Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 20 | |
20:1 См.: 🔗Иов. 11:1 | Отвѣщавъ же Софаръ Минейскiй, рече: |
20:2 | не тако мнѣхъ сiя тебѣ рещи противу, и не разумѣете паче нежели и азъ. |
20:3 | Наказанiе срамленiя моего услышу, и духъ от разума отвѣщаваетъ ми. |
20:4 | Еда сихъ не уразумѣлъ еси от вѣка, отнелѣже положенъ человѣкъ бысть на земли? |
20:5 См.: 🔗Евр. 11:25 | веселiе бо нечестивыхъ паденiе страшно, обрадованiе же беззаконныхъ пагуба. |
20:6 | Аще взыдутъ на небо дары его, жертва же его облаковъ коснется: |
20:7 См.: 🔗1Фес. 5:3 🔗Пс. 36:36 | егда бо мнится уже утвержденъ быти, тогда въ конецъ погибнетъ. видѣвшiи же его рекутъ: гдѣ есть? |
20:8 См.: 🔗Пс. 72:19 🔗Ис. 29:7 | Якоже сонъ отлетѣвый не обрящется, отлетѣ же аки мечтанiе нощное. |
20:9 См.: 🔗Пс. 36:10 🔗Пс. 102:16 | Око призрѣ, и не приложитъ, и ктому не познаетъ его мѣсто его. |
20:10 См.: 🔗Иов. 21:19 🔗Иов. 27:14 | Сыновъ его да погубятъ меншiи, и руцѣ его возжгутъ болѣзни. |
20:11 | Кости его наполнишася грѣховъ юности его и съ нимъ на персти уснутъ. |
20:12 См.: 🔗Пс. 54:22 | Аще усладится во устѣхъ его злоба, скрыетъ ю подъ языкомъ своимъ: |
20:13 | не пощадитъ ея, и не оставитъ ея, и соберетъ ю посредѣ гортани своего, |
20:14 | и не возможетъ помощи себѣ: желчь аспидовъ во чревѣ его. |
20:15 | Богатство неправедно собираемо изблюется, изъ храмины его извлечетъ его ангелъ. |
20:16 | Ярость же змiеву да ссетъ, да убiетъ же его языкъ змiинъ. |
20:17 | Да не узритъ отдоенiя скотовъ, ниже прибытка меда и масла кравiя. |
20:18 См.: 🔗Иер. 12:13 | Вотще и всуе трудися, богатство, от негоже не вкуситъ, якоже клоки не сожваемы и не поглощаемы. |
20:19 См.: 🔗Ис. 5:8 | Многихъ бо немощныхъ домы сокруши, жилище же разграби и не постави. |
20:20 | Нѣсть спасенiя имѣнiю его, въ вожделѣнiи своемъ не спасется. |
20:21 | Нѣсть останка брашну его, сего ради не процвѣтутъ ему благая. |
20:22 | Егда же мнитъ уже исполнь быти, оскорбится, всяка же бѣда нань прiидетъ. |
20:23 См.: 🔗Чис. 11:33 | Аще како либо исполнитъ чрево свое, напуститъ нань ярость гнѣва, одождитъ на него болѣзни: |
20:24 См.: 🔗Ис. 24:18 🔗Иер. 48:44 | и не спасется от руки желѣза, да устрѣлитъ его лукъ мѣдянъ, |
20:25 См.: 🔗Пс. 7:13 🔗Иез. 21:10 | и да пройдетъ сквозѣ тѣло его стрѣла: звѣзды же въ жилищихъ его: да прiидутъ нань страси, |
20:26 | и всяка тма на немъ да пребудетъ: да поястъ его огнь нераздеженый, да озлобитъ же пришлецъ домъ его: |
20:27 | и да открыетъ небо беззаконiя его, и земля да востанетъ нань: |
20:28 | да извлечетъ домъ его пагуба до конца, день гнѣва да прiидетъ нань. |
20:29 См.: 🔗Иов. 18:21 🔗Иов. 27:13 | Сiя часть человѣка нечестиваго от Господа и стяжанiе имѣнiй его от надзирателя. |