Псалтирь, псалом 87

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 87
87:1 См.: 🔗1Пар. 25:5	Пѣснь псалма Сыномъ Кореовымъ, въ конецъ, о Маелеѳѣ еже от­вѣщати, разума Еману Израилтянину.
87:2	Господи Боже спасенiя мо­его, во дни воз­звахъ и въ нощи предъ Тобою:
87:3	да внидетъ предъ Тя молитва моя, при­­клони ухо Твое къ моленiю мо­ему.
87:4	Яко исполнися золъ душа моя, и животъ мой аду при­­ближися.
87:5 См.: 🔗Пс. 27:1 🔗Плч. 3:6	Привмѣненъ быхъ съ низходящими въ ровъ: быхъ яко человѣкъ безъ помощи,
87:6 См.: 🔗Иов. 10:21	въ мертвыхъ свободь: яко язвен­нiи спящiи во гробѣ, ихже не помянулъ еси ктому, и тіи от­ руки Тво­ея от­риновени быша.
87:7	Положиша мя въ ровѣ преисподнѣмъ, въ темныхъ и сѣни смертнѣй.
87:8	На мнѣ утвердися ярость Твоя, и вся волны Твоя навелъ еси на мя.
87:9 См.: 🔗Иов. 30:10 🔗Пс. 30:12 🔗Пс. 37:12	Удалилъ еси знаемыхъ мо­ихъ от­ мене: положиша мя мерзость себѣ: преданъ быхъ и не исхождахъ.
87:10	Очи мо­и изнемогостѣ от­ нищеты: воз­звахъ къ Тебѣ, Господи, весь день, воз­дѣхъ къ Тебѣ руцѣ мо­и.
87:11 См.: 🔗Пс. 6:6	Еда мертвыми твориши чудеса? Или врачеве воскресятъ, и исповѣдят­ся Тебѣ?
87:12	Еда повѣсть кто во гробѣ милость Твою, и истину Твою въ погибели?
87:13 См.: 🔗Иов. 10:21	Еда познана будутъ во тмѣ чудеса Твоя, и правда Твоя въ земли забвен­нѣй?
87:14	И азъ къ Тебѣ, Господи, воз­звахъ, и утро молитва моя предваритъ Тя.
87:15	Вскую, Господи, от­рѣеши душу мою? От­вращаеши лице Твое от­ мене?
87:16 См.: 🔗Иов. 19:7	Нищъ есмь азъ, и въ трудѣхъ от­ юности мо­ея: воз­несжеся смирихся и изнемогохъ.
87:17	На мнѣ преидоша гнѣви Тво­и, устрашенiя Твоя воз­мутиша мя:
87:18 См.: 🔗Пс. 21:13	обыдоша мя яко вода весь день, одержаша мя вкупѣ.
87:19	Удалилъ еси от­ мене друга и искрен­няго, и знаемыхъ мо­ихъ от­ страстей.