Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 | Господи Вседержителю, Боже Израилевъ, душа въ тѣснотѣ и духъ въ стуженiи возопи къ тебѣ: |
3:2 | услыши, Господи, и помилуй, яко еси Богъ милосердъ, и помилуй насъ, яко согрѣшихомъ предъ тобою: |
3:3 См.: 🔗Пс. 91:9 🔗Пс. 101:27 | яко ты пребываяй во вѣкъ, мы же погибающiи во вѣкъ. |
3:4 См.: 🔗Пс. 9:14 🔗Иез. 14:13 | Господи Вседержителю, Боже Израилевъ, услыши молитву умершихъ Израилевыхъ и сыновъ согрѣшившихъ предъ тобою, иже не послушаша гласа Господа Бога своего, и прильпоша намъ злая. |
3:5 | Не помяни неправдъ отецъ нашихъ, но помяни руку твою и имя твое въ сiе время, |
3:6 | яко ты Господь Богъ нашъ, и похвалимъ тя, Господи: |
3:7 | яко того ради далъ еси страхъ твой въ сердце наше, еже призывати имя твое, и похвалимъ тя во преселенiи нашемъ, яко отвратихомъ от сердца нашего всю неправду отецъ нашихъ согрѣшившихъ предъ тобою. |
3:8 См.: 🔗Втор. 28:37 | Се, мы днесь во преселенiи нашемъ, аможе ны разсыпалъ еси на укоризну и на клятву и на удержанiе, по всѣмъ неправдамъ отецъ нашихъ, иже отступиша от тебе, Господи Боже нашъ. |
3:9 | Слыши, Израилю, заповѣди живота, внуши разумѣти смышленiе. |
3:10 | Что есть, Израилю? что яко еси на земли вражiи? обетшалъ еси на земли чуждей, осквернился еси съ мертвыми, |
3:11 | вмѣнился еси съ сущими во адѣ, |
3:12 См.: 🔗Иер. 2:13 | оставилъ еси источника премудрости. |
3:13 См.: 🔗Пс. 80:14 | Аще бы путемъ Божiимъ ходилъ еси, жилъ бы въ мирѣ во время вѣчное. |
3:14 | Научися, гдѣ есть смышленiе, гдѣ есть крѣпость, гдѣ есть мудрость? еже разумѣти купно, гдѣ есть долгожитiе и жизнь, гдѣ есть свѣтъ очесъ и миръ? |
3:15 | Кто обрѣте мѣсто ея, и кто вниде въ сокровища ея? |
3:16 См.: 🔗Иер. 28:14 | Гдѣ суть князи язычестiи и владѣющiи звѣрьми сущими на земли, играющiи птицами небесными |
3:17 | и хранящiи злато и сребро, на неже уповаша человѣцы, и нѣсть конца стяжанiю ихъ? |
3:18 См.: 🔗Мф. 6:25 | яко дѣлающiи сребро и пекущiися, и нѣсть изобрѣтенiя дѣлъ ихъ. |
3:19 | Погибоша и во адъ снидоша, и иніи вмѣсто ихъ восташа. |
3:20 См.: 🔗Рим. 1:21 🔗Прем. 13:1 | Юнѣйшiи видѣша свѣтъ и вселишася на земли, пути же хитрости не увѣдѣша, |
3:21 | ни разумѣша стезь ея, ниже прiяша ея сынове ихъ, от пути своего далече быша. |
3:22 | И не слышася въ Ханаанѣ, ниже явися во Ѳеманѣ: |
3:23 См.: 🔗Сир. 15:7 🔗1Кор. 1:20 | сынове агарини взыскующiи разума, иже на земли, купцы Мерани и Ѳемани, и баснословцы и взыскателiе разума, пути премудрости не увѣдѣша, ниже помянуша стезь ея. |
3:24 | О, Израилю, коль великъ домъ Божiй и пространно мѣсто селенiя его! |
3:25 | Велико и не имать конца, высоко и безмѣрно. |
3:26 См.: 🔗Быт. 6:4 | Тамо быша исполини именитiи, бывшiи исперва зѣло велицы, умѣюще воевати. |
3:27 См.: 🔗1Кор. 1:27 | Не сихъ избра Богъ, ни пути хитростнаго даде имъ, |
3:28 | и погибоша, занеже не имѣша мудрости, погибоша за безсовѣтiе свое. |
3:29 См.: 🔗Втор. 30:12 | Кто взыде на небо, и взя ю, и снесе ю от облакъ? |
3:30 | Кто прейде на ону страну моря, и обрѣте ю, и возметъ ю за злато избранно? |
3:31 См.: 🔗1Кор. 2:7 | Нѣсть вѣдущаго путь ея, ни помышляющаго стезь ея: |
3:32 См.: 🔗Быт. 1:24 | но вѣдый вся вѣсть ю, изобрѣте ю смысломъ своимъ: сотворивый землю въ вѣчное время наполни ю скотомъ двоножнымъ и четвероножнымъ. |
3:33 | Посылаяй свѣтъ, и идетъ: призва его, и послуша его со трепетомъ. |
3:34 | Звѣзды же возсiяша во хранилищихъ своихъ и возвеселишася. |
3:35 | Призва я, и рекоша: прiидохомъ: возсiяша съ веселiемъ сотворшему я. |
3:36 См.: 🔗Исх. 15:11 | Сей Богъ нашъ, не вмѣнится инъ къ нему. |
3:37 См.: 🔗Ис. 28:26 | Изобрѣте всякъ путь хитрости и даде ю Иакову отроку своему и Израилю возлюбленному от него. |
3:38 | Посемъ на земли явися и съ человѣки поживе. |