Книга пророка Иезекииля, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Деян. 7:55 🔗Отк. 21:11 🔗Дан. 8:17	Сiе видѣнiе подобiе славы Господни. И видѣхъ, и падохъ ницъ, и слышахъ гласъ глаголющаго, и рече ко мнѣ: сыне человѣчь, стани на ноги твоя, и воз­глаголю тебѣ.
2:2	И прiиде на мя духъ, и взя мя, и воз­движе мя, и постави мя на ногахъ мо­ихъ, и слышахъ его глаголюща ко мнѣ.
2:3 См.: 🔗Пс. 77:8 🔗Иер. 3:25 🔗Иер. 7:26	И рече [Господь] ко мнѣ: сыне человѣчь, послю тя азъ къ дому Израилеву, огорчевающымъ мя, иже огорчиша мя: сами и отцы ихъ от­вергошася мене до днешняго дне:
2:4 См.: 🔗Ис. 48:4 🔗Иер. 5:3 🔗Мк. 10:5	и сынове жестоколичнiи и твердо­сердечнiи. Азъ послю тя къ тѣмъ, и речеши къ нимъ: тако глаголетъ Адонаи Господь:
2:5 См.: 🔗Иез. 3:11 🔗Иез. 12:2 🔗Ис. 30:9	аще убо услышатъ, или убоят­ся, зане домъ огорчеваяй есть, и познаютъ, яко пророкъ еси ты посредѣ ихъ.
2:6 См.: 🔗Иер. 1:8 🔗Мих. 7:2	И ты, сыне человѣчь, да не убо­ишися ихъ, ни ужасайся от­ лица ихъ: зане разсверѣпѣютъ и обыдутъ тя окрестъ, посредѣ бо скорпиевъ ты живеши: словесъ ихъ не убойся и от­ лица ихъ не ужасайся, зане домъ огорчеваяй есть:
2:7	и воз­глаголеши словеса моя къ нимъ, аще убо услышатъ, или убоят­ся, зане домъ прогнѣваяй есть.
2:8 См.: 🔗Отк. 10:9	И ты, сыне человѣчь, послушай глаголющаго къ тебѣ, не буди огорчеваяй, якоже домъ преогорчеваяй: от­верзи уста твоя и снѣждь, яже азъ даю тебѣ.
2:9 См.: 🔗Иер. 1:9 🔗Отк. 5:1	И видѣхъ, и се, рука простерта ко мнѣ, и въ ней свитокъ книжный:
2:10	и разви его предо мною, и въ томъ писана быша предняя и задняя: и вписано бяше въ немъ рыданiе и жалость и горе.