Псалтирь, псалом 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 19
19:1	Въ конецъ, псаломъ Давиду.
19:2 См.: 🔗Пс. 17:7	Услышитъ тя Господь въ день печали, защититъ тя имя Бога Иаковля.
19:3	Послетъ ти помощь от­ Святаго, и от­ Сiона заступитъ тя.
19:4	Помянетъ всяку жертву твою, и всесожженiе твое тучно буди.
19:5 См.: 🔗Пс. 20:3 🔗Ис. 41:16	Дастъ ти Господь по сердцу тво­ему, и весь совѣтъ твой исполнитъ.
19:6 См.: 🔗2Цар. 8:6	Возрадуемся о спасенiи тво­емъ, и во имя Господа Бога на­шего воз­величимся: исполнитъ Господь вся прошенiя твоя.
19:7	Нынѣ познахъ, яко спасе Господь Христа Сво­его: услышитъ его съ небесе святаго Сво­его: въ силахъ спасенiе десницы его.
19:8 См.: 🔗4Цар. 19:23	Сіи на колесницахъ, и сіи на конехъ: мы же во имя Господа Бога на­шего при­­зовемъ.
19:9	Тіи спяти быша и падоша: мы же востахомъ и исправихомся.
19:10	Господи, спаси царя, и услыши ны, въ оньже аще день при­­зовемъ Тя.