Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 28 | |
28:1 См.: 🔗1Цар. 29:1 | И бысть во дни оны, и собрашася иноплеменницы въ полки своя изыти братися со Израилтяны. И рече агхусъ къ давиду: разумѣя разумѣй, яко со мною изыдеши на брань ты и мужiе твои. |
28:2 | И рече давидъ ко агхусу: тако нынѣ уразумѣеши, яже сотворитъ рабъ твой. И рече агхусъ къ давиду: тѣмже началника хранителей тѣлу [моему] поставлю тя во вся дни. |
28:3 | И самуилъ умре, и рыдаше по немъ весь Израиль, и погребоша его во Армаѳемѣ во градѣ его: и Саулъ изби чревобасники и волхвы земли своея. |
28:4 См.: 🔗Нав. 19:18 🔗1Цар. 31:1 | И собрашася иноплеменницы и прiидоша и ополчишася въ сонамѣ: и собра Саулъ вся мужы Израилевы, и ополчишася въ гелвуе. |
28:5 | И видѣ Саулъ полки иноплеменничи, и убояся, и ужасеся сердце его зѣло. |
28:6 См.: 🔗1Цар. 28:15 🔗Иез. 14:3 | И вопроси Саулъ Господа, и не отвѣща ему Господь ни во снѣ, ни во явленiихъ, ни во пророцѣхъ. |
28:7 См.: 🔗Лев. 20:27 🔗Втор. 18:11 | И рече Саулъ отрокомъ своимъ: поищите ми жены волшебницы, и пойду къ ней, и вопрошу ея. И рѣша отроцы его къ нему: се, жена волшебница во аендорѣ. |
28:8 См.: 🔗1Пар. 10:13 | И прикрыся Саулъ и облечеся въ ризы ины, и иде самъ и два мужа съ нимъ, и прiиде нощiю къ женѣ и рече ей: поволхвуй ми чревоволшебствомъ, и возведи ми, егоже реку ти. |
28:9 | И рече ему жена: се, нынѣ ты самъ вѣси, елика сотвори Саулъ, како истреби чревобасники и волхвы от земли, и вскую ты ловиши душу мою, еже умертвити ю? |
28:10 | И клятся ей Саулъ, глаголя: живъ Господь, аще срящетъ тя неправда о словеси семъ. |
28:11 См.: 🔗Ис. 8:19 | И рече жена Саулу: кого возведу ти? И рече Саулъ: самуила возведи ми. |
28:12 | И видѣ жена самуила, и возгласи гласомъ велiимъ, и рече жена къ Саулу: почто мя прельстилъ еси? и ты еси Саулъ. |
28:13 | И рече ей царь: не бойся, рцы кого видѣла еси? И рече ему жена: боги видѣхъ восходящыя от земли. |
28:14 | И рече ей: что познала еси? И рече ему [жена]: [видѣхъ] мужа стара восходяща от земли, и сей оболченъ одѣянiемъ долгимъ. И уразумѣ Саулъ, яко сей самуилъ [есть], и преклони лице свое на землю и поклонися ему. |
28:15 См.: 🔗1Пар. 10:13 | И рече ему самуилъ: почто понудилъ еси мя взыти ми? И рече Саулъ: скорблю зѣло, яко иноплеменницы воюютъ на мя, и Богъ отступи от мене, и не услыша мене ктому ни въ рукахъ пророческихъ, ни во снѣхъ, ни во явленiихъ: и нынѣ призвахъ тя, да скажеши ми, что сотворю. |
28:16 | И рече самуилъ: почто вопрошаеши мя, а Господь отступи от тебе и бысть со ближнимъ твоимъ? |
28:17 См.: 🔗1Цар. 15:28 | и сотвори Господь тебѣ, якоже глагола Господь рукою моею, и исторгнетъ Господь царство твое изъ руку твоею и вдастъ е ближнему твоему давиду, |
28:18 См.: 🔗1Цар. 13:13 🔗1Цар. 15:19 | понеже не послушалъ еси гласа Господня и не исполнилъ еси гнѣва ярости его на Амаликѣ, глагола ради того сотвори тебѣ Господь въ день сей: |
28:19 См.: 🔗Сир. 46:23 | и предастъ Господь Израиля съ тобою въ руки иноплеменничи, и заутра ты и сынове твои падутъ съ тобою, и полкъ Израилевъ предастъ Господь въ руки иноплеменничи. |
28:20 | И потщася Саулъ, и паде стоящь на землю, и убояся зѣло от словесъ самуиловыхъ, и не бысть ктому крѣпости въ немъ: яко не яде хлѣба во весь день той и во всю нощь ту. |
28:21 | И вниде жена къ Саулу, и видѣ его, яко смятеся зѣло, и рече къ нему: се, нынѣ послуша раба твоя гласа твоего, и положихъ душу мою въ руцѣ мои, и послушахъ словесъ, яже ми глаголалъ еси: |
28:22 | и нынѣ послушай гласа рабы твоея, и положу предъ тобою укрухъ хлѣба, и яждь, и будетъ въ тебѣ крѣпость, яко идеши въ путь. |
28:23 | И не хотяше ясти: и понудиша его отроцы его и жена, и послуша гласа ихъ, и воста от земли, и сѣде на сѣдалищи. |
28:24 | Женѣ же бяше юница питомая въ дому: и потщася, и закла ю: и взя муку и смѣси, и испече опрѣсноки, |
28:25 | и принесе предъ Саула и предъ отроки его: и ядоша, и восташа и отидоша въ нощь ону. |