Книга Левит, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1	И рече Господь къ Моисею, глаголя:
12:2 См.: 🔗Лк. 2:22	глаголи сыномъ Израилевымъ и речеши къ нимъ, глаголя: жена, яже аще зачнетъ и родитъ мужескъ полъ, нечиста будетъ седмь дній: по днемъ [есте­с­т­вен­наго] разлученiя скверны ея, нечиста будетъ:
12:3 См.: 🔗Быт. 17:10 🔗Лк. 2:21 🔗Ин. 7:22	и въ день осмый да обрѣжетъ плоть конечную его:
12:4	и сидѣти будетъ тридесять и три дни въ крови нечистѣй сво­ей: всякой вещи святѣй да не при­­коснет­ся и въ святилище да не внидетъ, дондеже скончают­ся дніе очищенiя ея.
12:5	Аще же женскъ полъ родитъ, и нечиста будетъ четыре­на­де­сять дній по [есте­с­т­вен­нѣй] сквернѣ ея, и шестьдесятъ и шесть дній сидѣти будетъ въ крови нечистоты сво­ея.
12:6 См.: 🔗Лев. 5:7	И егда исполнят­ся дніе очищенiя ея о сынѣ ея или дщери, да при­­несетъ агнца непорочна единолѣтна во всесожженiе, и птенца голубина или горлицу грѣха ради, предъ двери скинiи свидѣнiя къ жерцу,
12:7	и да при­­несетъ е предъ Господа: и помолит­ся о ней жрецъ и очиститъ ю от­ тока крове ея: сей законъ раждающiя мужескъ полъ или женскъ.
12:8 См.: 🔗Лк. 2:24 🔗Лев. 5:7	Аще же не обрящетъ рука ея доволнаго на агнца, и да возметъ двѣ горлицы или два птенца голубина, единаго на всесожженiе и другаго грѣха ради: и помолит­ся о ней жрецъ, и очистит­ся.