Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 | И рече Господь къ Моисею и Аарону, глаголя: |
2:2 | человѣкъ держайся по чину своему, по знаменiямъ, по домомъ отечествъ своихъ, да ополчаются сынове Израилевы предъ Господемъ, окрестъ скинiи свидѣнiя да ополчаются сынове Израилевы. |
2:3 См.: 🔗Чис. 10:5 | И ополчающiися первiи на востокъ чинъ полка Иудина съ силою ихъ, и князь от сыновъ Иудиныхъ Наассонъ сынъ Аминадавль: |
2:4 | сила его согляданая седмьдесятъ и четыри тысящы и шесть сотъ. |
2:5 См.: 🔗Чис. 10:15 | И ополчающiися близъ от племене Иссахарова, и князь сыновъ Иссахаровыхъ Наѳанаилъ сынъ Согаровъ: |
2:6 | сила его согляданая пятьдесятъ и четыри тысящы и четыре ста. |
2:7 См.: 🔗Чис. 10:16 | И ополчающiися близъ от племене Завулоня, и князь сыновъ Завулонихъ Елiавъ сынъ Хелонь: |
2:8 | сила его согляданая пятьдесятъ седмь тысящъ и четыре ста. |
2:9 | Всѣхъ сочтеныхъ от полка Иудина сто осмьдесятъ шесть тысящъ и четыре ста, съ силою ихъ первiи да воздвизаются. |
2:10 См.: 🔗Чис. 10:6 | Чины полка Рувимля къ югу съ силою его, и князь сыновъ Рувимлихъ Елисуръ сынъ Седiуровъ: |
2:11 | сила его согляданая четыредесять и шесть тысящъ и пять сотъ. |
2:12 См.: 🔗Чис. 10:19 | И ополчающiися близъ его от племене Симеоня, и князь сыновъ Симеонихъ Саламiиль сынъ Сурисадаинъ: |
2:13 | сила его сочтеная пятьдесятъ и девять тысящъ и три ста. |
2:14 См.: 🔗Чис. 10:20 | И ополчающiися близъ его от племене Гадова, и князь сыновъ Гадовыхъ Елисафъ сынъ Рагуиль: |
2:15 | сила его согляданая четыредесять и пять тысящъ и шесть сотъ и пятьдесятъ. |
2:16 | Всѣхъ же сочтеныхъ полка Рувимля сто пятьдесятъ едина тысяща и четыре ста и пятьдесятъ, съ силою ихъ вторіи да воздвизаются. |
2:17 См.: 🔗Пс. 45:6 | И да воздвигнется скинiя свидѣнiя и полкъ левитскiй посредѣ полковъ: якоже ополчатся, тако и да воздвигнутся, кійждо держася по чину своему. |
2:18 См.: 🔗Пс. 79:3 🔗Чис. 10:22 | Чинъ полка Ефремля къ морю съ силою ихъ, и князь сыновъ Ефремлихъ Елисама сынъ Емiудовъ: |
2:19 | сила его сочтеная четыредесять тысящъ и пять сотъ. |
2:20 См.: 🔗Чис. 1:10 | И ополчающiися близъ племя Манассіино, и князь сыновъ Манассіиныхъ Гамалiилъ сынъ Фадассуровъ: |
2:21 | сила его согляданая тридесять двѣ тысящы и двѣсти. |
2:22 | И ополчающiися близъ от племене Венiаминя, и князь сыновъ Венiаминихъ Авиданъ сынъ Гадеоніевъ: |
2:23 | сила его сочтеная тридесять пять тысящъ и четыре ста. |
2:24 | Всѣхъ сочтеныхъ полка Ефремля сто осмь тысящъ и сто, съ силою ихъ третiи да воздвизаются. |
2:25 | Чинъ полка Данова къ сѣверу съ силою ихъ, и князь сыновъ Дановыхъ Ахiезеръ сынъ Амисадаинъ: |
2:26 | сила его согляданая шестьдесятъ двѣ тысящы и седмь сотъ. |
2:27 | И ополчающiися близъ его племя Асирово, и князь сыновъ Асировыхъ Фагаiилъ сынъ Ехрановъ: |
2:28 | сила его согляданая четыредесять едина тысяща и пять сотъ. |
2:29 | И ополчающiися близъ племя Нефѳалимле, и князь сыновъ Нефѳалимлихъ Ахирей сынъ Енань: |
2:30 | сила его согляданая пятьдесятъ три тысящы и четыре ста. |
2:31 | Всѣхъ сочтеныхъ полка Данова сто пятьдесятъ седмь тысящъ и шесть сотъ, съ силою ихъ послѣднiи да воздвизаются по чину своему. |
2:32 | Сiе сочтенiе сыновъ Израилевыхъ по домомъ отечествъ ихъ: вся согляданiя полковъ съ силами ихъ шесть сотъ три тысящы и пять сотъ пятьдесятъ. |
2:33 | Левити же не соглядашася среди сыновъ Израилевыхъ, якоже заповѣда Господь Моисею. |
2:34 См.: 🔗Исх. 12:28 🔗Лев. 24:23 | И сотвориша сынове Израилевы вся, елика заповѣда Господь Моисею: тако ополчахуся по чиномъ своимъ, и тако воздвизахуся кійждо близъ по сонмомъ своимъ, по домомъ отечествъ своихъ. |