Вторая книга Паралипоменон (Вторая книга Хроник, Вторая Летопись), глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	И повелѣ соломонъ созидати домъ имени Господню и домъ цар­ст­ву сво­ему.
2:2 См.: 🔗3Цар. 5:15	И собра царь соломонъ седмьдесятъ тысящъ мужей носящихъ бремена и осмьдесятъ тысящахъ каменосѣчцевъ въ горахъ, при­­ставлен­ныхъ же надъ ними три тысящы и шесть сотъ.
2:3 См.: 🔗3Цар. 5:2	И посла соломонъ къ хираму царю тирску, глаголя: якоже сотворилъ еси съ давидомъ отцемъ моимъ и послалъ еси ему кедры, да созиждетъ себѣ домъ, въ немже ему обитати,
2:4	и се, азъ сынъ его созидаю домъ имени Господа Бога мо­его, да освяшу его ему, еже кадити предъ нимъ ѳимiамъ ароматовъ и предложенiе всегда, и воз­носити всесожженiя выну, утро и къ вечеру, и въ субботы, и въ новомесячiихъ, и въ праздницѣхъ Господа Бога на­шего: во вѣкъ сiе бо Израили:
2:5 См.: 🔗Втор. 10:17 🔗Пс. 88:7	и домъ, егоже азъ созидаю, великъ, великъ бо есть Господь Богъ нашъ паче всѣхъ боговъ,
2:6 См.: 🔗3Цар. 8:27 🔗Ис. 66:1 🔗Иер. 23:24	и кто воз­можетъ создати ему домъ? аще бо небо и небо небесе не могутъ вмѣстити славы его: и кто азъ, созидаяй ему домъ? но токмо еже кадити ѳимiамъ предъ нимъ:
2:7	нынѣ убо посли мнѣ мужа мудра, иже вѣсть дѣла творити въ златѣ и сребрѣ, и мѣди и желѣзѣ, и порфирѣ и въ червлени и въ синетѣ, и иже знаетъ ваяти ваянiе, съ мудрыми, иже у мене во Иудеи и во Иерусалимѣ, яже уготова давидъ отецъ мой:
2:8 См.: 🔗3Цар. 10:12	и посли ми древа кедрова и Аркевѳова и певгова от­ Ливана, вѣмъ бо азъ, яко раби тво­и умѣютъ сѣщи древа от­ Ливана:
2:9 См.: 🔗3Цар. 5:6	и се, раби тво­и съ рабы мо­ими пойдутъ, да уготоваютъ мнѣ древа многа, домъ бо, егоже азъ созидаю, великъ и преславенъ:
2:10 См.: 🔗3Цар. 5:11	и се, дѣлателемъ, иже сѣкутъ древа, дахъ въ пищу рабомъ тво­имъ пшеницы мѣръ двадесять тысящъ и ячменя мѣръ двадесять тысящъ, и вина мѣръ двадесять тысящъ и елеа мѣръ двадесять тысящъ.
2:11	Рече же хирамъ царь тирскiй чрезъ писанiе и посла къ соломону, глаголя: понеже воз­люби Господь люди своя, постави тя надъ ними царя.
2:12 См.: 🔗3Цар. 5:7	И рече хирамъ: благословенъ Господь Богъ Израилевъ, иже сотвори небо и землю, иже даде давиду царю сына премудра и учена, и умна и разумна, иже созиждетъ домъ Господу и домъ цар­ст­ву сво­ему:
2:13 См.: 🔗3Цар. 7:13	и нынѣ послахъ тебѣ мужа мудра и свѣдуща разумъ, хирама раба мо­его:
2:14 См.: 🔗Исх. 31:4 🔗3Цар. 7:14	матерь его от­ дщерей дановыхъ, отецъ же его мужъ тирянинъ, иже вѣсть дѣлати въ златѣ и сребрѣ, и въ мѣди и въ желѣзѣ, и въ каменiихъ и въ древахъ, и ткати въ порфирѣ и въ синетѣ и въ виссонѣ и въ червленицѣ, и ваяти всякую рѣзь, и разумѣти всяко разумѣнiе, елика аще даси ему, съ мудрыми тво­ими и съ мудрыми господина мо­его давида, отца тво­его:
2:15	и нынѣ пшеницу и ячмень, и елей и вино, яже обѣщалъ еси, господине мой, посли рабомъ тво­имъ,
2:16	мы же будемъ сѣщи древа от­ Ливана на всяку потребу твою и послемъ я плотами по морю Иоппійскому, ты же при­­ведеши я во Иерусалимъ.
2:17 См.: 🔗1Пар. 22:2	И собра соломонъ всѣхъ мужей при­­шелцевъ, иже бяху въ земли Израилевѣ, по сочтенiю, имже сочте ихъ давидъ отецъ его, и обрѣтени суть сто пятьдесятъ три тысящы и шесть сотъ:
2:18 См.: 🔗3Цар. 5:15	сотвори же от­ нихъ седмьдесятъ тысящъ бременоносцевъ и осмьдесятъ тысящъ каменосѣчцевъ, три тысящы и шесть сотъ при­­ставники надъ дѣлами людскими.