Книга Бытия, глава 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 17
17:1 См.: 🔗Быт. 12:7 🔗Быт. 24:40 🔗Быт. 48:15	Бысть же Авраму лѣтъ девятьдесятъ девять: и явися Господь Авраму и рече ему: Азъ есмь Богъ твой, благо­угождай предо Мною и буди непороченъ:
17:2 См.: 🔗Быт. 12:2	и положу завѣтъ Мой между Мною и между тобою: и умножу тя зѣло.
17:3	И паде Аврамъ на лицы сво­емъ, и рече ему Богъ, глаголя:
17:4 См.: 🔗Сир. 44:19 🔗Рим. 4:17	и Азъ се, завѣтъ Мой съ тобою, и будеши отецъ множе­ст­ва языковъ:
17:5 См.: 🔗Ис. 51:2	и не наречет­ся ктому имя твое Аврамъ, но будетъ имя твое Авраамъ: яко отца многихъ языковъ положихъ тя:
17:6 См.: 🔗Мф. 1:6	и воз­ращу тя зѣло зѣло, и положу тя въ народы, и царiе изъ тебе изыдутъ:
17:7 См.: 🔗Быт. 15:18 🔗4Цар. 13:23 🔗Лев. 26:12	и поставлю завѣтъ Мой между Мною и между тобою, и между сѣменемъ тво­имъ по тебѣ въ роды ихъ, въ завѣтъ вѣченъ, да буду тебѣ Богъ и сѣмени тво­ему по тебѣ:
17:8	и дамъ тебѣ и сѣмени тво­ему по тебѣ землю, въ нейже обитаеши, всю землю Ханааню во одержанiе вѣчное, и буду имъ Богъ.
17:9 См.: 🔗Деян. 7:8	И рече Богъ ко Аврааму: ты же завѣтъ Мой соблюдеши, ты и сѣмя твое по тебѣ въ роды ихъ.
17:10 См.: 🔗Лев. 12:3 🔗Лк. 2:21 🔗Ин. 7:22	И сей завѣтъ, егоже соблюдеши между Мною и вами, и между сѣменемъ тво­имъ по тебѣ въ роды ихъ: обрѣжет­ся от­ васъ всякъ мужескъ полъ,
17:11	и обрѣжете плоть крайнюю вашу, и будетъ въ знаменiе завѣта между Мною и вами.
17:12	И младенецъ осми дній обрѣжет­ся вамъ, всякъ мужескiй полъ въ родѣхъ вашихъ: и домочадецъ, и купленый от­ всякаго сына чуждаго, иже нѣсть от­ сѣмене тво­его: обрѣзанiемъ обрѣжет­ся домочадецъ дому тво­его и купленый.
17:13	И будетъ завѣтъ Мой на плоти ва­шей въ завѣтъ вѣченъ.
17:14	Необрѣзаный же мужескiй полъ, иже не обрѣжетъ плоти крайнiя сво­ея въ день осмый, погубит­ся душа та от­ рода сво­его: яко завѣтъ Мой разори.
17:15	И рече Богъ Аврааму: Сара жена твоя не наречет­ся имя ея Сара, но Сарра будетъ имя ей:
17:16 См.: 🔗Гал. 4:23 🔗Ис. 51:2 🔗Мф. 1:6	благословлю же ю и дамъ тебѣ от­ нея чадо: и благословлю е, и будетъ въ языки, и царiе языковъ изъ него будутъ.
17:17 См.: 🔗Быт. 18:12 🔗Лк. 1:18	И паде Авраамъ на лице свое, и посмѣяся, и рече въ мысли сво­ей, глаголя: еда столѣтному [мужу] родит­ся сынъ? Еда и Сарра девятидесяти лѣтъ [сущи] родитъ?
17:18	Рече же Авраамъ къ Богу: Исмаилъ сей да живетъ предъ Тобою.
17:19 См.: 🔗Быт. 18:10 🔗Быт. 21:1 🔗Лк. 1:55	Рече же Богъ ко Аврааму: во­истин­ну, се, Сарра жена твоя родитъ тебѣ сына, и наречеши имя ему Исаакъ: и поставлю завѣтъ Мой съ нимъ въ завѣтъ вѣченъ, да буду ему въ Бога и сѣмени его по немъ.
17:20 См.: 🔗Быт. 25:13	О Исмаилѣ же се послушахъ тебе: и се благословихъ его, и воз­ращу его, и умножу его зѣло: два­на­де­сять языки родитъ: и дамъ его въ языкъ велiй.
17:21 См.: 🔗Рим. 9:9	Завѣтъ же Мой поставлю со Исаакомъ, егоже родитъ тебѣ Сарра, во время сiе, въ лѣто второе.
17:22	Сконча же [Богъ] глаголя къ нему, и взыде Богъ от­ Авраама.
17:23	И поя Авраамъ Исмаила сына сво­его, и вся домочадцы своя и вся купленыя, и весь мужескъ полъ мужей, иже въ дому Авраамли, и обрѣза плоть крайнюю ихъ во время дне того, якоже глагола ему Богъ.
17:24	Авраамъ же девятидесяти девяти лѣтъ бяше, егда обрѣза плоть крайнюю свою.
17:25	Исмаилъ же сынъ его бяше лѣтъ трех­на­де­ся­ти, егда обрѣза плоть крайнюю свою.
17:26	Во время [же] дне онаго обрѣзася Авраамъ и Исмаилъ сынъ его,
17:27	и вси мужiе дому его, и домочадцы [его] и купленiи от­ инородныхъ языковъ, и обрѣза я.