Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 38 | |
38:1 | Преставшу же Елiусу от бесѣды, рече Господь Иову сквозѣ бурю и облаки: |
38:2 | кто сей скрываяй от мене совѣтъ, содержай же глаголы въ сердцы, мене же ли мнится утаити? |
38:3 См.: 🔗Иов. 40:2 | Препояши яко мужъ чресла твоя: вопрошу же тя, ты же ми отвѣщай. |
38:4 См.: 🔗Быт. 1:1 | Гдѣ былъ еси, егда основахъ землю? возвѣсти ми, аще вѣси разумъ. |
38:5 См.: 🔗Прит. 30:4 | Кто положи мѣры ея, аще вѣси? или кто наведый вервь на ню? |
38:6 См.: 🔗Иов. 26:7 | На чемже столпи ея утверждени суть? ктоже есть положивый камень краеуголный на ней? |
38:7 См.: 🔗Дан. 7:10 | Егда [сотворены] быша звѣзды, восхвалиша мя гласомъ велiимъ вси ангели мои. |
38:8 См.: 🔗Иов. 26:10 | Заградихъ же море враты, егда изливашеся изъ чрева матере своея исходящее: |
38:9 | положихъ же ему облакъ во одѣянiе, мглою же повихъ е: |
38:10 См.: 🔗Прит. 8:29 🔗Пс. 103:9 | и положихъ ему предѣлы, обложивъ затворы и врата: |
38:11 | рѣхъ же ему: до сего дойдеши и не прейдеши, но въ тебѣ сокрушатся волны твоя. |
38:12 | Или при тебѣ составихъ свѣтъ утреннiй, денница же вѣсть чинъ свой, |
38:13 | ятися крилъ земли, оттрясти нечестивыя от нея? |
38:14 | Или ты, бренiе вземъ, от земли создалъ еси животно, и глаголиваго сего посадилъ еси на земли? |
38:15 См.: 🔗Иов. 18:5 🔗Иез. 30:22 | Отялъ же ли еси от нечестивыхъ свѣтъ, мышцу же гордыхъ сокрушилъ ли еси? |
38:16 См.: 🔗Пс. 76:20 | Пришелъ же ли еси на источники моря, во слѣдахъ же бездны ходилъ ли еси? |
38:17 См.: 🔗Иов. 10:21 🔗Ис. 14:9 | Отверзаются же ли тебѣ страхомъ врата смертная, вратницы же адовы видѣвше тя убояшася ли? |
38:18 | Навыклъ же ли еси широты поднебесныя? Повѣждь убо ми, колика есть? |
38:19 | Въ коей же земли вселяется свѣтъ, тмѣ же кое есть мѣсто? |
38:20 | Аще убо введеши мя въ предѣлы ихъ, аще же ли и вѣси стези ихъ? |
38:21 См.: 🔗Пс. 38:5 | Вѣмъ убо, яко тогда рожденъ еси, число же лѣтъ твоихъ много. |
38:22 | Пришелъ же ли еси въ сокровища снѣжная, и сокровища градная видѣлъ ли еси? |
38:23 См.: 🔗Исх. 9:14 🔗Нав. 10:11 | подлежатъ же ли тебѣ въ часъ враговъ, въ день браней и рати? |
38:24 | Откуду же исходитъ слана, или разсыпается югъ на поднебесную? |
38:25 См.: 🔗Пс. 134:7 🔗Иер. 10:13 | Кто же уготова дождю велiю пролiянiе, и путь молнiи и грома, |
38:26 | одождити на землю, на нейже нѣсть мужа, пустыню, идѣже человѣка нѣсть въ ней, |
38:27 См.: 🔗Пс. 106:35 | насытити непроходиму и ненаселену, и прозябнути исходъ злака? |
38:28 | Кто есть дождю отецъ? кто же есть родивый капли росныя? |
38:29 | Изъ чiего чрева исходитъ ледъ? Слану же на небеси кто родилъ, |
38:30 | яже нисходитъ яко вода текущая? Лице нечестива кто устраши? |
38:31 См.: 🔗Иов. 9:9 🔗Ис. 13:10 | Разумѣлъ же ли еси соузъ плiадъ, и огражденiе орiоново отверзлъ ли еси? |
38:32 | Или отверзеши знаменiя небесная во время свое? и вечернюю звѣзду за власы ея привлечеши ли? |
38:33 См.: 🔗Иер. 31:35 | Вѣси же ли премѣненiя небесная, или бывающая вкупѣ подъ небесемъ? |
38:34 | Призовеши же ли облакъ гласомъ? и трепетомъ воды великiя послушаетъ ли тя? |
38:35 | Послеши же ли молнiи, и пойдутъ? рекутъ же ли ти: что есть? |
38:36 См.: 🔗Иов. 32:8 | Кто же далъ есть женамъ тканiя мудрость, или испещренiя хитрость? |
38:37 См.: 🔗Иов. 26:8 | Кто же изчисляяй облаки премудростiю, небо же на землю преклонилъ, |
38:38 | разлiяся же яко земля прахъ, спаяхъ же е, аки каменемъ, на четыри углы? |
38:39 См.: 🔗Пс. 103:21 | Уловиши же ли львамъ ядь, и душы змиевъ насытиши ли? |
38:40 | убояшася бо на ложахъ своихъ и сѣдятъ въ дебрехъ уловляюще. |
38:41 См.: 🔗Пс. 146:9 | Кто же врану уготова пищу? птичищи бо его ко Господу воззваша, облетающе брашна ищуще. |