Книга пророка Захарии, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Зах. 1:14	сице глаголетъ Господь Вседержитель: ревновахъ по Иерусалимѣ и Сiонѣ рвенiемъ великимъ и яростiю велiею ревновахъ по немъ.
8:2 См.: 🔗Зах. 1:17 🔗Ис. 11:9 🔗Иер. 31:23	Тако глаголетъ Господь: обращуся къ Сiону и вселюся посредѣ Иерусалима, и наречет­ся Иерусалимъ градъ истин­ный, и гора Господа Вседержителя гора святая.
8:3 См.: 🔗Ис. 65:20	Сице глаголетъ Господь Вседержитель: еще сядутъ старцы и старицы на путехъ Иерусалимскихъ, кійждо жезлъ свой имый въ руцѣ сво­ей от­ множе­ст­ва дній:
8:4	и путiе града исполнят­ся отрочищъ и отроковицъ играющихъ на путехъ его.
8:5 См.: 🔗Мф. 19:26	Сице глаголетъ Господь Вседержитель: аще изнеможетъ предъ останкомъ людій сихъ во онѣхъ днехъ, еда и предо мною изнеможетъ? глаголетъ Господь Вседержитель.
8:6 См.: 🔗Ис. 27:13 🔗Иер. 30:18	Сице глаголетъ Господь Вседержитель: се, азъ спасу люди моя от­ земли восточныя и от­ земли западныя
8:7 См.: 🔗Ис. 51:16 🔗Отк. 21:7	и введу ихъ [въ землю ихъ], и вселюся посредѣ Иерусалима, и будутъ ми въ люди, и азъ буду имъ въ Бога во истинѣ и въ правдѣ.
8:8 См.: 🔗1Езд. 5:2 🔗Ис. 35:5	Сице глаголетъ Господь Вседержитель: да укрѣпят­ся руцѣ васъ слышащихъ во днехъ сихъ словеса сiя от­ устъ пророческихъ, от­ негоже дне основася храмъ Господа Вседержителя, и церковь от­нелѣже создася.
8:9 См.: 🔗Аг. 1:6	Зане прежде дній онѣхъ мзда человѣкомъ не бѣ во успѣхъ, и мзда скотомъ не бяше, и исходящему и входящему не бѣ мира от­ печали, и послю вся человѣки ко­егождо на искрен­няго сво­его.
8:10	И нынѣ не по днемъ онѣмъ прежнимъ азъ сотворю останку людій сихъ, глаголетъ Господь Вседержитель,
8:11 См.: 🔗Ис. 55:13 🔗Ам. 9:13 🔗Лев. 26:4	но покажу миръ: виноградъ дастъ плодъ свой, и земля дастъ жита своя, и небо дастъ росу свою, и наслѣдити сотворю останкомъ людій мо­ихъ сихъ вся сiя.
8:12 См.: 🔗Аг. 2:20	И будетъ, яко бѣсте въ клятвѣ во языцѣхъ, доме Иудовъ и доме Израилевъ, тако спасу вы, и будете въ благословенiи: дерзайте и укрѣпляйтеся руками вашими.
8:13	Зане сице глаголетъ Господь Вседержитель: якоже помыслихъ озлобити вы, внегда прогнѣваша мя отцы ваши, глаголетъ Господь Вседержитель, и не раскаяхся:
8:14 См.: 🔗Ос. 6:4 🔗Ис. 54:4	тако уставихъ и умыслихъ во дни сiя добро сотворити Иерусалиму и дому Иудову: дерзайте.
8:15 См.: 🔗Зах. 7:9 🔗Еф. 4:25	Сiя словеса, яже сотворите: глаголите истину кійждо искрен­нему сво­ему, истину и судъ миренъ судите во вратѣхъ вашихъ,
8:16 См.: 🔗Зах. 7:10	и кійждо злобы искрен­няго сво­его не помышляйте въ сердцахъ вашихъ, и клятвы лживыя не любите, зане вся сiя воз­ненавидѣхъ, глаголетъ Господь Вседержитель.
8:17	И бысть слово Господа Вседержителя ко мнѣ глаголя:
8:18 См.: 🔗Зах. 7:5	сице глаголетъ Господь Вседержитель: постъ четвертый и постъ пятый, и постъ седмый и постъ десятый будутъ дому Иудову въ радость и въ веселiе и въ праздники благи: и воз­веселитеся и истину и миръ воз­любите.
8:19	Сице глаголетъ Господь Вседержитель: еще людiе мнози прiидутъ и живущiи во градѣхъ многихъ:
8:20 См.: 🔗Ис. 2:3 🔗Мих. 4:2	и снидут­ся живущiи во пяти градѣхъ во единъ градъ, глаголюще: грядимъ помолитися лицу Господню и взыскати лице Господа Вседержителя: иду и азъ.
8:21 См.: 🔗Ис. 51:3 🔗Ис. 52:15 🔗Ис. 66:20	И прiидутъ людiе мнози и языцы мнози взыскати лица Господа Вседержителя во Иерусалимѣ и умолити лице Господне.
8:22 См.: 🔗Зах. 9:7 🔗Деян. 2:5	Сице глаголетъ Господь Вседержитель: во оны дни имет­ся десять мужей от­ всѣхъ племенъ языческихъ, и имут­ся за ризу мужа Иудеанина, глаголюще: пойдемъ съ тобою, зане слышахомъ, яко Богъ съ вами есть.