Вторая книга Паралипоменон (Вторая книга Хроник, Вторая Летопись), глава 25

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 25
25:1 См.: 🔗4Цар. 14:2	Двадесяти пяти лѣтъ бысть Амасіа, егда цар­ст­вовати нача, и двадесять девять лѣтъ цар­ст­вова во Иерусалимѣ. Имя же матери его Иоадаень от­ Иерусалима.
25:2 См.: 🔗4Цар. 14:3 🔗2Пар. 26:4	И сотвори правое предъ Господемъ, обаче не сердцемъ совершен­нымъ.
25:3 См.: 🔗4Цар. 14:5 🔗2Пар. 24:25	И бысть егда утвердися цар­ст­во въ руцѣ его, и умертви рабы своя иже убиша царя отца его.
25:4 См.: 🔗Втор. 24:16 🔗4Цар. 14:6 🔗Иез. 18:20	Сыновъ же ихъ не изби по заповѣдемъ закона Господня, якоже писано есть въ книзѣ закона Моисеова, якоже повелѣ Господь, глаголя: не умрутъ отцы за сыны, и сынове не умрутъ за отцы, но кійждо во грѣсѣ сво­емъ умретъ.
25:5 См.: 🔗Чис. 1:3	И собра Амасіа домъ Иудинъ, и постави ихъ по домомъ отече­ст­въ ихъ въ тысящники и сотники, во всей Иудеи и Венiаминѣ: и сочте ихъ от­ двадесяти лѣтъ и вышше, и обрѣте ихъ триста тысящъ сильныхъ исходити на брань, держащихъ копiя и щиты.
25:6	Еще же ная от­ Израиля сто тысящъ храбрыхъ въ силѣ, за сто талантъ сребра.
25:7	И прiиде человѣкъ Божiй къ нему, глаголя: О, царю да не изыдетъ съ тобою сила Израилева, нѣсть бо Господь со Израилемъ, со всѣми сыны Ефремли:
25:8 См.: 🔗2Пар. 20:15 🔗Пс. 32:17 🔗Пс. 61:7	яко аще мниши укрѣпитися съ ними, въ бѣг­ст­во обратитъ тя Господь предъ враги, зане от­ Господа есть укрѣпитися и въ бѣг­ст­во обратитися.
25:9	Рече же Амасіа къ человѣку Божiю: и что сотворю о стѣ талантахъ, яже дахъ силѣ Израилевѣ? И рече человѣкъ Божiй: имать Господь дати тебѣ множае сихъ.
25:10	И от­лучи Амасіа силу при­­шедшую къ нему от­ Ефрема, от­ити на мѣсто свое. И разгнѣвашася зѣло на Иуду, и воз­вратишася во страну свою во гнѣвѣ ярости.
25:11 См.: 🔗4Цар. 14:7	И Амасіа укрѣпися, и взя люди своя и иде во удоль сланую, и порази тамо сыновъ Сииръ десять тысящъ.
25:12	И десять тысящъ живыхъ яша сынове Иудины, и при­­ведоша ихъ на верхъ нѣкоторыя стремнины, и свергоша ихъ стремглавъ съ высоты стремнины, и вси разсѣдошася.
25:13	Сынове же силы, ихже от­сла Амасіа, да не идутъ съ нимъ на брань, нападоша на грады Иудины от­ самаріи даже до веѳорона: и убиша от­ нихъ три тысящы, и плѣниша плѣнъ многъ.
25:14	И бысть егда воз­вратися Амасіа поразивъ Идумею, и при­­несе себѣ боговъ сыновъ Сииръ, и постави въ боги себѣ, и покланяшеся имъ и самъ кадяше имъ.
25:15 См.: 🔗Втор. 32:37 🔗Суд. 10:14	И бысть гнѣвъ Господень на Амасію, и посла къ нему пророка, и рече ему: почто взыскалъ еси боговъ людскихъ, иже не избавиша людій сво­ихъ от­ руку твоею?
25:16	И бысть егда той глаголаше къ нему, и от­вѣща ему: еда совѣтника царева поставихъ тя? внемли, да не бiенъ будеши. И умолча пророкъ и рече: вѣмъ, яко восхотѣ Господь потребити тя, занеже сотворилъ еси сiе зло] и не послушалъ еси совѣта мо­его.
25:17 См.: 🔗4Цар. 13:12 🔗4Цар. 14:8	И совѣща Амасіа царь Иудинъ, и посла ко Иоасу сыну Иоахаза сына ииуева, ко царю Израилеву, глаголя: прiиди, да увидимся между собою въ лице.
25:18 См.: 🔗3Езд. 4:13	И посла Иоасъ царь Израилевъ ко Амасіи царю Иудину, глаголя: тернъ, иже въ Ливанѣ, посла ко кедру Ливанску, глаголя: даждь дщерь твою сыну мо­ему въ жену, и се, прiидутъ звѣрiе, иже въ дубравѣ Ливанстѣй: и прiидоша звѣрiе и потопташа тернъ:
25:19	реклъ еси: се, поразихъ Идумею, и воз­двизает­ся сердце твое въ гордыню: нынѣ сѣди въ дому тво­емъ, и почто совѣщаваеши себѣ лукаво­е? падеши ты и Иуда съ тобою.
25:20 См.: 🔗4Цар. 14:11 🔗2Пар. 22:7	И не послуша Амасіа, зане от­ Господа бысть, да предаст­ся въ руки Иоасу, яко взыска боговъ Идумейскихъ.
25:21	И взыде Иоасъ царь Израилевъ, и явистася другъ другу, той и Амасіа царь Иудинъ, въ веѳсамисѣ, иже есть Иудинъ.
25:22 См.: 🔗4Цар. 14:12	И паде Иуда предъ лицемъ Израилевымъ, и бѣжа кійждо въ жилище свое.
25:23 См.: 🔗4Цар. 14:13	И Амасію царя Иудина сына Иоасова, сына Охозіина, ятъ Иоасъ царь Израилевъ въ веѳсамисѣ, и введе его во Иерусалимъ, и разори стѣны Иерусалимли от­ вратъ Ефремлихъ даже до вратъ угла на четыреста лакотъ:
25:24 См.: 🔗4Цар. 14:14 🔗1Пар. 26:15	и все злато и сребро, и вся сосуды обрѣтшыяся въ дому Господни и у Авдедома, и сокровища дому царева, и сыновъ залога, и воз­врати въ самарію.
25:25 См.: 🔗4Цар. 14:17	И поживе Амасіа сынъ Иоасовъ, царь Иудинъ, по умертвiи Иоаса сына Иоахазова царя Израилева пять­на­де­сять лѣтъ.
25:26 См.: 🔗4Цар. 14:1	Прочая же словеса Амасіина первая и послѣдняя, не се ли, писана суть въ книзѣ царей Иудиныхъ и Израилевыхъ?
25:27 См.: 🔗3Цар. 15:27 🔗4Цар. 14:19	И во время егда Амасіа от­ступи от­ Господа, и нападоша на него нападенiемъ, и побѣже изъ Иерусалима въ лахисъ. И послаша вслѣдъ его въ лахисъ, и убиша его ту.
25:28	И взяша его на конехъ и погребоша его со отцы его во градѣ давидовѣ.