Первая книга Паралипоменон (Первая книга Хроник, Первая Летопись), глава 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 17
17:1 См.: 🔗2Цар. 7:2	И бысть егда обита­ше давидъ въ дому сво­емъ, и рече давидъ къ наѳану пророку: се, азъ живу въ дому кедровѣ, кивотъ же завѣта Господня подъ кожами.
17:2 См.: 🔗2Цар. 7:3	И рече наѳанъ къ давиду: все еже въ сердцы тво­емъ твори, яко Богъ съ тобою есть.
17:3 См.: 🔗2Цар. 7:4	И бысть нощи тоя, и бысть слово Господне къ наѳану, глаголя:
17:4 См.: 🔗3Цар. 8:19	иди и рцы давиду рабу мо­ему: сiя рече Господь: не созиждеши ты мнѣ дому, еже обитати ми въ немъ:
17:5 См.: 🔗Исх. 7:5	яко не обитахъ въ дому от­ дне, въ оньже изведохъ Израиля [от­ земли Египетскiя], даже до дне сего, но быхъ въ скинiи и въ шатрѣ:
17:6	во всѣхъ аможе ходихъ со всѣмъ Израилемъ, аще глаголя глаголахъ ко­ему колѣну Израилеву, имже повелѣхъ да пасутъ люди моя, глаголя: чесо ради не создасте мнѣ дому кедрова?
17:7 См.: 🔗1Цар. 16:12	и нынѣ тако рцы рабу мо­ему давиду: сiя рече Господь Вседержитель: азъ изъяхъ тя от­ па­ст­вы, егда послѣдовалъ еси стаду, еже быти тебѣ вождемъ надъ людьми мо­ими Израилемъ,
17:8	и быхъ съ тобою во всѣхъ, идѣже ходилъ еси, и потребихъ вся враги твоя от­ лица тво­его, и сотворихъ тебѣ имя якоже имя великихъ, иже на земли:
17:9 См.: 🔗2Цар. 7:10	и дахъ мѣсто людемъ мо­имъ Израилю, и насадихъ я, и обитаютъ въ немъ, и не воз­скорбятъ ктому: ни сынове беззаконiя при­­ложатъ смирити ихъ якоже от­ начала
17:10 См.: 🔗Пс. 17:48	и от­ дній, въ няже дахъ судiи людемъ мо­имъ Израилю, и смирихъ вся враги твоя, и воз­ращу тя, и домъ созиждетъ ти Господь:
17:11 См.: 🔗2Цар. 7:12 🔗Гал. 3:16 🔗Мф. 1:1	и будетъ егда исполнят­ся дніе тво­и и почіеши со отцы тво­ими, и воз­двигну сѣмя твое по тебѣ, еже будетъ от­ чрева тво­его, и воз­ставлю цар­ст­во его:
17:12	той созиждетъ мнѣ домъ, и укрѣплю престолъ его даже до вѣка:
17:13 См.: 🔗2Цар. 7:14	азъ буду ему во отца, и той будетъ мнѣ въ сына: и милость мою не от­иму от­ него, якоже отъ­яхъ от­ быв­шихъ прежде тебе:
17:14 См.: 🔗1Тим. 3:15 🔗Ис. 55:3 🔗Лк. 1:32	и увѣрю его въ дому мо­емъ и во цар­ст­вiи его даже до вѣка, и престолъ его будетъ исправленъ до вѣка.
17:15 См.: 🔗2Цар. 7:17	По всѣмъ словесемъ симъ и по всему видѣнiю сему тако глаголалъ есть наѳанъ къ давиду.
17:16 См.: 🔗2Цар. 7:18	И прiиде царь давидъ, и сѣде предъ Господемъ, и рече: кто есмь азъ, Господи Боже мой? и что домъ мой, яко воз­любилъ мя еси до вѣка?
17:17 См.: 🔗2Цар. 7:19	и сiя мала суть предъ тобою, Боже, и глаголалъ еси на домъ раба тво­его [еще] издалеча, и при­­зрѣлъ еси на мя яко видѣнiе человѣка, и воз­высилъ мя еси, Господи Боже:
17:18 См.: 🔗Пс. 138:1	что при­­ложитъ еще давидъ къ тебѣ еже прославити? и ты раба тво­его вѣси:
17:19	Господи, раба тво­его ради сотворилъ еси все величiе сiе и по сердцу тво­ему, еже знаема сотворити вся величiя твоя:
17:20 См.: 🔗2Цар. 7:22	Господи, нѣсть подобенъ тебѣ, и нѣсть Бога развѣ тебе, по всѣмъ елика слышахомъ ушима нашима,
17:21 См.: 🔗Втор. 4:7	и нѣсть, якоже людiе тво­и Израиль, языкъ еще на земли, яко пойде Богъ избавити люди себѣ, еже положити имя себѣ велiе и славное, еже изгнати от­ лица людій тво­ихъ, ихже избавилъ еси от­ Египта, языки:
17:22	и далъ еси люди твоя Израиля тебѣ въ люди даже до вѣка, и ты, Господи, былъ еси имъ въ Бога:
17:23 См.: 🔗2Цар. 7:25	и нынѣ, Господи, слово твое, еже глаголалъ еси рабу тво­ему и на домъ его, да увѣрит­ся до вѣка: и сотвори якоже глаголалъ еси,
17:24	и да увѣрит­ся и воз­величит­ся имя твое даже до вѣка, глаголющихъ: Господи, Господи Вседержителю, Боже Израилевъ, и домъ давида раба тво­его да будетъ исправленъ предъ тобою:
17:25 См.: 🔗2Цар. 7:27	ты бо, Господи Боже мой, от­верзлъ еси ухо раба тво­его создати ему домъ, сего ради обрѣте рабъ твой [дерзновенiе] молитися предъ лицемъ тво­имъ:
17:26	и нынѣ, Господи, ты еси самъ Богъ, и глаголалъ еси къ рабу тво­ему благая сiя:
17:27 См.: 🔗2Цар. 7:29	и нынѣ начни благословити домъ раба тво­его, да будетъ во вѣки предъ тобою: яко ты, Господи, благословилъ еси, и благослови во вѣки.