Книга пророка Иеремии, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Деян. 21:11	Сiя глаголетъ Господь ко мнѣ: иди и стяжи себѣ чресленикъ льняный и препояши того на чреслѣхъ тво­ихъ, и въ воду да не внесеши того.
13:2	И стяжахъ чресленикъ по словеси Господню и обложихъ окрестъ чреслъ мо­ихъ.
13:3	И бысть слово Господне ко мнѣ вторицею, рекущее:
13:4	воз­ми чресленикъ, егоже стяжалъ еси, иже есть окрестъ чреслъ тво­ихъ, и востани и иди ко Евфрату, и скрый того тамо во разсѣлинѣ камен­нѣ.
13:5	И идохъ и скрыхъ того во Евфратѣ, якоже заповѣда мнѣ Господь.
13:6	И бысть по днехъ мнозѣхъ, и рече Господь ко мнѣ: востани и иди ко Евфрату, и воз­ми от­туду чресленикъ, егоже заповѣдахъ тебѣ скрыти тамо.
13:7	И идохъ ко Евфрату и раскопахъ, и взяхъ чресленикъ от­ мѣста, идѣже скрыхъ его, и се, изгнилъ бѣ [чресленикъ], яко ни на чтоже быти потребну ему.
13:8	И бысть слово Господне ко мнѣ, рекущее: сiя глаголетъ Господь:
13:9 См.: 🔗4Цар. 24:2	тако согнити сотворю гордыню Иудину и гордыню Иерусалимлю, многую гордыню сiю людій сихъ строптивыхъ,
13:10 См.: 🔗Иер. 11:8 🔗Иер. 22:21 🔗Вар. 1:22	иже не хотятъ послушати словесъ мо­ихъ, ходящихъ во строптив­ст­вѣ сердца сво­его и шедшихъ вслѣдъ боговъ чуждихъ, да служатъ имъ и да покланяют­ся имъ: и будутъ якоже чресленикъ той, иже ни къ чему потребенъ.
13:11 См.: 🔗Втор. 26:19	Зане, якоже при­­держит­ся чресленикъ ко чресломъ мужа, тако при­­лѣпихъ мнѣ [весь] домъ Израилевъ и весь домъ Иудинъ, рече Господь: да будутъ мнѣ въ люди имениты, и въ хвалу и въ славу, и не послушаша мене.
13:12	И речеши къ людемъ симъ словеса сiя: тако рече Господь Богъ Израилевъ: всякъ мѣхъ исполнит­ся вина. И будетъ, аще рекутъ къ тебѣ: еда вѣдяще не увѣмы, яко всякъ мѣхъ исполнит­ся вина?
13:13	и речеши къ нимъ: сiя глаголетъ Господь: се, азъ исполню всѣхъ обитателей земли сея, и царей ихъ сѣдящихъ от­ колѣна давидова на престолѣ ихъ, и священ­ники и пророки, и Иуду и всѣхъ обитающихъ во Иерусалимѣ пiян­ствомъ,
13:14 См.: 🔗Иер. 16:5	и расточу ихъ, мужа и брата его, и отцы ихъ и сыны ихъ вкупѣ: не пожелаю, рече Господь, не пощажу, и не умилосердюся, еже не погубити ихъ.
13:15 См.: 🔗Иак. 1:21	Слышите и внемлите, и не воз­носитеся, яко Господь глаголалъ есть.
13:16 См.: 🔗Нав. 7:19 🔗Ин. 9:24 🔗Ис. 59:9	Дадите Господу Богу ва­шему славу прежде даже не смеркнет­ся и прежде даже не преткнут­ся нозѣ ваши ко горамъ темнымъ: и пождете свѣта, и тамо сѣнь смертная, и положени будутъ во мракъ.
13:17 См.: 🔗Плч. 1:2	Аще же не послушаете, въ тайнѣ восплачет­ся душа ваша от­ лица гордыни и плачя восплачетъ, и изведутъ очи ваши слезы, яко сотрено есть стадо Господне.
13:18 См.: 🔗Ис. 47:1 🔗Плч. 5:16	Рцыте царю и владыкамъ: смиритеся, сядите, яко взят­ся от­ главы ва­шея вѣнецъ славы ва­шея.
13:19	Грады южнiи затворени суть, и нѣсть от­верзаяй: преведенъ есть весь Иуда, совершиша преселенiе совершен­ное.
13:20 См.: 🔗Иер. 1:14	Воздвигни очи тво­и, Иерусалиме, и виждь при­­ходящыя от­ сѣвера: гдѣ стадо даное тебѣ, овцы славы тво­ея?
13:21 См.: 🔗Иер. 6:24	Что речеши, егда посѣтятъ тя? и ты научилъ еси ихъ на тя ученiемъ въ начал­ст­во: еда не объимутъ тя болѣзни яко жену родящую?
13:22 См.: 🔗Иер. 5:19 🔗Иер. 30:15	Аще же речеши въ сердцы тво­емъ: почто прiидоша ми сiя? за множе­с­т­во беззаконiя тво­его от­кровена суть задняя твоя, да обруганы будутъ стопы твоя.
13:23	Аще премѣнитъ еѳiоплянинъ кожу свою, и рысь пестроты своя, и вы можете благотворити научив­шеся злу.
13:24	И развѣю ихъ, яко стеблiе носимое вѣтромъ въ пустыню.
13:25	Сей жребiй твой и часть непокор­ст­ва тво­его на мя, глаголетъ Господь, яко забылъ еси мя и надѣял­ся на лжу:
13:26	тѣмже и азъ обнажу бедры твоя противу лица тво­его, и явит­ся срамота твоя
13:27 См.: 🔗Иер. 5:8	и прелюбо­дѣй­ст­во твое, и ржанiе твое и от­чужденiе блуда тво­его: на горахъ и на селѣхъ видѣхъ мерзости твоя. Горе тебѣ, Иерусалиме, яко не очистил­ся еси, послѣдуя мнѣ. Доколѣ еще?