Вторая книга Царств (Вторая книга Самуила), глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗2Цар. 9:2 🔗2Цар. 19:17	И давидъ прейде мало что от­ Роса, и се, Сива отрокъ мемфивосѳеовъ въ срѣтенiе ему: и супругъ ослятъ осѣдланыхъ, и на нихъ двѣсти хлѣбовъ, и сто гроздiй, и сто финиковъ, и мѣхъ вина.
16:2	И рече царь къ Сивѣ: что сiя тебѣ? И рече Сива: ослята на яжденiе дому цареву, а хлѣбы и финики на снѣденiе отрокомъ, и вино пити ослабѣв­шымъ въ пустыни.
16:3 См.: 🔗2Цар. 19:26	И рече царь: и гдѣ сынъ господина тво­его? И рече Сива ко царю: се, сѣдитъ во Иерусалимѣ, яко рече: днесь воз­вратятъ ми весь домъ Израилевъ цар­ст­во отца мо­его.
16:4 См.: 🔗2Цар. 19:29	И рече царь къ Сивѣ: се, тебѣ вся елика суть мемфивосѳеова. И рече Сива поклонився: да обрящу благодать предъ очима тво­има, господи мой царю.
16:5 См.: 🔗2Цар. 3:16 🔗2Цар. 19:16 🔗3Цар. 2:8	И прiиде давидъ царь до ваѳирима, и се, от­туду мужъ исхожда­ше от­ рода дому Сауля, имя же ему семей сынъ Гирань: изыде же исходя и проклиная
16:6	и каменiемъ метая на давида и на вся отроки царя давида: и вси людiе и вси сильнiи одесную и ошуюю царя бяху.
16:7 См.: 🔗Пс. 5:7	И тако рече семей проклиная его: изыди, изыди, мужу кровей и мужу беззакон­ный:
16:8	воз­врати на тя Господь вся крови дому Сауля, понеже воцарил­ся еси вмѣсто его: и даде Господь цар­ст­во въ руцѣ Авессалома сына тво­его: и се, ты въ злобѣ тво­ей, яко мужъ кровей ты.
16:9 См.: 🔗2Цар. 19:21	И рече Авесса сынъ саруинъ ко царю: почто проклинаетъ песъ умершiй сей господина мо­его царя? нынѣ пойду, и от­иму главу его.
16:10 См.: 🔗Иов. 5:7	И рече царь ко Авессѣ: что мнѣ и вамъ, сынове саруины? оставите его, и тако да проклинаетъ, яко Господь рече ему проклинати давида: и кто речетъ: почто сотворилъ еси тако?
16:11 См.: 🔗2Цар. 19:16 🔗Исх. 22:28	И рече давидъ ко Авессѣ и ко всѣмъ отрокомъ сво­имъ: се, сынъ мой изшедый изъ чрева мо­его ищетъ души мо­ея, а кольми паче сынъ Иеминіевъ: оставите его проклинати мя, яко рече ему Господь:
16:12 См.: 🔗2Цар. 15:25	негли призритъ Господь на смиренiе мое, и воз­вратитъ ми благая вмѣсто клятвы его во днешнiй день.
16:13 См.: 🔗3Цар. 2:8	И идяше давидъ и вси мужiе его путемъ: а семей идяше со страны горы близъ его идый и проклиная, и каменiемъ меща со страны его, и перстiю сыпая.
16:14	И прiиде царь и вси людiе иже съ нимъ утруждени, и препочиша ту.
16:15	Авессаломъ же и вси мужiе Израилевы внидоша во Иерусалимъ, и Ахитофелъ съ нимъ.
16:16 См.: 🔗2Цар. 15:37	И бысть егда прiиде хусій первый другъ давидовъ ко Авессалому: и рече хусій ко Авессалому: да живетъ царь.
16:17	И рече Авессаломъ къ хусію: сiя ли милость твоя со другомъ тво­имъ? почто не от­шелъ еси со другомъ тво­имъ?
16:18	И рече хусій ко Авессалому: ни, но вслѣдъ [иду], егоже избра Господь и людiе сіи и вси мужiе Израилевы, того есмь, и съ тѣмъ буду:
16:19	и второе, кому азъ поработаю? не предъ сыномъ ли его? якоже работахъ предъ отцемъ тво­имъ, тако буду и предъ тобою.
16:20	И рече Авессаломъ ко Ахитофелу: дадите себѣ совѣтъ, что сотворимъ?
16:21 См.: 🔗2Цар. 15:16	И рече Ахитофелъ ко Авессалому: вниди къ подложницамъ отца тво­его, яже остави стрещи домъ свой, и услышатъ вси Израилтяне, яко посрамилъ еси отца тво­его, и воз­могутъ руки всѣхъ сущихъ съ тобою.
16:22 См.: 🔗2Цар. 12:11	И поставиша Авессалому шатеръ на палатѣ, и вниде Авессаломъ къ подложницамъ отца сво­его предъ очима всѣхъ Израилтянъ.
16:23 См.: 🔗2Цар. 15:31	И совѣтъ Ахитофелевъ, егоже совѣщава­ше во дни первыя, имже образомъ вопросилъ бы кто Бога о словеси, тако всякъ совѣтъ Ахитофелевъ, и иже давиду, и иже Авессалому.