Книга Есфири, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	Господь же отъ­я сонъ от­ царя въ нощи онѣй. И повелѣ рабу сво­ему при­­нести книги памятныя дній прочитати ему:
6:2 См.: 🔗Есф. 2:23	и обрѣте писанiя написан­ная о мардохеи, како повѣда царю о двою евнуху царскую, внегда стрещи има, и умыслиста убити [царя] Артаксеркса.
6:3	И рече царь: кую славу или благодать сотворихомъ мардохею? И рекоша отроцы царевы: ничтоже сотворилъ еси ему.
6:4 См.: 🔗Прит. 4:16 🔗Прит. 5:22 🔗Пс. 7:17	Вопрошающу же царю о благодѣянiи мардохеовѣ, се, Аманъ прiиде во дворъ, и рече царь: кто есть во дворѣ? Аманъ же прiиде рещи цареви, да повѣситъ мардохеа на древѣ, еже уготова.
6:5	И рекоша отроцы царевы: се, Аманъ сто­итъ во дворѣ. И рече царь: при­­зовите его.
6:6	И рече царь Аману: что сотворю мужу, егоже азъ хощу прославити? рече же въ себѣ Аманъ: кого хощетъ царь прославити, развѣ мене?
6:7	Рече же царю: мужа, егоже хощетъ царь прославити,
6:8	да при­­несутъ отроцы царевы одежду виссон­ную, еюже царь облачает­ся, и коня, на немже царь ѣздитъ,
6:9	и да даст­ся единому от­ друговъ царевыхъ славныхъ, и да облечетъ мужа, егоже царь любитъ, и да посадитъ его на коня и проповѣсть на улицахъ града, глаголя: тако будетъ всякому человѣку, егоже царь прославитъ.
6:10	И рече царь Аману: добрѣ реклъ еси: тако сотвори мардохею Иудеанину, угодно служащему во дворѣ [на­шемъ], и да не измѣнит­ся слово твое от­ сихъ, яже реклъ еси.
6:11	И взя Аманъ одежду и коня, и облече мардохеа, и воз­веде его на ко­ня, и пройде по улицамъ града, и проповѣдаше [предъ нимъ], глаголя: сице будетъ всякому человѣку, егоже хощетъ царь прославити.
6:12 См.: 🔗2Пар. 26:20	И воз­вратися мардохеи во дворъ [царевъ]: Аманъ же иде въ домъ свой скорбя преклонивъ главу.
6:13 См.: 🔗Ин. 18:6 🔗Прит. 16:18	И сказа Аманъ случив­шаяся ему зосарѣ женѣ сво­ей и другомъ сво­имъ. И рѣша ему друзiе его и жена: аще от­ племене Иудейскаго мардохей, началъ еси смирятися предъ нимъ, падая падеши, и не воз­можеши ему от­мстити, яко Богъ живый есть съ нимъ.
6:14	И еще глаголющымъ имъ, прiидоша евнуси, спѣшно зовуще Амана на пиръ, егоже уготова есѳирь.