Первое послание апостола Павла к Коринфянам, глава 11

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 11
11:1 См.: 🔗1Кор. 4:16 🔗Флп. 3:17	Подражателе мнѣ бывайте, якоже и азъ Христу.
11:2 См.: 🔗1Кор. 15:1	Хвалю же вы, братiе, яко вся моя помните, и якоже предахъ вамъ, преданiя держите.
11:3 См.: 🔗Быт. 3:16 🔗Ин. 14:28 🔗Еф. 5:23	Хощу же васъ вѣдѣти, яко всякому мужу глава Христосъ есть, глава же женѣ мужъ, глава же Христу Богъ.
11:4	Всякъ мужъ, молитву дѣя или пророче­ст­вуяй покрытою главою, срамляетъ главу свою:
11:5	и всяка жена, молитву дѣющая или пророче­ст­ву­ю­щая от­кровен­ною главою, срамляетъ главу свою: едино бо есть и тожде {еже быти} острижен­нѣй:
11:6	аще бо не покрывает­ся жена, да стрижет­ся: аще ли же срамъ женѣ стрищися или бритися, да покрывает­ся.
11:7 См.: 🔗Быт. 1:26 🔗Кол. 3:10	Мужъ убо не долженъ есть покрывати главу, образъ и слава Божiя сый: жена же слава мужу есть.
11:8 См.: 🔗Быт. 2:21	[Зач. 148.] Нѣсть бо мужъ от­ жены, но жена от­ мужа:
11:9	ибо не созданъ бысть мужъ жены ради, но жена мужа ради.
11:10	Сего ради должна есть жена власть имѣти на главѣ Ангелъ ради.
11:11	Обаче ни мужъ безъ жены, ни жена безъ мужа, о Господѣ.
11:12	Якоже бо жена от­ мужа, сице и мужъ женою: вся же от­ Бога.
11:13	Въ васъ самѣхъ судите, лѣпо ли есть женѣ от­кровен­нѣй Богу молитися?
11:14	Или и не самое есте­с­т­во учитъ вы, яко мужъ убо аще власы раститъ, безчестiе ему есть,
11:15	жена же аще власы раститъ, слава ей есть? зане растѣнiе власовъ вмѣсто одѣянiя дано бысть ей.
11:16	Аще ли кто мнит­ся спорливъ быти, мы таковаго обычая не имамы, ниже церкви Божiя.
11:17	Сiе же завѣщавая не хвалю, яко не на лучшее, но на хуждшее сбираетеся.
11:18 См.: 🔗1Кор. 3:3	Первое убо, сходящымся вамъ въ церковь, слышу въ васъ распри сущыя, и часть нѣкую [сихъ] вѣрую.
11:19 См.: 🔗Лк. 17:1	Подобаетъ бо и ересемъ въ васъ быти, да искуснiи явлени бываютъ въ васъ.
11:20	Сходящымся убо вамъ вкупѣ, нѣсть Господскую вечерю ясти:
11:21	кійждо бо свою вечерю предваряетъ въ снѣденiе, и овъ убо алчетъ, овъ же упивает­ся.
11:22	Еда бо домовъ не имате, во еже ясти и пити? Или о церкви Божiей нерадите и срамляете не имущыя? Что вамъ реку? Похвалю ли вы о семъ? Не похвалю.
11:23 См.: 🔗Мф. 26:26 🔗Мк. 14:22 🔗Лк. 22:19 🔗1Кор. 10:16	[Зач. 149.] Азъ бо прiяхъ от­ Господа, еже и предахъ вамъ, яко Господь Иисусъ въ нощь, въ нюже преданъ быва­ше, прiемь хлѣбъ,
11:24	и благодаривъ преломи, и рече: прiимите, ядите, сiе есть Тѣло Мое, еже за вы ломимо­е: сiе творите въ Мое воспоминанiе.
11:25	Такожде и чашу по вечери, глаголя: сiя чаша новый завѣтъ есть въ Мо­ей Крови: сiе творите, елижды аще пiете, въ Мое воспоминанiе.
11:26	Елижды бо аще ясте хлѣбъ сей и чашу сiю пiете, смерть Господню воз­вѣщаете, дондеже прiидетъ.
11:27 См.: 🔗Евр. 10:29	Тѣмже иже аще ястъ хлѣбъ сей или пiетъ чашу Господню недостойнѣ, повиненъ будетъ Тѣлу и Крови Господни.
11:28 См.: 🔗2Кор. 13:5	Да искушаетъ же человѣкъ себе, и тако от­ хлѣба да ястъ и от­ чаши да пiетъ.
11:29	Ядый бо и пiяй недостойнѣ, судъ себѣ ястъ и пiетъ, не разсуждая Тѣла Господня.
11:30	Сего ради въ васъ мнози немощни и недужливи, и спятъ [усыпаютъ] доволни.
11:31 См.: 🔗Пс. 31:5	[Зач. 150.] Аще бо быхомъ себе разсуждали, не быхомъ осуждени были.
11:32	Судими же, от­ Господа наказуемся, да не съ мiромъ осудимся.
11:33	Тѣмже, братiе моя, сходящеся ясти, другъ друга ждите.
11:34	Аще ли кто алчетъ, въ дому да ястъ, да не въ грѣхъ сходитеся. О прочихъ же, егда прiиду, устрою.