Книга пророка Захарии, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	И обратихся и воз­ведохъ очи мо­и и видѣхъ, и се, четыри колесницы исходящыя изъ средины дво­ихъ горъ, горы же тѣ бѣша горы мѣдяны:
6:2 См.: 🔗Зах. 1:8	въ колесницѣ первѣй кони рыжы, и въ колесницѣ вторѣй кони врани,
6:3	и въ колесницѣ третiей кони бѣли, и въ колесницѣ четвертѣй кони пестри скори.
6:4	И от­вѣщахъ и рѣхъ ко ангелу глаголющему во мнѣ: что суть сiя, господи?
6:5 См.: 🔗Евр. 1:7 🔗Иов. 1:6 🔗Дан. 7:10	И от­вѣща ангелъ глаголяй во мнѣ и рече: сiя суть четыри вѣтри небеснiи, иже исходятъ предстати Господу всея земли.
6:6	Въ нейже бѣху кони врани, исхождаху на землю сѣверскую, и бѣлiи исхождаху вслѣдъ ихъ, и пестрiи исхождаху на землю южную,
6:7	и скорiи исхождаху и озираху еже объити землю. И рече: идите, обыдите землю. И обыдоша землю.
6:8	И возопи и рече ко мнѣ глаголя: се, исходящiи на землю сѣверскую упокоиша ярость мою на земли сѣверстѣй.
6:9	И бысть слово Господне ко мнѣ глаголя:
6:10	прiими, яже от­ плѣна от­ князей и от­ ключимыхъ его и от­ разумѣв­шихъ его, и внидеши ты въ день онъ въ домъ Иосіи софонiина, грядущаго от­ Вавилона,
6:11	и прiимеши сребро и злато, и сотвориши вѣнцы, и воз­ложиши на главу иисусу Иоседекову, иерею великому,
6:12 См.: 🔗Иер. 23:5 🔗Зах. 3:8	и речеши къ нему: сице глаголетъ Господь Вседержитель: се, мужъ, востокъ имя ему, и подъ нимъ воз­сiяетъ, и созиждетъ храмъ Господень:
6:13 См.: 🔗Иер. 3:17 🔗Евр. 3:1 🔗Еф. 2:14	и той прiиметъ добродѣтель, и сядетъ и воз­обладаетъ на престолѣ сво­емъ, и будетъ иерей одесную его, и совѣтъ миренъ будетъ между обѣма,
6:14	а вѣнецъ будетъ терпящымъ и ключимымъ ему и разумѣв­шымъ его, и въ благодать сыну софонiину, и въ псаломъ во храмѣ Господни:
6:15 См.: 🔗Ис. 49:1 🔗Ис. 57:19 🔗Еф. 2:13	и издалеча от­ сихъ прiидутъ и созиждутъ во храмѣ Господни, и уразумѣете, яко Господь Вседержитель посла мя къ вамъ: и будетъ, аще слуша­ю­ще послушаете гласа Господа Бога ва­шего.