Третья книга Царств (Первая книга Царей), глава 18

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 18
18:1 См.: 🔗3Цар. 17:8	И бысть по днехъ мнозѣхъ, и глаголъ Господень бысть ко илiи въ лѣто третiе глаголя: иди и явися Ахааву, и дамъ дождь на лице земли.
18:2	И иде илiа ко Ахааву явитися, и бѣ гладъ крѣпокъ въ самаріи.
18:3	И при­­зва Ахаавъ Авдіа стро­ителя дому: и Авдій бѣ бояся Господа зѣло.
18:4 См.: 🔗3Цар. 16:31	И бысть егда нача избивати Иезавель пророки Господни, и взя Авдій сто мужей пророки и скры я по пятидесяти во дво­ихъ вертепѣхъ и кормяше ихъ хлѣбомъ и водою.
18:5	И рече Ахаавъ ко Авдію: гряди, и прейдемъ на землю, и на источники водныя, и на вся потоки, да негли како обрящемъ былiе и прекормимъ кони и мски, да не изгибнутъ от­ скотъ.
18:6	И раздѣлиша себѣ путь ити по нему: Ахаавъ иде путемъ единымъ единъ, и Авдій иде путемъ другимъ единъ.
18:7	И бѣ Авдій единъ на пути: и прiиде илiа на срѣтенiе ему единъ. И Авдій потщася, и паде на лице свое и рече: ты ли еси самъ, господи мой илiе?
18:8	И рече илiа ко Авдію: азъ есмь: иди и повѣждь господину тво­ему, глаголя: се, илiа.
18:9	И рече Авдій: что согрѣшихъ азъ, яко предаеши раба тво­его въ руцѣ Ахаавли еже умертвити мя?
18:10 См.: 🔗3Цар. 17:12	живъ Господь Богъ твой, аще есть языкъ или цар­ст­во, аможе не посла господинъ мой искати тебе: и рѣша, нѣсть: и закля цар­ст­во и страны его, яко не обрѣте тебе:
18:11	и нынѣ ты глаголеши ми: иди, воз­вѣсти господину тво­ему: се, илiа:
18:12 См.: 🔗4Цар. 2:16 🔗Иез. 3:12 🔗Лк. 4:1	и будетъ егда азъ от­иду от­ тебе, и Духъ Господень возметъ тя въ землю, еяже не вѣмъ, и вниду воз­вѣстити Ахааву, и не обрящетъ тебе, и убiетъ мя: рабъ же твой есть бояйся Господа от­ юности сво­ея:
18:13	или не воз­вѣстися тебѣ господину мо­ему, яже сотворихъ, егда убива­ше Иезавель пророки Господни, и сокрыхъ пророки Господни сто мужей, по пятидесяти въ вертепѣ, и кормихъ ихъ хлѣбомъ и водою?
18:14	и нынѣ ты глаголеши ми: иди, повѣждь господину тво­ему: се, илiа: и убiетъ мя.
18:15 См.: 🔗4Цар. 3:14	И рече илiа: живъ Господь силъ, емуже предстою предъ нимъ, яко днесь покажуся ему.
18:16	И иде Авдій во срѣтенiе Ахааву и воз­вѣсти ему. И ускори Ахаавъ и иде во срѣтенiе илiи.
18:17 См.: 🔗2Пар. 18:19 🔗Лк. 23:2 🔗Деян. 24:5	И бысть егда узрѣ Ахаавъ илiю, и рече Ахаавъ ко илiи: ты ли еси развращаяй Израиля?
18:18	И рече илiа: не развращаю азъ Израиля, но развѣ ты и домъ отца тво­его, егда остависте вы Господа Бога ва­шего и идосте вслѣдъ Ваала:
18:19 См.: 🔗Нав. 19:26 🔗4Цар. 2:25 🔗Ис. 35:2	и нынѣ посли и собери ко мнѣ всего Израиля на гору кармилскую, и пророки студныя Вааловы четыреста и пятьдесятъ, и пророковъ дубравныхъ четыреста, ядущихъ трапезу Иезавелину.
18:20 См.: 🔗2Пар. 18:5	И посла Ахаавъ во весь Израиль, и при­­веде вся пророки на гору кармилскую.
18:21 См.: 🔗Иак. 1:8 🔗Сир. 2:12	И при­­веде ко всѣмъ имъ илiю, и рече имъ илiа: доколѣ вы храмлете на обѣ плеснѣ вашы? аще есть Господь Богъ, идите вслѣдъ его: аще же Ваалъ есть, то идите за нимъ. И не от­вѣщаша людiе словесе.
18:22 См.: 🔗3Цар. 22:6	И рече илiа къ людемъ: азъ остахъ пророкъ Господень единъ: и пророцы Вааловы четыреста и пятьдесятъ мужей, и пророковъ дубравныхъ четыреста.
18:23	[И рече илiа:] да дадятъ намъ два вола, и да изберутъ себѣ единаго, и да растешутъ и [на уды], и воз­ложатъ на дрова, и да не воз­гнѣтятъ огня: и азъ растешу вола другаго, и воз­ложу на дрова, и огня не воз­гнѣщу:
18:24 См.: 🔗Лев. 9:24	и да при­­зовете имена боговъ вашихъ, и азъ при­­зову имя Господа Бога мо­его: и будетъ Богъ, иже аще послушаетъ огнемъ, той есть Богъ. И от­вѣщаша вси людiе и рѣша: добръ глаголъ [илiинъ], егоже глагола [да будетъ тако].
18:25	И рече илiа пророкомъ студнымъ: изберите себѣ юнца единаго, и сотворите вы прежде, яко васъ есть множе­с­т­во: и при­­зовите имена боговъ вашихъ, и огня не воз­гнѣщайте.
18:26	И пояша юнца, и сотвориша [тако], и при­­зываху имя Ваалово от­ утра до полудне, и рѣша: послушай насъ, Ваале, послушай насъ. И не бѣ гласа, ни послушанiя. И ристаху около жертвен­ника, егоже сотвориша.
18:27 См.: 🔗Втор. 32:37	И бысть въ полудне, и поругася имъ илiа Ѳесвитянинъ и рече: зовите гласомъ великимъ, яко богъ есть, яко непраздность ему есть, и негли что ино строитъ, или спитъ самъ, и востанетъ.
18:28 См.: 🔗Лев. 19:28 🔗Втор. 14:1	И зовяху гласомъ великимъ, и крояхуся по обычаю сво­ему ножами, и мнози бишася бичми, до пролитiя крове сво­ея,
18:29 См.: 🔗Исх. 29:39 🔗Дан. 9:21 🔗Деян. 3:1	и прорицаху, дондеже прейде вечеръ: и бысть егда прiиде время взыти жертвѣ, и не бѣ гласа, ниже послушанiя. И рече илiа Ѳесвитянинъ пророкомъ студнымъ, глаголя: от­ступите нынѣ, да и азъ сотворю жертву мою. И от­ступиша тіи, и умолкнуша.
18:30	И рече илiа къ людемъ: при­­ступите ко мнѣ. И при­­ступиша вси людiе къ нему.
18:31 См.: 🔗Быт. 32:28 🔗4Цар. 17:34	И взя илiа два­на­де­сять каменiй по числу колѣнъ Израилевыхъ, якоже глагола къ нему Господь, глаголя: Израиль будетъ имя твое.
18:32 См.: 🔗Быт. 13:18 🔗Втор. 12:13	И созда каменiе во имя Господне, и изцѣли олтарь раскопан­ный, и сотвори море вмѣщающее двѣ мѣры сѣмене окрестъ олтаря.
18:33	И воскладе дрова на олтарь, егоже сотвори, и растеса на уды всесожегаемая, и воз­ложи на дрова, и воскладе на олтарь.
18:34	И рече илiа: при­­несите ми четыри водоносы воды, и воз­ливайте на всесожженiе и на полѣна. И сотвориша тако. И рече: удвойте. И удвоиша. И рече: утройте. И утроиша.
18:35	И прохожда­ше вода окрестъ олтаря, и море исполнися воды.
18:36 См.: 🔗Исх. 3:6 🔗Исх. 4:5 🔗1Пар. 29:18	И возопи илiа на небо и рече: Господи Боже Авраамовъ и Исааковъ и Иаковль, послушай мене, Господи, послушай мене днесь огнемъ, и да уразумѣютъ вси людiе сіи, яко ты еси Господь единъ Израилевъ, и азъ рабъ твой, и тебе ради сотворихъ дѣла сiя:
18:37	послушай мене, Господи, послушай мене огнемъ, и да разумѣютъ вси людiе сіи, яко ты еси [единъ] Господь Богъ, и ты обратилъ еси сердца людій сихъ вслѣдъ тебе.
18:38 См.: 🔗Лев. 9:24 🔗Суд. 6:21 🔗2Пар. 7:1	И спаде огнь от­ Господа съ небесе, и пояде всесожегаемая, и дрова, и воду, яже въ мори, и каменiе и персть полиза огнь.
18:39 См.: 🔗Зах. 13:9	И падоша вси людiе на лице свое и рѣша: во­истин­ну Господь Богъ той есть Богъ.
18:40 См.: 🔗Суд. 4:7 🔗Втор. 13:5 🔗1Цар. 15:33	И рече илiа къ людемъ: по­имайте пророки Вааловы, да ни единъ скрыет­ся от­ нихъ. И яша ихъ, и веде я илiа на потокъ киссовъ, и закла ихъ тамо.
18:41	И рече илiа ко Ахааву: взыди, и яждь и пій, яко гласъ есть дождевнаго хожденiя.
18:42 См.: 🔗Иак. 5:16	И взыде Ахаавъ ясти и пити. Илiа же взыде на кармилъ, и преклонися на землю, и положи лице свое между колѣнома сво­има,
18:43	и рече отрочищу сво­ему: взыди и воз­зри на путь морскій. И взыде, и воз­зрѣ отрочищь, и рече: нѣсть ничтоже. И рече илiа: и ты обратися седмижды.
18:44	И обратися отрочищь седмижды: и бысть въ седмое, и се, облакъ малъ, аки слѣдъ ноги мужескiя, воз­носящь воду изъ моря. И рече: взыди и рцы Ахааву: впрязи колесницу твою и сниди, да не постигнетъ тебе дождь.
18:45 См.: 🔗Иов. 37:6 🔗Иак. 5:18 🔗3Цар. 17:1	И бысть до здѣ и до здѣ, и небо при­­мрачися облаки и духомъ, и бысть дождь велiй. И плакася, и иде Ахаавъ до Иезраеля.
18:46 См.: 🔗Лк. 1:66	И рука Господня бысть на илiи, и стягне чресла своя, и тече предъ Ахаавомъ во Иезраель.