Книга пророка Иеремии, глава 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 29
29:1	И сiя словеса книги, юже посла иереміа изъ Иерусалима ко старѣйшинамъ преселенымъ и ко жерцемъ и лживымъ пророкомъ и всѣмъ людемъ, ихже пресели навуходоносоръ изъ Иерусалима до Вавилона,
29:2 См.: 🔗4Цар. 24:12	послѣди изшедшу Иехоніи царю и царицѣ, и каженикомъ и всякому свободну, и художнику и юзнику изъ Иерусалима,
29:3	рукою Елеаса сына Сафаня и гамаріа сына хелкіина, егоже посла седекіа царь Иудинъ ко царю Вавилонску въ Вавилонъ, глаголя:
29:4	тако рече Господь Богъ Израилевъ о преселеныхъ, ихже пресели изъ Иерусалима въ Вавилонъ:
29:5	соградите храмины и вселитеся, и насадите вертограды и ядите плоды ихъ,
29:6	и по­имите жены и чадотворите сыны и дщери, и при­­ведите сыномъ вашымъ жены и дщери вашя дадите за мужы, и да раждаютъ сыны и дщери, и умножайтеся, а не умаляйтеся:
29:7 См.: 🔗Вар. 1:11	и взыщите мира земли, на нюже преселихъ васъ тамо, и молите Господа за ня, яко въ мирѣ ихъ будетъ миръ вамъ.
29:8 См.: 🔗Иер. 14:14 🔗Иер. 23:21 🔗Иер. 27:15	Яко тако рече Господь силъ, Богъ Израилевъ: да не препираютъ васъ лживiи пророцы, иже въ васъ, и да не препираютъ васъ волсви ваши, и не послушайте сонiй сво­ихъ, яже вы видите во снѣ,
29:9 См.: 🔗Иер. 23:16 🔗Мф. 24:5	яко неправеднѣ тіи прорицаютъ вамъ во имя мое, а не послахъ ихъ, рече Господь.
29:10 См.: 🔗Иер. 25:12	Яко тако рече Господь: егда исполнят­ся въ Вавилонѣ седмьдесятъ лѣтъ, посѣщу васъ и уставлю словеса моя на васъ, еже воз­вратити люди моя на мѣсто сiе:
29:11	и помышлю на вы помышленiе мира, а не злая, еже дати вамъ сiя:
29:12 См.: 🔗Ис. 58:9	и помолитеся ко мнѣ, и послушаю васъ,
29:13 См.: 🔗Мф. 7:7	и взыщете мене, и обрящете мя: и егда взыщете мене всѣмъ сердцемъ вашимъ,
29:14 См.: 🔗Втор. 30:3	и явлюся вамъ, глаголетъ Господь, и воз­вращу узники вашя и соберу васъ от­ всѣхъ странъ и от­ всѣхъ градовъ, въ няже изгнахъ васъ, глаголетъ Господь: и воз­вратитися повелю вамъ на мѣсто, от­куду превести васъ повелѣхъ.
29:15	Понеже рекосте: воз­стави намъ Господь пророки въ Вавилонѣ.
29:16	Тако бо рече Господь ко царю сѣдящу на престолѣ давидовѣ и ко всѣмъ людемъ живущымъ во градѣ томъ, и братiямъ вашымъ, не изшедшымъ съ вами въ плѣнъ,
29:17 См.: 🔗Иер. 24:8	тако глаголетъ Господь Вседержитель: се, азъ послю на ня мечь и гладъ и моръ, и положу я яко смоквы худыя, ихже немощно ясти, понеже зѣло худы быша:
29:18 См.: 🔗Иер. 15:4	и сотру я мечемъ и гладомъ и моромъ, и дамъ я въ погубленiе всѣмъ цар­ст­вамъ земнымъ и въ проклятiе, и во удивленiе и въ посмѣхъ и въ поруганiе всѣмъ языкомъ, къ нимже извергохъ я:
29:19 См.: 🔗Иер. 25:4	занеже не послушаша словесъ мо­ихъ, глаголетъ Господь, яже послахъ къ нимъ рабы мо­ими пророки, рано востая и посылая, и не послушасте, глаголетъ Господь.
29:20	Вы убо слышите слово Господне, все преселенiе, еже выслахъ изъ Иерусалима въ Вавилонъ.
29:21 См.: 🔗Иез. 13:8	Тако глаголетъ Господь Вседержитель Богъ Израилевъ на Ахiава сына коліева и на седекію сына маасіева, иже прорицаютъ вамъ во имя мое лживо: се, азъ предаю я въ руцѣ навуходоносора царя Вавилонска, и побiетъ я предъ очима вашима:
29:22 См.: 🔗Ис. 65:15 🔗Иер. 44:12	и возмет­ся от­ нихъ проклятiе всему преселенiю Иудину, еже въ Вавилонѣ, глаголюще: да сотворитъ ти Господь якоже седекіи сотвори и якоже Ахiаву, ихже сожже царь Вавилонскiй во огни,
29:23	беззаконiя ради, еже сотвориша во Иерусалимѣ, и любо­дѣяху съ женами гражданъ сво­ихъ и слово глаголаша во имя мое лживо, егоже не повелѣхъ имъ, азъ же есмь судiя и послухъ, глаголетъ Господь.
29:24	И къ самеи Еламитину речеши:
29:25	тако глаголетъ Господь Вседержитель, Богъ Израилевъ: понеже послалъ еси во имя твое посланiя ко всѣмъ людемъ, иже во Иерусалимѣ, и ко софонiи сыну маасеову жерцу и ко всѣмъ жерцемъ, глаголя:
29:26	Господь даде тя жерца вмѣсто Иодаа жерца, быти при­­ставнику въ дому Господни, всякому человѣку прорицающу и всякому человѣку неистову­ю­щу, и вдаси его въ затворъ и въ кладу.
29:27	И нынѣ почто не запретисте иереміи, иже от­ Анаѳоѳа, прорицающему вамъ?
29:28 См.: 🔗Иез. 11:3	Яко того ради посла къ намъ въ Вавилонъ, глаголя: долгое есть время, соградите храмины и вселитеся, и насадите вертограды и ядите плоды ихъ.
29:29	И прочте книгу сiю софонiа во ушы иереміи пророка.
29:30	И бысть слово Господне ко иереміи глаголя:
29:31 См.: 🔗Иер. 28:15	посли ко преселникомъ глаголя: тако рече Господь на самею Еламитина: понеже прорече вамъ самеа, азъ же не послахъ его, и сотвори васъ уповати на неправду:
29:32 См.: 🔗Иер. 28:16	того ради сице рече Господь: се, азъ посѣщу на самею и на родъ его, и не будетъ ему человѣка посредѣ васъ, еже видѣти благая, яже азъ сотворю вамъ, глаголетъ Господь, зане от­ступленiе глагола на Господа.