Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | И нынѣ заповѣдь сiя къ вамъ, священницы: |
2:2 См.: 🔗Лев. 26:14 🔗Втор. 28:15 | аще не услышите и аще не положите на сердцахъ вашихъ, еже дати славу имени моему, глаголетъ Господь Вседержитель, то послю на вы клятву и проклену благословенiе ваше и оклену е: и разорю благословенiе ваше, и не будетъ въ васъ, зане вы не влагаете въ сердца ваша. |
2:3 | Се, азъ отлучу вамъ рамо, и раскидаю требухи на лица ваша, требухи праздниковъ вашихъ, и прiиму вы вкупѣ: |
2:4 См.: 🔗Чис. 1:49 | и уразумѣете, яко азъ Господь послахъ къ вамъ заповѣдь сiю, еже быти завѣту моему къ левитомъ, глаголетъ Господь Вседержитель. |
2:5 См.: 🔗Чис. 25:12 🔗Ис. 66:2 | Завѣтъ мой бѣ съ нимъ жизни и мира, и дахъ ему боязнiю боятися мене и от лица имене моего устрашатися ему. |
2:6 | Законъ истины бѣ во устѣхъ его, и неправда не обрѣтеся во устнахъ его: въ мирѣ исправляяй иде со мною и многи обрати от неправды. |
2:7 | Понеже устнѣ иереовы сохранятъ разумъ, и закона взыщутъ от устъ его: яко ангелъ Господа Вседержителя есть. |
2:8 | Вы же уклонистеся от пути и изнемоществисте многихъ въ законѣ, растлисте завѣтъ Левіинъ, глаголетъ Господь Вседержитель. |
2:9 См.: 🔗Лев. 19:15 | И азъ дахъ вы уничижены и отвержены во вся языки, зане вы не сохранисте путій моихъ, но лицъ обинустеся въ законѣ. |
2:10 См.: 🔗Еф. 4:6 | Не Отецъ ли единъ всѣмъ вамъ? не Богъ ли единъ созда васъ? что яко остависте кійждо брата своего, осквернити завѣтъ отецъ вашихъ? |
2:11 См.: 🔗Неем. 13:23 | Оставленъ бысть Иуда, и мерзость бысть во Израили и во Иерусалимѣ: зане оскверни Иуда святая Господня, яже возлюби, и прейде къ богомъ чуждимъ. |
2:12 | Потребитъ Господь человѣка творящаго сiя, дондеже смирится от селенiй Иаковлихъ и от приносящихъ жертву Господу Вседержителю. |
2:13 См.: 🔗Ам. 5:22 | И сiя, яже ненавидѣхъ, твористе: покрывасте слезами олтарь Господень, и плачемъ и воздыханiемъ от трудовъ: еще ли достойно призрѣти на жертву [вашу], или прiяти прiятно изъ рукъ вашихъ? |
2:14 | И рѣсте: чесо ради? Яко Господь засвидѣтелствова между тобою и между женою юности твоея, юже оставилъ еси, и та общница твоя и жена завѣта твоего: |
2:15 См.: 🔗Быт. 16:3 | и не добро ли сотвори, и останокъ духа его? И рѣсте: что ино кромѣ сѣмене ищетъ Богъ? И сохраните духомъ вашимъ и жены юности твоея да не оставиши: |
2:16 См.: 🔗Втор. 24:1 🔗Исх. 21:10 | но аще возненавидѣвъ отпустиши ю, глаголетъ Господь Богъ Израилевъ, и покрыетъ нечестiе помышленiя твоя, глаголетъ Господь Вседержитель: и сохраните духомъ вашимъ и не оставите. |
2:17 См.: 🔗Мал. 3:14 | Прогнѣвляющiи Бога словесы вашими, и рѣсте: о чесомъ прогнѣвахомъ его? Зане рѣсте: всякъ творяй зло добръ предъ Господемъ, и въ нихъ самъ благоволи: и гдѣ есть Богъ правды? |