Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 | И сіи суть священницы и левити, возшедшiи съ зоровавелемъ сыномъ Салаѳiилевымъ и иисусомъ: сараіа, иереміа, ездра, |
12:2 | Амаріа, малухъ, аттуй, |
12:3 | сехеніа, реумъ, Маримоѳъ, |
12:4 См.: 🔗Лк. 1:5 | Адаiа, генаѳонъ, Авіа, |
12:5 | Мiаминъ, маадіа, велга, |
12:6 | семіа, Иоiаривъ, Идіа, |
12:7 См.: 🔗Неем. 11:12 | Салуй, Амукъ, Хелкіа, одуіа: сіи началницы священниковъ и братiя ихъ во дни иисуса. |
12:8 | И левити: иисусъ, вануй, кадмiилъ, саравіа, Иодай и Матѳаніа, при рукахъ той, и братiя ихъ въ чредныя служенiя: |
12:9 См.: 🔗Неем. 11:17 | и ваквакіа и Анай, братiя ихъ, прямо ихъ во чреды дневныя. |
12:10 | Иисусъ же роди Иоакима, Иоакимъ роди Елiасива, Елiасивъ роди Иодаа, |
12:11 См.: 🔗Неем. 12:22 | Иодай же роди Ионаѳана, и Ионаѳанъ роди Адуа. |
12:12 | Во дни же Иоакима бѣху братiя его священницы и началницы отечествъ: сараіи Амаріа, иереміи Ананіа, |
12:13 | ездрѣ месулламъ, Амаріи Иоананъ, |
12:14 | Амалуху Ионаѳанъ, сехеніи Иосифъ, |
12:15 | Аресу еднасъ, Марiоѳу Елкей, |
12:16 | Аддаю захарiа, ганаѳону месулламъ, |
12:17 См.: 🔗Лк. 1:5 | Авіи зехрій, Мiамину маадай, фелетію, |
12:18 | Валгасу самуей, семіи Ионаѳанъ, |
12:19 | Иоариву Матѳанай, едію Озій, |
12:20 | Салаію калаіа, Амеку Аведъ, |
12:21 | Елкіи Асавіа, Иедіи наѳанаилъ. |
12:22 См.: 🔗Неем. 12:11 | Левити во дни Елiасива, Иоада и Иоа, и Иоананъ и Идуа, написани началницы отечествъ, и священницы въ царство дарiа персскаго. |
12:23 | И сынове Левіи началницы отечествъ писани въ книзѣ словесъ дній и даже до дній Иоанана сына Елисуева. |
12:24 См.: 🔗Неем. 11:12 🔗1Пар. 25:1 | И началницы левитомъ Асавіа и саравіа и иисусъ, и сынове кадмiиловы и братiя ихъ предъ ними въ пѣснехъ хвалити и исповѣдовати, по заповѣди давида человѣка Божiя, по чредамъ от дне до дне. |
12:25 См.: 🔗1Пар. 9:15 🔗Неем. 11:17 | Матѳаніа и ваквакіа, Авдіа, месулламъ, телмонъ, акувъ, стрегущiи дверницы стражу, внегда собрати ми дверники. |
12:26 См.: 🔗Неем. 2:6 🔗1Езд. 7:6 | Во дни Иоакима сына иисусова, сына Иоседекова, и во дни нееміи и ездры священника и книгочiи, |
12:27 | и во обновленiи стѣны Иерусалимскiя, взыскаша левитовъ въ мѣстѣхъ ихъ да возведутъ ихъ во Иерусалимъ сотворити обновленiе и веселiе во хваленiи и пѣснехъ, въ кимвалѣхъ и псалтирехъ и гуслехъ. |
12:28 | И собрашася сынове поющихъ и от страны окрестныя во Иерусалимъ, и от селъ нетофатіевыхъ, |
12:29 См.: 🔗Втор. 11:30 🔗Нав. 5:9 | и от дому [галгалъ] и от странъ [гева и азмаветъ], яко села создаша себѣ пѣвцы окрестъ Иерусалима: |
12:30 См.: 🔗Исх. 19:10 | и очистишася священницы и левити, и очистиша людій и врата и стѣну. |
12:31 | И возведохъ началниковъ Иудиныхъ на стѣну, и поставихъ два клироса велика, хвалы ради, и проидоша от десныя страны на стѣну ко вратомъ гнойнымъ. |
12:32 | И идоша за ними осаіа и половина началниковъ Иудиныхъ, |
12:33 | и азаріа и ездра и месулламъ, |
12:34 | Иуда и Венiаминъ, и самаіа и иереміа: |
12:35 | и от сыновъ священничихъ съ трубами захарiа сынъ Ионаѳановъ, сынъ самаіи, сынъ маѳаніинъ, сынъ Михаинъ, сынъ закхуровъ, сынъ Асафовъ, |
12:36 | и братiя его самаіа и Озiилъ, гелолъ, маіа, наѳанаилъ и Иуда и Ананій, еже хвалити въ пѣснехъ давида человѣка Божiя: |
12:37 | и ездра книгочiй предъ ними при вратѣхъ источника, хвалити прямо ихъ. И взыдоша на лѣствицы града давидова, на восходъ стѣны выше дому давидова и даже до вратъ водныхъ къ востоку. |
12:38 | И клиросъ вторый хвалу воздающихъ идяше сопротивъ ихъ, и азъ по немъ, и половина людій по стѣнѣ, верху столпа Ѳануримля и даже до стѣны пространнѣйшiя, |
12:39 См.: 🔗Неем. 3:1 | и на врата Ефраима, и на врата старая, и на врата рыбная, и на столпъ Анамеиль, и на столпъ Емаѳъ, и даже до вратъ овчихъ. |
12:40 | И сташа на вратѣхъ стражи, сташа же два клироса хваляща въ дому Божiи, и азъ и половина воеводъ со мною, |
12:41 | и священницы Елiакимъ, маасіа, Мiаминъ, Михеа, Елiона, захарiа, Ананіа съ трубами, |
12:42 | и маасіа и семеіа, и Елеазаръ и Озіа, и Иоананъ и Мелхіа, и Елеамій и Иезуръ. И слышани быша пѣвцы и Иезріа, и соглядани, и восхвалиша. |
12:43 | И пожроша въ день той жертвы великiя и возвеселишася, яко Богъ возвесели ихъ вельми: и жены ихъ и чада ихъ радовахуся, и слышано бысть веселiе то во Иерусалимѣ издалеча. |
12:44 См.: 🔗Втор. 1:15 | И поставиша въ день той мужей надъ сокровищными хранилищи, на начатки и десятины, и да собираютъ сими началниками от градовъ части священникомъ и левитомъ, яко веселiе бѣ во Иудеи, во священницѣхъ и въ левитѣхъ предстоящихъ, |
12:45 | и стрежаху стражу Бога своего, и храненiе очищенiя, и пѣвцевъ и дверниковъ, по повелѣнiю давида и соломона сына его. |
12:46 См.: 🔗1Пар. 25:1 | Яко во дни давидовы Асафъ от начала первый въ пѣвцѣхъ и въ пѣснехъ и хваленiи Богу, |
12:47 См.: 🔗Чис. 18:24 | и весь Израиль во дни зоровавеля и во дни нееміи даяху оброкъ пѣвцемъ и дверникомъ от дне до дне и освящаху левитомъ, левити же освящаху сыновомъ Ааронимъ. |