Вторая книга Царств (Вторая книга Самуила), глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗1Цар. 27:6 🔗1Цар. 30:17	И бысть егда умре Саулъ, и давидъ воз­вратися побѣдивъ Амалика, и пребысть давидъ въ секелазѣ дни два.
1:2 См.: 🔗Быт. 37:34 🔗1Цар. 4:12 🔗Иов. 2:12	И бысть въ третiй день, и се, мужъ прiиде от­ полка людій Сауловыхъ, ризы же его [бяху] раздраны, и персть на главѣ его: и бысть егда вниде къ давиду [отрокъ], и падъ на земли поклонися ему.
1:3	И рече ему давидъ: от­куду ты при­­шелъ еси? И рече ему: от­ полка Израилева азъ избѣгохъ.
1:4 См.: 🔗2Цар. 4:10	И рече ему давидъ: что слово сiе? воз­вѣсти ми. И рече: яко побѣгоша людiе от­ брани, и падоша мнози от­ людій, и измроша, и Саулъ и Ионаѳанъ сынъ его умре.
1:5	И рече давидъ отроку воз­вѣстив­шему ему: како знаеши, яко умре Саулъ и Ионаѳанъ сынъ его?
1:6	И рече отрокъ воз­вѣщаяй ему: по случаю прiидохъ въ гору гелвуйскую, и се, Саулъ напада­ше на копiе свое, и се, колесницы и вельможи собрашася нань:
1:7	и обозрѣся вспять [саулъ] и видѣ мя, и при­­зва мя, и рѣхъ: се, азъ:
1:8	и рече ми: кто ты еси? и рѣхъ: Амаликитинъ есмь азъ:
1:9	и рече ми: прiиди убо на мя и убій мя, яко объятъ мя тма лютая, яко еще душа моя во мнѣ:
1:10	и стахъ надъ нимъ, и убихъ его: вѣдѣхъ бо, яко не будетъ живъ по паденiи сво­емъ: и взявъ вѣнецъ царскiй, иже бѣ на главѣ его, и нарамницу, яже бѣ на плещу его, и при­­несохъ сiя къ господину мо­ему сѣмо.
1:11 См.: 🔗1Цар. 4:12 🔗2Цар. 3:31	И емься давидъ за ризы своя, и раздра я, и вси мужiе иже съ нимъ раздраша ризы своя,
1:12	и рыдаша и плакашася, и постишася до вечера о Саулѣ, и о Ионаѳанѣ сынѣ его, и о людехъ Иудиныхъ и о домѣ Израилевѣ, яко избiени быша мечемъ.
1:13	И рече давидъ отроку воз­вѣстив­шему ему: от­куду ты еси? И рече: сынъ мужа при­­шелца Амаликитина есмь азъ.
1:14 См.: 🔗1Цар. 10:1 🔗1Цар. 24:7 🔗Пс. 104:15	И рече ему давидъ: како не убоял­ся еси воз­двигнути руку твою погубити христа Господня?
1:15 См.: 🔗2Цар. 4:10	И при­­зва давидъ единаго от­ отрокъ сво­ихъ и рече: иди, убій его. И уби его, и умре.
1:16	И рече ему давидъ: кровь твоя на главѣ тво­ей, яко уста твоя на тя воз­вѣщаша, глаголюще: яко азъ убихъ христа Господня.
1:17	И плакася давидъ плачемъ симъ о Саулѣ и о Ионаѳанѣ сынѣ его,
1:18 См.: 🔗Быт. 49:8 🔗Нав. 10:13	и рече еже научити сыны Иудины стрѣлянiю. Се написано въ книзѣ праведнаго.
1:19	И рече: воз­двигни столпъ, Израилю, надъ умершими на высокихъ тво­ихъ язвеными: како падоша сильнiи?
1:20 См.: 🔗1Цар. 17:23 🔗Суд. 11:34 🔗Суд. 14:19	не воз­вѣщайте въ геѳѣ, ниже повѣдайте на исходищихъ Аскалонихъ, да не воз­веселят­ся дщери иноплемен­ничи, ни да воз­радуют­ся дщери необрѣзан­ныхъ.
1:21 См.: 🔗1Цар. 31:1	Горы гелвуйскiя, да не снидетъ роса ниже дождь на васъ: и села начатковъ [житныхъ], яко тамо поверженъ бысть щитъ сильныхъ: щитъ Сауловъ не быти помазанъ елеемъ:
1:22 См.: 🔗1Цар. 14:6	от­ крове язвеныхъ и от­ тука сильныхъ лукъ Ионаѳановъ не воз­вратися тощь вспять, и мечь Сауловъ не воз­вратися тощь:
1:23	Саулъ и Ионаѳанъ воз­люблен­нiи и прекраснiи неразлучни, благолѣпни въ животѣ сво­емъ, и въ смерти сво­ей не разлучишася: паче орловъ легцы и паче львовъ крѣпцы:
1:24	плачите по Саулѣ, дщери Израилевы, иже васъ облача­ше въ червленицы со украшенiемъ вашимъ, и воз­лага­ше украшенiе злато на ризы вашя:
1:25	како падоша сильнiи посредѣ брани? Ионаѳане, до смерти на высокихъ тво­ихъ язвенъ еси:
1:26 См.: 🔗2Цар. 9:1 🔗1Цар. 18:1	болѣзную о тебѣ, брате мой Ионаѳане, красный ми зѣло, удивися любо­вь твоя от­ мене паче любве женскiя:
1:27	како падоша сильнiи, и погибоша оружiя бран­ная?