Послание апостола Павла к Римлянам, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Прем. 6:3 🔗Дан. 2:21 🔗1Пет. 2:13 🔗Тит. 3:1	[Зач. 111.] Всяка душа властемъ предержащымъ да повинует­ся: нѣсть бо власть аще не от­ Бога, сущыя же власти от­ Бога учинены суть.
13:2	Тѣмже противляяйся власти, Божiю повелѣнiю противляет­ся: противляющiися же себѣ грѣхъ прiемлютъ.
13:3 См.: 🔗1Пет. 2:14 🔗1Пет. 3:13	Князи бо не суть боязнь добрымъ дѣломъ, но злымъ. Хощеши же ли не боятися власти? Благое твори, и имѣти будеши похвалу от­ него:
13:4	Божiй бо слуга есть, тебѣ во благое. Аще ли злое твориши, бойся, не бо безъ ума {всуе} мечь носитъ: Божiй бо слуга есть, от­мститель въ гнѣвъ злое творящему.
13:5	Тѣмже потреба повиноватися не токмо за гнѣвъ, но и за совѣсть.
13:6	Сего бо ради и дани даете: служители бо Божiи суть, во истое сiе пребывающе.
13:7 См.: 🔗Мф. 22:21 🔗Мк. 12:17 🔗Лк. 20:25	Воздадите убо всѣмъ должная: емуже убо урокъ, урокъ: [а] емуже дань, дань: [а] емуже страхъ, страхъ: [и] емуже честь, честь.
13:8 См.: 🔗Кол. 3:14 🔗1Тим. 1:5	Ни единому же ничимже должни бывайте, точiю еже любити другъ друга: любяй бо друга, законъ исполни.
13:9 См.: 🔗Лев. 19:18 🔗Исх. 20:14 🔗Втор. 5:18 🔗Мф. 22:39 🔗Мк. 12:31 🔗Лк. 10:27 🔗Иак. 2:8 🔗Гал. 5:14	Еже бо: не прелюбы сотвориши, не убiеши, не украдеши, не лжесвидѣтел­ст­вуеши, не похощеши, и аще кая ина заповѣдь, въ семъ словеси совершает­ся, во еже: воз­любиши искрен­няго тво­его, якоже самъ себе.
13:10	Любы искрен­нему зла не творитъ: исполненiе убо закона любы есть.
13:11 См.: 🔗Еф. 5:14	И сiе, вѣдяще время, яко часъ уже намъ от­ сна востати. [Зач. 112.] Нынѣ бо ближайшее намъ спасенiе, нежели егда вѣровахомъ.
13:12 См.: 🔗Деян. 17:30 🔗2Кор. 4:6 🔗Еф. 5:11	Нощь [убо] прейде, а день при­­ближися: от­ложимъ убо дѣла темная, и облечемся во оружiе свѣта.
13:13 См.: 🔗Лк. 21:34	Яко во дни, благообразно да ходимъ, не козлогласованiи и пiян­ствы, не любо­дѣянiи и студодѣянiи, не рвенiемъ и завистiю:
13:14 См.: 🔗1Пет. 2:11 🔗Гал. 5:16	но облецытеся Господемъ нашимъ Иисусъ Христомъ, и плоти угодiя не творите въ похоти.