ниже аще слячеши яко серпъ выю твою, и вретище и пепелъ постелеши, ниже тако наречете постъ прiятенъ.
58:6 См.: 🔗Иер. 21:12	Не таковаго [бо] поста азъ избрахъ, глаголетъ Господь: но разрѣшай всякъ со­узъ неправды, разрушай обдолженiя насильныхъ писанiй, от­пусти сокрушен­ныя во свободу и всякое писанiе неправедное раздери:
58:7 См.: 🔗Иез. 18:7 🔗Мф. 25:35	раздробляй алчущымъ хлѣбъ твой и нищыя безкровныя введи въ домъ твой: аще видиши нага, одѣй, и от­ свой­с­т­вен­ныхъ племене тво­его не презри.
58:8 См.: 🔗Пс. 36:6	Тогда разверзет­ся рано свѣтъ твой, и исцѣленiя твоя скоро воз­сiяютъ, и предъидетъ предъ тобою правда твоя, и слава Божiя объиметъ тя.
58:9 См.: 🔗Ис. 1:19 🔗Ис. 65:24	Тогда воз­зовеши, и Богъ услышитъ тя, и еще глаголющу ти, речетъ: се, прiидохъ. Аще отъ­имеши от­ себе со­узъ и рукобiенiе и глаголъ роптанiя
58:10 См.: 🔗Ис. 42:16	и даси алчущему хлѣбъ от­ души тво­ея и душу смирен­ную насытиши, тогда воз­сiяетъ во тмѣ свѣтъ твой, и тма твоя будетъ яко полудне,
58:11 См.: 🔗Иер. 31:12 🔗Ин. 4:10	и будетъ Богъ твой съ тобою присно: и насытишися, якоже желаетъ душа твоя, и кости твоя утучнѣютъ, и будутъ яко вертоградъ напо­енъ, и яко источникъ, емуже не оскудѣ вода: и кости твоя прозябнутъ яко трава, и разботѣютъ, и наслѣдятъ роды родовъ.
58:12 См.: 🔗Ис. 61:4	И созиждут­ся пустыни твоя вѣчныя, и будутъ основанiя твоя вѣчная родомъ родовъ: и прозовешися здатель оградъ, и стези твоя посредѣ упокоиши.
58:13 См.: 🔗Ис. 56:4 🔗Иер. 17:24	Аще от­вратиши ногу твою от­ субботъ, еже не творити хотѣнiй тво­ихъ въ день святый, и прозовеши субботы сладостны, святы богови тво­ему: не воз­двигнеши ноги сво­ея на дѣло, ниже воз­глаголеши словесе во гнѣвѣ изъ устъ тво­ихъ,
58:14 См.: 🔗Втор. 32:13	и будеши уповая на Господа, и воз­ведетъ тя на благоты земныя, и ухлѣбитъ тя наслѣдiемъ Иакова отца тво­его: уста бо Господня глаголаша сiя.